]]>
خواطر :
خيبة أمل ، عندما يكتشف الإنسان أنه في محيط تحت خط الصفر ، لا يستطيع الغوص أو السباحة فيه...   (بلقسام حمدان العربي الإدريسي) . فلا تكتُمُنَّ اللهَ ما في نُفوسكم ليَخفَى ومهما يُكتَمِ اللهُ يَعلَمِ يُؤخَّرْ فيُوضَعْ في كتابٍ فيدَّخَرْ ليوم الحسابِ أو يُعَجَّلْ فيُنقَمِ (زهير بن أبي سلمى   (طيف امرأه) . 

استنى بس,انا هاجبلك حقك

بواسطة: AnA Mood  |  بتاريخ: 2016-10-27 ، الوقت: 00:20:18
  • تقييم المقالة:

 

 

استنى بس,انا هاجبلك حقك

بيسحرنى اوى وانا صغير كيوتا كدة و لسة بتظاية اللى يقولى الكلمة دى...يوصلك امان الدنيا فى جملة..ياااة ياخى الناس لجل حقك تفديك برقبتها

 

الناظر( انا هاجبلك حقك)

شب فى الحتة (انا هاجبلك حقك)

ماجورة المكوجى(انا هاجبلك حقك)

المنطقة فى صوت واحد(احنا هانجيب حق كل واحد فيكو)

طيب والله ماكان بيهدينى حقى اللى هايجى اد ما ان حد هايديعك مكانى

ياااااة..ثغرة!!!

لما العيل يشبط،الكبير يسايسو

بيحطوة فى مقارنة ما بين ((الغلط)) اللى هو هايعملة و ((الصح)) اللى هما هايعملوة هوووب بيقع الطفل فى فخ الهدوء، هدوء مؤقت ممكن يجى بعدة نسيان،تعويض صغير بقى..اى حاجة،دة ممكن كمان يتعاقب على انة كان شقى زيادة عن اللزوم ومحتاج تأديب.

هههههههه

يا بوب يافخم ياواكلنى بشياكة

ههههههه....دانا كونت نمرة وانا صغير أشيخ

طيب وانا مين هايجبلى حقى من الناس دى ؟؟

بس ماننكرش كانت كلمة حقنة هديتنا كتييير وريحتنا كتييير وخلتنا نسيب حاجااااات كتيييييييييير جدا

وكبرت,,,

وفهمت الخديعة..والشهادة لله انا ماعرفتهاش من حد انا لاقيت نفسى تلقائى بعملها مع اللى اصغر منى

وبحسن نية بتطلع..كدة

وعجبتنى اوى،اصل الكلمة و..و..

وظرفها فى وش الواد من دوول،هووووب يسيب منك كدة ويواهور حاجة كدة سفسطة ماتفهملهاش

لاكن كونت دايما بفكر لية كونت بصدقها واية هو اصلا المقنع فيها.

تفتكراحترام؟ جايز..طيب امان؟ يمكن..ولا خوف؟ وارد ويمكن ماكنش امان من الكلمة اد ماكان امان من اللى بيقولها

كونت بفتكر الكلمة دى اللي خلصت الموضوع.

قولت لا دانا اقف واتعلم،اشوف هى بتخلص ازاى؟

عرفت ان مش هى اللى خلصت الموضوع.دة انا.

انا اللى خلصت الموضوع لما مشيت وسيبت حقى

انا اللى رجعت حقى معايا لما جبت ورا.

لا مش عبط ولا سزاجة،كونت فاهم ان الناس ممكن تشوف قضيتى وموقفى زاى مانا شايفهم او حتى يحترمو نظرتى للحياة كدة.. بس.

محدش كان مستعد يمشى في حاجة ملوش فيها مصلحة او ((هو شايف)) انها تتحل بطريقة تانية، وحتى لو ماتحلتش الدنيا ماخربتش..دة شغل عيال اصلا

طيب لو عطشت ألاقيش حد يشرب مكانى!!!!

 كونت فاهم بقى ان الناس ممكن تفكر في كلام طفل عن العدل والحق

كلمة عملت فى دماغى تشوة اجتماعى مابين جيل اصغر صدق فى-ساعة فارقة-جيل اكبر

طيب احمى حقي من اهلى؟...لا،عندى حاجة,ماتجبليش حاجة بس يكفي انك تبقي فى صفى

مش كفاياها اوى كلمة ضيعت كتير ؟ وخلتنى اسيب حاجات كان عدم تدخلك فيها كفيل بانى اعملها على اكمل وجة

مسايسة وكذب ومساومة رخيصة,ولا انت هاتعمل اللى انا عايزة ولا انا هانسالك دة

كفاية بواخة وتهميش اى حاجة برة محيطك الشخصى وامن ببوكرة اللي لغيرك لو مأمن بموتك

انا اللي صدقت ومشيت،استنيت حقى يجبوة لحد ما رجعت لاقيتهم مشيو...راحو،وسابو ثورة حلم وغضب يخبطو دماغم في اقرب حيط

ياخسارة مشيو وماصدقونيش عشان مش دة السن اللى يصدقوة

على فكرة,اصلا انا مازعلتش منهم علشان صدقو اللى ظلمنى وكذبونى انا..ولا زعلان عشان قاسو الحق بالسن 

انا زعلان عشان حقى عندهم ماسواش اكثر من كدبة ولا حتى حسو بزنبها و تابو

ماكونتش مصدق ان قبولى بتدخلهم هايضيع عليا حقى وثورتى على الغلط

جايز اكون خلاص كبرت ومابقاش عندى حق

بس فى ضعفى وعدت,عمرى ماهقف فى طريق حد عايز يجيب حقة زاى ماهو عايز،،يمكن....يمكن دة اللي هايعرف يجيب حقة وحقي ازاى لما يكبر..ويتعلم

ويلا رووح..عشان انا مش هاجبلك حقك.

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق