]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

التكنولوجيا فناء للشعوب

بواسطة: Ayman Reda  |  بتاريخ: 2015-11-19 ، الوقت: 05:50:38
  • تقييم المقالة:
  غريب جدا ان لم نقف قليلا امام العوامل المساعدة التى ادت او ساعدت فى قيام الثورات العربية او مايسمى بالربيع العربى , فمن اكبر العوامل المساعدة والتى كان لها اكبر الاثر فى التجميع والشحن وتداول المعلومات هو الفيس بوك لانتشارة الواسع بين فئة كبيرة من الشباب ويلية التويتر وقد اتيت بالتويتر بعد الفيس بوك لان التويتر متخصص قليلا ولا يحبة او لا يستخدمة سوا من يحب الكتابة اكتر من مشاركة الصور مع العلم انة ( اقصد التويتر ) اصبح يتداول الصور اكثر بكثير وهذا بعدت ان بدات اتعمق فيه قليلا فانا كمثال شخصى بدات على الفيس بوك وكنت من الغير مقتنعين بالتويتر لعدم وجود الحب الجبار للكتابة لدى ماعلينا ,,   نرجع لاكثر اداتين ساعدوا على زلزلة العالم العربى الفيس بوك والتويتر والسؤال هنا هل فعلا تم اختراع هذة الشبكات الاليكترونية بناء على مجاراه التطور التكنولوجى فعلا ام هو سلاح استراتيجى فعلا تم حشد الملايين من خلاله وكان الوسيلة الرائعة لتجميع الشباب واستغلال قوتهم فى التجمع فقط واستغلال ايضا جهلهم الثقافى والتحكم بهم عن طريق الفيس بوك والتويتر؟   لنرى ,,  الفيس بوك ماهو ؟ فهو من وجهه نظرى عالم خرافى يعطى الكل الحق فى مشاركة كل ماهو صحيح وغير صحيح هو اداه اصبحت تستخدم لنشر المنشورات والصور سواء الصحيح منها والكاذب اداة تظهر فى ظاهرها انها تجمع الشباب وتوحدة ولكن فى باطنها هى اداه للتفريق والشحن والمشاحنات والكره ,   فالكل اصبح بيفهم فى كل شى فى لمح البصر وهذا يعطية كل الحق  انة يكتب وينشر ويفبرك صور وينشر اشاعات وحتى الشتيمة اصبحت سهله جدا والكل بارع فيها والكل بيشتم حتى البنات ، الفيس بوك نشر ثقافة كبيرة من اللااخلاق بين كل الفئات المختلفة من مستخدمين هذة الشبكة اصبح الحياء غير موجود بالمرة حتى عند البنات الى اصبحوا هم كمان بيشتموا بافظع الالفاظ وعادى جدا . دة كلة سببة انهم قاعدين خلف شاشه لهم مطلق الحرية انهم يعملوا ويقولوا كل اللى جوة نفوسهم سواء غلط او صح ,,    الغريب انك لو فلترت مستخدمين الفيس بوك وقولت اللى هايطلع شخصيتة فى الواقع زى شخصيتة على الفيس بوك بالظبط مش هاتلاقى ابدا نفس الشخصية ,, طب دة مش يبقى نشر لمرض انفصام الشخصية الرهيب   لما تبقى مقضى معظم وقتك على شبكة التواصل الاجتماعى بشخصية غير شخصيتك فى الواقع ( ماهو لازم تبقى غير شخصيتك فى الواقع ) لانك عمرك سواء كنت ولد او بنت فى الواقع او فى المواجهه هايطلع كل اللى جواك من كره وغل وشتايم بالحرية الرهيبة اللى بتحصل على الفيس بوك او التويتر   حتى لو كان من باب الادب والذوق لكن انت على الفيس بوك بتتنازل عن كل نواحى الادب والذوق والتربية حتى , وبتسيب لشيطانك كل المجال انة يطلع اسوأ مافيك وعادى جدا   كنا زمان ,, زمان زمان يعنى   كانت الناس مابتعرفش غير جيرانها وكانت وسيلة الترفيه هى الراديو بس ولما دخل التلفزيون كانوا بس ثلاث قنوات كانت الناس غير كدة بس احنا مش عاوزين نفكر ليه كانوا غير كدة .. كانوا ليه الناس بتبان انها كويسة ومش بالسوء اللى بنشوفة الايام دة ؟   كانت الناس طيبة وبريئة فعلا كان كل واحد مركز فى اسرتة وجيرانة وبس ويمكن غير كدة مايعرفش دة مش معناه انى بادافع عن ان الواحد يعيش مقفول او منغلق ولكن زيادة الشئ عن حدة طبيعى بتقلبة لضدة   لكن صدقونى العقل البشرى مهما وصلت قدراتة مش هايستحمل كل الانفتاح دة مش هايستحمل انك تشوف كل الجرائم والقتل والاغتصاب والذبح فى دول بعيد اوى عنك او حتى فى دولتك لكن فى مكان تانى مش هايستحمل انك تشوف كل البلاوى فى العالم بالبساطة دة ,   العقل البشرى والنفسية البشرية اضعف من كدة بكتير خصوصا انى باتكلم عن عامة الشعب مش عن ناس متخصصة ,,   وبنتسائل لية بنشعر باكتئاب ولية مش قادرين نشعر بسعادة ولية مش مستحملين بعض ولية مدى الكره اللى ملى قلوبنا لبعض واحنا مانعرفش بعض مش قادرين نستوعب حتى مدى الضيق اللى مالى صدورنا مدى العدوانية والحيوانية اللى مع قليل من الوقت هاتحتل كل ذرة فى كياننا ومش هانلاقى من انسانيتنا اى شئ ,,   كله اصبح بيكتب وكله اصبح بيفهم وكله اصبح بيحلل وهو اساسا جاهل مش فاهم ومش نافع كله شايف ان راية هو الصح ولو عارضتة تبقى عدوة اللدود هاين عليه يقتلك ,, ازاى تعارضة وازاى تقوله كلامك مش صح   احنا ضحية للتكنولوجيا والتقدم وفعلا كنا زمان بنسمع ان التقدم والتكنولوجيا بتفنى شعوب بالكامل وكنا بنستغرب اوى لما بنسمع كدة لكن فعلا التقدم العلمى والتكنولوجى لما يبقى متاح بهذة الطريقة للاطفال ولعامة الشعب ولكل من هب ودب يبقى فعلا احنا هاننهى نفسنا بايدينا احنا ,, هانموت بعض فى الاخر لان وبكل سهولة من لم يوافق على رايك فهو عدك مع العلم انة ممكن يكون اخوك .   استرها معانا يارب ,, كتير منكم هايشوف كلامى دة تخاريف لكن فكروا معايا لية بقينا كدة لو ماكانش دة السبب الحقيقى لية بقينا كارهين وبس ومش عارفين حتى نحب نفسنا .   انا طولت كتير لكن ياريت يكون اللى جوايا وصل انا جوايا كتير جدا ونفسى نرجع نحب بعض زى زمان .   اعذرونى فأنا لست ممن يجيدون الكتابة ولكنى ابذل مجهود فى القراءة   ايمن رضا.  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق