]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

يـا أمّة العروبة .. إنجدينـا

بواسطة: جمال ابراهيم المصري  |  بتاريخ: 2015-06-24 ، الوقت: 09:19:41
  • تقييم المقالة:

                      يــا أمـّة العروبة .. إنجدينا

 

عشت حياتي وأنا بقول :

يــااااه على أيام زمــان

على كلام أبويه وجدّي ..

وغاب السّعد كلـّه ف كـان

ومعدناش نقول النهرضه ..

..... وبكــره والآن

عقدتنا بقت .. كلمة كـان وكـان

والألوان مبقتش فيها ألوان

ظلمة وسواد .. والانسان هان

والشرّ بقلوبنا على بعض .. أهو بان

يا أمـّة العروبة ...

الظالم والحرامي ...

على صدره يتعلق له نيشان

والموت صار ..بكلّ طريق ..

وبالمجّان وف كلّ أوان

لا يعرف لا يوم ولا شهر ..

ف حزيــران ونيسـان

يا أمّـة العروبة ..

الموت بقى بكل مكان

والأجساد ما عادتش .. تلقى أكفـان

والطير والكلاب تنهش .. بلحم الأبـدان

يا أمّــة العروبة ..

إنجدينا .. سلاحنا بقى لبعضينا

وأعادينا .. فرحوا فينــا

وأراضينا .. ما عادتش لينــا

سرقوها وسرقوا النفط ..

والفرحة .. وحتى أغانينــا

ما فضلش حاجة ..

لا لينا .. ولا للي بعدينــا

يا أمّـة العروبة ..

بين الخلق .. فضحتينــا

الشعوب ترفع راسها ..

واحنا .. إحنا .. دبحتينا

ما عدش بينا ..

غير النار على بعضينا

كلّ أوطانك تحت النار

وأدينا لبسنا توب العار

ولادك تشردوا ..

بسينا وبالأنبار

وبنغازي وذي قار

وحلب وعدن وسنجار

أعـدّ إيه ولا إيه !!

دول بقوا كتـار

هيبة العروبة ضاعت ..زمن غدّار

ضاع العلم والأدب وحتى الأشـعار

وما فضلش لينا غير تــوب العــار

 

جمــال المصـــري 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق