]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

قانون الاضافات البسيطة !

بواسطة: عادل عباس  |  بتاريخ: 2016-03-19 ، الوقت: 09:55:56
  • تقييم المقالة:

كتير مننا الفتره اللي فاتت اتفرجوا  علي برنامج مواهب الاطفال THE VOICE KIDS 

كتير مننا انبهر بمواهب الاطفال دي .. ثقة الاطفال في نفسهم وهما بيغنوا قدام ٣ نجوم كبار وقدام ناس كتير بتتفرج عليهم .. طفل عنده ١٠ سنين بيغني عربي وانجليزي وفرنساوي !

الحاجات اللي ورا الكاميرا اللي محدش اهتم بيها .. لازم نسلط الضوء علي اللي ورا الكاميرا عشان نقدر نعرف الاطفال دول بقوا كده ازاي ؟! عشان اطفالنا احنا كمان يبقوا زيهم كده .. او عشان احنا اصلا نبقي كده !

تعالي نتكلم في اول نقطه ممكن تكون سبب اننا نكون اطفالنا ونساعد اطفالنا يكونوا كده .. اول حاجه انك انت شخصيا تكون مثقف .. تكون علي علم .. وتكون مطلع علي ثقافات كتير .. عشان لما حد يتناقش قدامك في حاجه تكون انت قادر انك تتناقش انت كمان معاهم .. وعشان ابنك ياخدك قدوه ليه ويبدا ان هو يقلدك ويعمل زيك في انه يبقي مثقف يبقي متعلم يبقي مطلع علي ثقافات كتير .. 

تعالي بقي لعنوان المقال اللي هو قانون الاضافات البسيطه ! 

انت تقدر تستغل القانون ده عشان تكون مثقف جدا .. 

القانون ده عباره عن انك كل يوم هتبدا تتعلم حاجه ولمدة نص ساعه بس .، 

بس لازم تستمر علي النص ساعه دي يوميا .. بكده انت كل شهر هتكون اتعلمت حاجه معينه لمدة ١٥ ساعه ! 

هنفترض انك مثلا هتتعلم لغه جديده .. مثلا هتتعلم انجليزي .. فيه تطبيق علي الاندرويد اسمه MEMRISE التطبيق ده بيعلمك اي لغه انت محتاجها عن طريق الثروه اللغويه وانه بيعلمك كلمات كتير في اللغه اللي انت محتاجها ..

وبيعملها بطريق مسلي جدا ومحفز جدا من غير متزهق .. 

الدرس الواحد فيه بيبقي نص ساعه .. ف تقدر تطبق قانون الاضافات البسيطه علي التطبيق ده .. 

هنفترض انك محتاج تقرا في التاريخ او في اي علم تاني .. لما تبدا تطبق عليه القانون ده وتقرا كل يوم نص ساعه بس يعني حوالي ٢٠ صفحه .. 

يبقي كل شهر بتقرا ٦٠٠ صفحه يعني بمعدل كتابين كل شهر في المجال اللي انت بتقرا فيه سواء كان مجال شغلك او مجال تاني .. 

انت متخيل انك كل شهر بتقرا كتابين يعني كل سنه بتقرا حوالي ٢٤ كتاب !! 

لو في مجال شغلك ف انت اكيد عارف هتكون خبرتك بقت عامله ازاي وهتكون تفوقت علي ناس كتير جدا من زمايلك .. 

ولو مش في مجال عملك هيكون بقي عنده خبره مش قليله في المجال اللي بتقرا فيه بعد سنه واحده .. بس سنه واحده من المداومه علي قراية نص ساعه بس يوميا .. 

طبعا العبقريه انك تكون بتقرا وتتعلم في مجال تاني غير مجال شغلك وتبدا تربط المجالين ببعض .. 

اشهر علماء عملوا نظريات وقوانين بيستفيد منها العالم كله دلوقتي هما علماء قدروا فعلا يربطوا بين مجالين .. زي الفيزياء والرياضه مثلا وهكذا .. 

عشان تقدر تحقق المعادله دي وتكون فعلا عبقري ممكن الكتابين اللي تقراهم كل شهر يكون واحد منهم في مجالك والتاني في مجال تاني غير مجالك .. 

تجربة والد وابنه كانوا كل يوم بيقروا ربع ساعه قصه قصيره بالانجليزي وابنه عنده ١٠ سنين .. لما ابنه وصل انه بقي عنده ١٤ سنه بقي كان قادر انه يقرا اي كتاب باللغه الانجليزيه ! 

فعلا قانون الاضافات البسيطه ده قانون محترم جدا فعال جدا ومُجرب كمان .، 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق