]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . إذا سمعت عويل الذئاب...يعني ذلك ، إما في المصيدة تتألمُ أو في الغنائم تتخاصمُ...   (بلقسام حمدان العربي الإدريسي) . 

هل فكرت قبلاً بالاسجاب ؟! اقرأ هذا المقال قبل ان تتخذ القرار

بواسطة: Hisham Berro  |  بتاريخ: 2016-02-08 ، الوقت: 05:54:51
  • تقييم المقالة:

هل فكرت من قبل او عم تفكر حالياً بانك تنسحب من حلمك, من مشروعك الخاص او من اي شي عم تشتغل عليه ؟!

كلنا بنعرف انو في كثير اشخاص ممكن يكونوا انسحبوا قبل الوصول لخط النهاية بخطوات, هي 3 أمور حافظت عليها انا شخصياً كانت سلاحي السري لابقى محافظ على اصراري لمدة اكثر من سنتين ونصف وساعدتني لاوصل للنجاح وابني فريق منتشر باكثر من 9 بلدان خارج سوريا و رح تساعدك انت كمان لتبقى بالمقدمة : اكيد كلنا مر علينا يوم اللي بتسأل فيه نفسك " ليش انا عم بدأت بهاد العمل ؟! " او " هل فعلا رح اقدر انجح من خلال هاد العمل ؟! " وممكن يكون خطر على بالك وفكرت " هل رح انا عم اعمل كل شي بشكل صح, هل المشكلة بادائي ولا بالمحيط ولا باي شي ثاني ؟! " كمدرب لكثير اشخاص بعملنا, بقدر بقول انو كثير اشخاص بمرو بهاد الشي, وبحسو انو ما في شي عم يعملو بشكل صح وانو كل شي عم يسير عكس رغباتن و المستقبل عم يكون ضبابي اكثر من اي وقت مضى, وممكن البعض حتى يكون عطى كل طاقتو و مع هيك الخيار الوحيد المنطقي المتبقي هو الانسحاب, اذا كنت عم تمر بهاد الشي بدي اطلب منك تصمد شوي صغيرة بعد, لان ممكن اللي رح شاركك في يغيرلك كل شي, بالاضافة لانه رغم سهولة اتخاذ هاد القرار " قرار الانسحاب " انت بثانية وحدة فقط ممكن تكون عم تغير مسار حياتك بشكل كامل, ورح تكون عم تعيش وحدة من هي اللحظات لبيطلق عليا اسم " لحظة حاسمة " بحياتك واللي بكون فيها القرار مصيري وممكن يكون الو تأثيرو عالطريقة اللي رح تعيش فيها بقية حياتك و تأثيرو على حياتك المادية و دخلك وعلاقاتك وغيرو فالقرار بهي اللحظة ممكن يخليك تكسب كل هاد وممكن يبعدك بشكل مطلق عن كل هاد, فلا تستهين بهيك قرار .. بهيك بدل ما نختار الهرب و الطريق الاسهل, ممكن نفكر شوي سوا و نفهم عنجد التحديات اللي عم نمر فيا و شو بتعني و بدل ما نخاف من الفشل نرحب فيه لان الفشل هو مجرد طريقة بتقلك الحياة من خلالها انو في شي خطأ عم تعملو ولازم تبحث عن طريقة افضل لهيك شركائي و اصداقائي واخوتي ايل تيم سوريا والعالم رح شاركنن ب 3 أمور كانت فعلا سلاح سري بالنسبة الي ساعدني استمر وحقق كثير من اهدافي رقم 1 : لا تلوم نفسك ولا تاخذ الامر على محمل شخصي كثير اشخاص لما ما بتحصل على النتائج اللي بترغب فيا بتبلش تفكر " هل المشكلة فيي انا, هل انا ما بملك القدرات او المهارات او حتى الذكاء اللازم لاحصل على النتائج الضخمة ؟! " لازم تعرف كثير منيح صديقي وتآمن بداخلك انو نتائجك الحالية هي ليست انعكاس دقيق عن امكانياتك وقدراتك ونتائجك الحالية ابدا مو هي اللي بتحدد نتائجك بالمستقبل لكن اكيد ممكن تكون مؤشر انو في مهارات معينة او مناطق معينة لازم تقوي نفسك فيا, ممكن لازم تمارس هي المهارة بشكل اكبر او حتى تبحث عن معلومات وتسال اكثر عن مهارة معينة, اي شخص قادر يعمل هاد الشي, لكن لا تخلي نتائج الحالية تحدد مصيرك, اذا في شي ما عم يمشي بالشكل اللي انت بدك ياه, هاد مؤشر على انو في شي بحاجة تعديل وليس انعكاس لنتائجك بالمستقبل او انو في شي خطا فيك انت شخصياً ولازم تعرف كثير منيح انك انت كشخص منفصل عن العمل و انك انت كشخص قيمتك منا بقيمة الرصيد الموجود بحسابك البنكي وانت منك الـ " لا " اللي ممكن تكون سمعتها كثير هاد الاسبوع اعزل كل هي الامور عن شخصك لان ما الها علاقة بذاتك او بقدراتك .. رقم 2 : اكسر الروتين و النمطية و الاساليب المكررة اللي عم تشتغل فيا و تعلم كيف تشحن نفسك بالحماس بنفسك المرة القادمة اللي بتحس نفسك فيا على حافة الانسحاب, افضل شي ممكن تعملو هو تغير من روتينك بمعنى لازم تعمل اي شي بيتطلبو الامر لحتى تغير من الحالة النفسية اللي انت فيا وتحط نفسك بحالة نفسية افضل, البرت اينشتاين كان الو راي جدا رائع بهاد الخصوص لما قال :  " لا يمكن ان نحل المشاكل التي تواجهنا بنفس التفكير الذي كنا نفكر به عندما اوجدنا هذه المشاكل " بمعنى آخر, حتى تقدر تحقق تقدم بعملك لازم تغير من الطريقة لعم تفكر فيا وكمان تغير من الطريقة لعم تشعر فيا بداخلك تجان نفسك و تجاه العمل ممكن تشوف فلم حلو او تزور صديق دائما بيعطيك امل وبحمسك, ممكن تقرأ كتاب بيلهمك, البعض بحب يطلع حتى من البيت ويمشي لمسافات بعيدة بمكان بحبو وبرجعلو ذكريات حلوة, ممكن تتأمل وتصلي, الفكرة صديقي انو انت لازم تعمل اي شي يغيرلك من الحالة النفسية لانت فيها, ولازم تخلق لنفسك حالة و تحط نفسك بمكان بساعدك انك تهدأ و رح تلاقي انو قبول التحديات لعم تواجها رح يصير اسهل بكثير .. رقم 3 : تعلم الدروس اللي حياة عم تحاول تعلمك ياهن كلنا بنعرف قصة اديسون وانو جرب اكثر من 999 مرة وفي اشخاص بقولو 11.000 مرة قبل ما يقدر يخترع المصباح الكهربائي, وكلنا بنعرف انو الشي لخلاه يستمر رغم كل هي المحاولات " الفاشلة " هو انو استفاد من كل وحدة من هي التجارب لتكون دليل يوصلو لهدفو, وما استخدمن كعذر للانسحاب لهيك المرة القادمة لبتحس فيا انك ما عم تتقدم, خذ لحظة, وقف واسال نفسك شو هي الدروس اللي الحياة عم تحاول تعلمني اياها ؟! شو هي المهارات اللي انا بحاجة انو طور نفسي فيها ؟! شو المعلومات او المعارف الجديدة اللي انا بحاجة انو اكتسبا ؟! لازم تعرف شريكي انو مافي شي اسمو تجارب ناجحة وتجارب فاشلة, في شي اسمو تجارب ناجحة و تجارب لازم نتعلم منا, بس لما بنفكر بهي الطريقة رح يكون النجاح من نصيبنا خليني شارككن ب 4 اسئلة اللي انا بطرحا على نفسي لاقدر اخذ كل الفائدة من اي تجربة بمر فيا و اذا بتسال نفسك هي الاسئلة رح تلاقي كثير امور عم تتغير للافضل : * شو هي الامور اللي عم اعملها وعم تعطيني نتائج ؟! كثير مهم انو ننظر للامور اللي عم تسير بشكل صحيح ونكافئ انفسنا عليها * شو هي الامور اللي عم اعملها و " لسه " ما عم تعطيني نتائج ؟! بمجرد انك تعرف شو هي النقاط اللي عم تشكل تحدي بالنسبة الك رح تكون هي اول خطوة لايجاد حل, كثير اشخاص بقضو عمر كامل ما بيعرفو شو الخطا اللي عم يقعو في * شو هي الامور اللي بتشعر انها بحاجة تغيير او ممكن تعديل صغير لتعطيك نتائج افضل ؟! من الطبيعي انو تحتاج تعمل تعديلات بسيطة بحسب الحاجة خلال رحلتك * مين افضل شخص ممكن يساعدني بايجاد حل للتحدي اللي عم مر فيه او يساعدني طور مهارة معينة او يعطيني معلومات قد تكون غايبة عني ؟! اقصر طريق ممكن تتبعو لتوصل لاهدافك هو انو تبحث عن شخص هو سبقك ونجح بالشي لعم تعملو انت حاليا وتعرف شو الاسرار والامور والطرق المختصرة لهو اتبعا وبالنهاية شريكي, الفشل او الالم او الخيبة ممكن يكونو اكبر حلفاء النا لما بننظر الن بهي الطريقة وتذكر غير نظرتك للأمور ستجد ان الأمور تتغير, بالتوفيق للجميع, اخوكم وشريككم هشام برو ..

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق