]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

زمان........وبنتى.....والمدرسه

بواسطة: محمد فوزى العليمى  |  بتاريخ: 2012-01-14 ، الوقت: 20:29:52
  • تقييم المقالة:

 

زمان .........وبنتى  ........ والمدرسه

 

 

 

وديت البنت مدرستى اللى كنت فيها بتعلم و  وقلت تعرف و تتعلم *

 

 

 

وجعوا دماغى من المصاريف والطلبات وشروط التقديم وصبرت  وقلت تتعلم*

 

 

 

وقلت يا واد استحمل المهم البنت تشوف العلم فى مدرستى القديمه وتفهم وتتعلم *

 

 

 

وكل يوم اوديها مدرستى ومصاريف موصلات وبهدلة موصلات ومش عايزه تتعلم*

 

 

 

كل يوم كراستها تقول ادى واجب عربى وحساب وانجليزى وياريت  تفهم وبتتعلم*

 

 

 

 مرت سنه اولى وادى السنه التانيه وخطها زفت ومش عايزه تستفاد ولا تفهم وتتعلم *

 

 

 

 فين ايام زمان وكراسة الخط اللى تعلم الخط وتصحح الكتابه وكل يوم تقدم فى العلم و تتعلم*

 

 

 

لا اصبح فيه تعليم قرائه للعربى ولا انجليزى ولا  كتابه ولا خط ولا علم زى زمان بيتعلم *

 

 

 

 فين ايام زمان وحصة الزراعه والمشتل والاهتمام بالورد والزرع والجنينه وكنا بجد بنتعلم*

 

 

 

ولا حصة الفنون  والزوق والموسيقى والسلم الموسيقى اللى بنضرب على حفظه وكنا بنتعلم*

 

 

 

 كان وقتنا وفى مدرستنا كان فيه انشطه حقيقيه ومكتبه بجد وثقافه  وعلم ومدرسين وكنا بنتعلم*

 

 

 

 كل يوم بنتى ترجع من المدرسه تقولى مطلوب منى نشاط ولازم اعمله علشان  انجح واتعلم*

 

 

 

المصيبه لو طالبتها تكتب اسمها تعيط وتقولى معرفش انا لسه صغيره وبعمل الواجب و بتعلم*

 

 

 

بنتى الصغيره مش غبيه ولا هبله انما ازاى فى الزحمه والفوضى  والاضرابات هيا هاتتعلم*

 

 

 

اتعلمت بنتى من مدرسيها الاضرابات وقولت لا  والاعتراض والاسم انها فى المدرسه و بتتعلم*

 

 

 

 بنتى شاطره اوى فى كتر طلباتها وتطلب اكل معين ومصروف محدد والاسم بتروح بتتعلم*

 

 

 

اللى صعبان عليا بجد انها ذكيه وشاطره وعقلها واعى  ونفسها بجد تفهم كل حاجه وتتعلم*

 

 

 

زمان  كان النشاط  نول النسيج ايام ماكانت بلادنا بلد القطن وبتتميز وقتها بانتاجه وكنا بنتعلم*

 

 

 

 كانوا بيمهدو الولاد فى المدرسه تعرف تحلج وتغزل على النول وكانت مهنه مهمه وبتتعلم*

 

 

 

زمان فى حصة الانشطه كانت بنات المدرسه بتتعلم الطبخ والتدبير المنزلى  وكانت بتتعلم*

 

 

 

زمان علموهم الخياطه و تصنيع المربات والمخللات وكانوا فى المدرسه البنت بجد بتتعلم*

 

 

 

زمان البنات فى المدارس اتعلموا فنون راقيه ومهن انتاج وحرف دلوقت بقالها مدرسه بتعلم*

 

 

 

اتعلموا التريكو والكورشيه وحاجات ما تتوصف وكانت البنت شاطره وبجد كانت بتتعلم*

 

 

 

زمان فى حصة الانشطه علموا الولاد النجاره والكهربه والزراعه والصيانه و الكل بيتعلم*

 

 

 

زمان كان فى حصة العربى  مدرسين شوامخ زى الصقور فى الجد وزى الاباء فى الطيبه

 

 

 

 وزى الجدود فى العلم وكنا نعرف نحبهم ونحترمهم وناخد منهم علمهم وكنا بنتعلم*

 

 

 

فى حصة العربى علمونا الخط وفنونه النسخ والركعه وكمان التعبير والاملاء وكنا بنتعلم*

 

 

 

اهتموا معانا بالشعر العربى قديم وحديث وعرفنا تاريخ الادب والشعر وكنا بجد بنتعلم*

 

 

 

علمونا الله يبارك لهم ويرحمهم اصول النحو والشعر والقافيه وكنا وقتهم عايزين بجد بنتعلم*

 

 

 

زمان حفظنا الشعر وفهمنا معانى الكلام واصول الادب العربى والمصرى وكنا بجد  بنتعلم*

 

 

 

زمان كان المدرس قيمه ووظيفه ومعنى وعلم وكنا نهابه ونحترمه ونخافه وكنا بجد بنتعلم*

 

 

 

زمان كنا نشوف مدرسينا فى الشارع نخاف ونستخبى منهم وكنا بنتعلم الاحترام وكنا بنتعلم*

 

 

 

زمان كان المدرس حاجات كتيره و معانيها... نحبهم ونخافهم ونحترمهم وكنا بجد بنتعلم*

 

 

 

 زمان فى المدرسه كل مدرس ومدرسه كانوا اهالى كل الولاد والبنات وكنا بنفهم ونحس ونتعلم*

 

 

 

 زمان كانت الحصه الفاضيه يدخل مدرس غريب على فصلنا يذيد علمنا ويملينا كلمات تتعلم*

 

 

 

زمان اتعلمنا معانى جديده وعلمونا مبادىء وكانوا شركاء مع الاهل فى التربيه وكنا بجد بنتعلم*

 

 

 

 من حبى فى بنتى بتمنى تكون دخلت المدرسه ايامى واتعلمت على ايد مدرسينى كانت هاتتعلم*

 

 

 

لو كانت حصلت مدرستى القديمه كانت هاتتعلم قيم ومبادىء وعلم بجد يكبر عقلها وتفهم وتتعلم

 

 

 

 بس الغلط عندى   نسيت ان عهدها كل المدارس بقت شكل واحد ولا بتعرف تعلم ولا حد بيتعلم

 

 

 

بحلم يجى يوم المدرس يرجع فيها التعليم زى زمان وتتعلم الولاد اللى اتعلمنا احنا زمان من المدرسين

 

 

 

 والمدرسات بتوع زمان  بدل ما يعلموا ولادنا الاضرابات والمطالبات بدون حقوق

 

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق