]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

اول مقالاتي

بواسطة: Aya Mohamed  |  بتاريخ: 2015-08-20 ، الوقت: 01:23:12
  • تقييم المقالة:

الخوف و التجربة !!
الحاجتين دول بيضيعوا بعض تماما .. يعني طول مانت خايف من حاجة عمرك مهتجربها و لو جربت حاجة عمرك ماهتخاف منها .. بالعكس دي ممكن تكون حاجة حلوة جدا 
يعني مثلا من شهر و نص بس انا كنت لسة معرفش انا مجموعي كام كان كل الناس بيقدموا في امتحان القدرات بتاع فنون جميلة و انا مكنتش عايزة كانت واحدة صحبتي كل يوم تقولي يلا ياية و مش هنخسر حاجة .. طبعا انا كنت خايفة معرفش ارسم و ان كل الهناك دول رسامين طب انا هعمل ايه وسط كل دول لا مش عايزة فضلت فترة كدا !!
لحد لما قريت post بالصدفة كدا عن ان الخوف بيضيع منا فرص كتيير جدا و في ليوم دا أنا الكلمت ميار و قولتلها هننزل ناخد الكورس بكرة و انا الكلمت السنتر و روحنا فعلن و اخدنا الكورس ... و حصلت المعجزة و خلص الكورس و اتعلمت هرسم ازاي و طلع مني شغل الناس هناك انبهروا بية و البنت الكانت بتدينا الكورس قلتلي انت فنانة 😤
طبعا انا اخدت الكلام دا على انو مجاملة و عديته و مخدش في نفسي قلم عادي المهم روحت الكلية و خدت معاد الامتحان و جبت الادوات و كله .. رحت الكلية و خدت معاد الامتحان و رجع الخوف يسيطر تاني لا بلاش متروحيش .. المهم كلمت شخصا ما و لقيتة بيقولي رسم اية وفنون اية انت بتعرفي ترسمي اساسا ؟؟؟ طبعا انا سمعت الكلام دا و كانت لازم اخوض ال risk و اثبت لنفسي و اثبتلوا ان اني ممكن انجح المهم من يوم المكلمة ليوم الامتحان كنت كل يوم برسم و بقرا عن الرسم و ذاكرت الورق الخدتوا في الكورس كويس .. و رحت الامتحان و رسمت و انا جوايا ان انا بأذن الله هجيب لأق بس حتى لو مجموعي جبها مش هدخلها .. و فعلا جت نتيجت الامتحان و بقيت لأق و الشخص ما الكلمني لما دخل الامتحان دا جاب غير لأق !! 
الفكرة من القصة الطويلة تتلخص في مشهد حزلقوم في فيلم لا تراجع ولا استسلام لما كان بيتعلم السواقة مع عمرو ماجيفر .. و قالوا "انا عمري مجربت مش ممكن لما اجرب اطلع بعرف" 😂 😂
المهم انا بنت التمنتشر خبرتي صغيرة اها بس بجد موضوع الخوف و التجربة دا بجد .. 
أعمل كل حاجة و اعرف كل حاجة متخفش من اي حاجة انت قداها كلام الناس يخليك توصل ميرجعكش ورا ..

 

سلاموا عليكوا 

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق