]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة : الزعيم . . . . الخالد ! !

بواسطة: د. وحيد الفخرانى  |  بتاريخ: 2016-09-28 ، الوقت: 16:01:44
  • تقييم المقالة:

قصيدة :  الزعيم  . . . . .  الخالد   ! ! ( بقلم : الأديب د . وحيد الفخرانى ) .

----------------------------------------------------------------------------

يا زعيم  خالد جوة  قلوبنا  . .

و جوة  عقولنا  أبدْ  الدهرْ  ! !

 

ساكن  فينا  مَلوْ  عينيا  . .

مش  ناسينك  طولْ  العُمرْ  ! !

 

إنت  المَصرى  فيكْ  العِزة  . .

و بيكْ  المجدْ  و رَمز  الفخرْ  ! !

 

عاشق  وطنكْ  و تراب  بلدكْ  . .

رافع  راية  النصر  لمصرْ  ! !

 

قلتْ  هَنبنى  السَدْ  العالى  . .

جبت  الخيرْ  و هَزمت  الشرْ  ! !

 

ياما  عاندتْ  بلادْ  الغربْ  . .

و اتحديتْ  الجوع  و القَهرْ  ! !

 

عاش  المَصرى  فى  عَهدكْ  يحلمْ  . .

يبنى  بلاده  بقوة  وصبرْ  ! !

 

و إنت  كمان  بتقوله  يا  مَصرى  . .

إرفع  راسك  خليك  حُرْ  ! !

 

و قف  الشعبْ  بكل  عزيمة  . .

ضد  الجهل  و ضد  الفقرْ  ! !

 

و لما  اجتمعوا  عَليك  أعادينا  . .

قلتْ  قناتنا  خيرها  لمصرْ  ! !

 

و فلسطين  و عروبة  أمة  . .

كانوا  شعارك  نسر  و صقرْ  ! !  

 

فين  هنلاقى  زيك  تانى  . .

يحيى  أملنا  و نحيا  العَصرْ  ؟ ؟

 

عَصرْ  زمانكْ  اللى غادرنا  . .

و دُقنا  سنين  من بعدك  مُرْ  ! !

 

يوم ما رَحلت  عن دُنيانا  . .

صِرنا  يتامىَ  و غابْ  الفجرْ  ! !

 

لبست  مَصر  سَواد  الحزن  . .

راح  اليُسر  و جانا  العُسرْ  ! !

 

ناصرْ  لينا  و خالد  فينا  . .

زى  النيل  و حضارة  مَصرْ  ! !

 

آه  يا  زمان  لو  ترجع  تانى  . .

أحلىِ  أيام  و جَمال  النصرْ  ! !

 

يا زعيم  مَصرْ  . . . . . .

 

                                     و إلى قصيدة أخرى إن شاء الله .

( هذه القصيدة إهداء لروح الزعيم الخالد / جمال عبد الناصر ، فى الذكرى السادسة و الأربعين لرحيله ) .

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق