]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

شكوى الى الله فى اهل مصر

بواسطة: محمود الاسيوطى  |  بتاريخ: 2012-02-25 ، الوقت: 00:35:10
  • تقييم المقالة:

اللهم اشكوا اليك اهل مصر وما وصلو اية فى طرق التعامل مع بعضهم لبعض وايضا طرق معاملتهم للغرباء
اولا لا ياخفى عليكم ماوصل الية مستوى التعامل بيننا فىهذا الوقت من انحلال وانحطاط اخلاقى واجتماعى حيث اننا نسمع فى الشارع اقبح الالفاظ البذيئة على انها قصائد مدح او نوع من انواع الاطراء اصبح مستوى الشارع المصرى متدنى فى كل الاحوال حتى فى طرق السلام او الترحيب ببعضا لبعض اصبحت الالفاظ البذيئة تلقى من هنا ومن هناك كانها كلام عادى جداا واصبح القبح يعم الارجاء واصبح الالشخص المحترم مهان او يشعر على انى شخص ناقص لانه لا يستطيع التواصل مع من حولة بهذة اللغة الحديثة فى الامم المتقدمة يقولون التكنولوجيا لغة العصر اما فى مصر ام الدنيا فيقولون (الانحطاط لغة العصر)او ا(الندالة سلوك حضارى لابد ان نتبعة) وغيرها الكثير والكثير من الالفاظ الاخرى التى لا استطيع ان اذكرها لكم
المهم انا شاب عادى لا ادعى الاحترام المفرط مثل كثير من بنى عصرى ولكن الفرق الوحيد اننا نشعر اننا غير قاديرن على التواصل مع العالم الخارجى ولا اعلم حتى الان السبب فى هذة الفجوة فى التعامل انحن من لا نعرف اننواكب العصر وننزل اى الى مستوى التعامل فى الشارع ام الخطا فى من حولنا وطريقتهم فى التعامل
حيث وصلنا انك اذا قلت لاحدهم (حضرتك) ممكن يموت على نفسة من الضحك
لهاذا المستوى وصلت طريقة التعامل
موقف من مواقف كتير حصلت وبتحصل كل يوم وكل دقيقة وكل ثانية معايا مع كل الناس
المهم رحت المستشفى اعمل شوية تحاليل طبعا مستشفى عام حكومى وما ادراك ما المستشفى الحكومى بصراحة لا يصح ان يطلق علية اسم مستشفى اصلا المهم اول مرحت بصراحة الخدمة ممتازة كل عامل فى المستشفى بيقولى انتا عاوز تعمل اية (الخدمة تمام ) رحت الخزنة قلت للموظف لو سمحت اعا عايز استمارات للكشف الطبى علشان عايز اعمل رخصة قلى اية نوع الرخصة قلتولوا خاصة المهم قلى اطلع فوق الدور التانى لغرفة الكمبيوتر واشتريهم وبعدين تعالى ادفع الرسوم قلت تمام
طلعت لقيت واحدة ممرضة قال اية فاكرة نفسها وزيرة الطب البيطرى او مدير عام امن مركزى واقفة على ماكينة تصوير (هيا دى اوضة الكمبيوتر ) المهم انا قلتلها عايز اصور وبحركة عفوية حطيت الورق اللى معايا على الماكينة من فوق المهم الدنيا اتشالت واتحطط كانى دخلت موقع نووى اسرائيلى وانتا ازاى تعمل طدة مش شايفنى بصور ومشغولة ومش عارف اية .................الخ المهم انا قلت عادى مش هتكلم معاها بس رفعت ضغطها بصيتلها بكل برود وقلتلها براحة شوية اعصابك ومديت ايدى براحة ومسكت الورق بشويش كده تمام عليها
وبعدين رحت اكشف باطنة وقفت فى الطابوررررر نص ساعة و بعدين دخلت للدكتورة كانت بصرحة دكتورة زى العسل خالص قالتى اتفضل اطلع على السرير وفضلت تكشف عليا وحبة اشعة على شوية تحاليل ))))))))))))))))))))))استنوا شوية كة اللى انا كنت فاكر انى رايح اعملة لكن لقيت اية الدكتورة بتقولى انتا سليم انا رديت الحمد لله تمام بصتلى وضحكت وقالتلى خلاص لحظة ومضت على الورق وكمان ختمت انى خالى من اي امرا ض وان معنديش اى امراض فى البطن سبحان الله ولا تقلى اجهزة طبية المانية ولا امريكية لكن دى الخبرة المصرية تشوفك تحللك وممكن تديلك تقرير شامل عن حياتك كمان امال اية (اطباء مصرية *****العالمية) تتام اوى لحد كدة وان مبسوط خالص الدنيا ماشية معايا عثل قلت اروح اكشف نظر ووقفت فى الطابور شوية لكن الحمد لله عرفت اوصل للدكتورة يعنى كدة على بعد 10 متر المهم قالتى عاوز اية قلت انا بعمل فحص نظر علشان الرخصة قالتى تمام خالص وعنيك كويسة قلتلها انا بلبس نظارة قالتى تمام تحب تعمل فحص النظر بالنظارة ولا لا نعم يعنى انا لو كن عملت فحص النظر بالنظارة كان طلع نظرى ستة على ستة المهم الدكتورة قالتى تمام اوى وانتا كدة هتنجح انا مبسوط وفرحان عملت كل الكشوفات وطلعت سليم والحمد لله
رحت اختم الروق من المدير لقيت سكرتير المدير راجل محترم قالى عايز اية ياد (يعنى يقصد عاوز اية حضرتك ) المهم اديتة الورق وقلتلو لو سمحت انا عاوز امضاء المدير على صحة الورق المهم قالى زاى دا الورق ناقص انا قلت لية اية اللى ناقص قالى فين فصيلة الدم انا قلت حاجة مهمة المهم رحت لبنك الدم ووريا شوية عمال كل واحد اوز يشيلن من على الارض شيل لية السر دة اكتشفتة بعد ماخلصت واحد بيقولى اوعى تدى الورق بتاعك لاى حد نتا كدة خلص قلتلوا لية قالى هياخد منك الورق وبعدين مش هيعملك اى حاجة لانك خلصت كل الاجراءات وبعدين هيطلب منك فلوس بطريقة غير ادمية المهم انا خلص الورق وروحت اودية للمدير تانى لقيت الراجل المحترم تانى قلت خير اديتة الورق وبعدين خدة يختمة طبعا الختم مش باين خالص ولا هوا بيهون علية يضغط على الختم نممكن تكون ايدة وجعاة مثلا انا قلت كدة وبعدين بقولة لو سمحت الختم مش باين ممكن تدينى ختم واضح شوية قلى لا دة اللى عندنا قلتوا الختم مش واضح خالص والناسا كلها بتشتكى من الموضوع دة وبترجعلو تانى قالى اية هوا دة اللى عندنا لو مش عاجبك روح اى مستشفى تانية يكون فيها الختم واضح كآنى رايح اشترى اتنين كيلو طماطم

وانا بصراحة مش عارف هوا انا كدة اللى غلط ولا اية فين السر هيا الناس دى طول عمرها بتتعامل معانا كدة لية تروح للموظف تلاقية مش طايق نفسة ولاطايقك ولا حتى مستحمل منك اى كلمة ولو اتنرفذت علية يقولك نتى بتتعدى على موظف اثناء تادية (وردية قلة الادب بتاعتة) سورى اثناء تادية وردية العمل الرسمية هههههههههه نفسى اضحك بس مش عارف ممكن حد يضحكى بليييييز!!!!!!!!!!!


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق