]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

...................مصر ردت ع الرسالة..................

بواسطة: Ghada Salem  |  بتاريخ: 2012-02-14 ، الوقت: 03:31:04
  • تقييم المقالة:

بقلمى :غادة سالم

...........رسالة من مصر ..........

إبنتى العزيزة وصلتنى رسالتك وتحية غالية ليكى

ما تخافيش ....بكره ييجى الأوان وأرجع من غربتى

أنا الصمود من أمد بعيد وكل يوم محفور من تاريخى

ياما شقيت وإنهزمت وكل ضربة فى أرضى بتقوينى

وياما عشقنى كل وطنى والغدر مش ممكن يكون من إبن نيلى

إنكتب عنى بحب من كل شعراء مصر ...أحمد شوقى قال عنى 

أحبك مصر من أعماق قلبى ......وحبك فى صميم القلب نامى 

وكتب فؤاد حداد :يا مصر عيشى على المدى وإهدينا ثانية مخلدة

إما الشهادة أو الهدى ..............النصر الأكبر ع العدى 

وقال سيد حجاب :مصر إنتى حتة منى مش مجرد إسم وطنى

واللا بيرم لما قال :شدوا اللبان بزيادة كلام وإمشوا لقدام 

الساعد اللى بنى الأهرام ................لساه موجود

واللا أقولك عن صلاح جاهين اللى كتب فى إسمى دواوين

على إسم مصر التاريخ يقدر يقول ما شاء 

أنا مصر عندى أحب وأجمل الأشياء

بحبها وهى مالكة الأرض شرق وغرب

وبحبها وهى مرمية جريحة حرب

بنتى ما تخافيش الضربة لو جت من الظهر قادر يرد عليها الدهر

بكره تاريخى يكتب عن ولادى مين كان شهيد ومين كان فى نيته الغدر

ولو كنت هنا مرمية جريحة حرب بكره هرجع وأملك الأرض شرق وغرب

وده ردى ليكى بطمنك بكره ييجى اليوم وأرجع من غربتى 

أنا راجعة راجعة لا محال وحتى لو إتأخرت إنتظرينى

أمضاء :أم الدنيا مصر

غادة سالم


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق