]]>
خواطر :
يا فؤادي ، سمعت دقات همسا على أبوابك ... أخاف أنك في مستنقع الهوى واقع ... اتركنا من أهوال الهوى ، أسأل أهل الهوى لترى...   (بلقسام حمدان العربي الإدريسي) . 

الحب

بواسطة: مي أشرف  |  بتاريخ: 2015-04-25 ، الوقت: 22:51:04
  • تقييم المقالة:

الحـــــــــــــــــــــــــــــــب


 
ايه رائيكم نتكلم شويه عن الحب.....ايه يعني ايه نتكلم عن الحب؟؟ هنعمل زي اسامه منير بكل الحب والكلام ده... ايه الهيافه دي

ثانيه ثانيه .....ايوة ايوة هو ده اسامه منير وامثاله الناس دول بتوع الحب انا حابة اقولهم كلمه واحدة حرام عليكم ظلمتو الحب

ايه ده ظلمو الحب ازاي دول هما دول ملوك الرومانسيه ورؤساء الغرام وحاجات كتير اوي كده

استنو عليا بس اكمل كلامي

انا عارفة واحد هيطلع يقولي حالا حب ايه وكلام فارغ ايه ده مينفعش الكلام في المواضيع دي لو سمحتي

ايوة ....ايوة ...هو انت انت تحديدا الي موجهالو الكلام من فضلك اسمحلي اقولك انك ظلمت الحب

ظلمتو الحب ظلمتو الحب ....يعني ايه ظلمتو الحب

سواء اسامه منير او الي طلع وزعقلي حالا ده وكتير اوي مننا ظلمنا الحب وده لاننا حصرنا الحب في حاجة واحدة

علاقه بين شاب وفتاه في غير مسمى الزواج

بنسميهم حبيبه....متصاحبين.....بيحبو بعض.....مرتبطين

وقلنا هو ده الحب
علشان كده الي فوق زعقلي وقالي حرام الكلام ده ..لانه للاسف قصر كلمه الحب على معنى واحد فاصبحت بالنسبه له عيب وحرام ومرفوضه

ايه رايكم تيجو سوى نصلح المفهوم ....تيجو نرجع للحب معناه الحقيقي..... تيجو نعيشو صح

طيب الحب ........من اوجدو؟ ...يعني مين الى جعل جوانا حاجة معنويه بنسميها احنا المشاعر ؟؟

الله عز وجل

مين الى خلاك مولود بحب فطري لامك مولود بيه يعني جواك ....تكون طفل عمرك شعور وعمال تصرخ واول لما تشيلك امك تسكت...ولو حد تاني لا؟؟؟؟

مين الي جعل الام بعد كل الام الحمل والولادة تكون حضرتك احب شخص لقلبها؟؟؟

مين الي خلاك تشتغل ليل ونهار وطالع عينك وتصرف كل الفلوس دي على مراتك وولادك؟؟؟؟

يعنى تعالو كدة نحسبها منطقيا بدون مشاعر الام بتفضل التسع شهور تعاني من الام على تغيرات نفسيه على امراض كتير وياتي الوضع بالالأم مهوله منطقيا هل السبب في كل ده ينفع تحبه؟؟؟
لو بالمنطق مش هتطيق تشوف وشه

ويجي الله سبحانه متعالى يضع غريزة حب المولود في قلب الام ليكون اغلى عندها من اي شخص

لا اله الا الله

الكل بينظر لمعجزات خلق الله للانسان ماديا... يعني ايه؟؟ يعني نقول سبحان الله ازاي الخلايا بالشكل الفلاني وتركيب العين كذا
طب ليه مش بنقول يا سبحان الله على خلقك لنا لهذة العاطفه عاطفه الحب

وسبحان الله العاطفه مش اسطمبه يعني مش انا بحب كل حاجه بنفس الدرجه والشكل
يعني انا بحب امي بدرجه عاليه اوي ولكن عمتي بحبها درجه اقل يجي ابنى حبه اعلى واعلى
واختلاف نوعيه الحب

حبي لوطني له شكل ولامي شكل مختلف ولزوجتى شكل مختلف تماما
لا اله الا الله


ابتديتو تقتنعو معايا ان الناس ظلمت الحب ظلمت احلى شعور في الوجود

طيب مين بدأ بالحب ؟؟
تتصورو ان الله سبحانه وتعالو هو الي بدا به ؟؟.....ازاي ....لما حبنا ...لما حب عباده عز وجل

احنا بنسمع كتير في دروس الدين اننا لازم نحب ربنا وان الايمان مايكتملش غير بحب الله قليل اوي لما بنسمع عن حب ربنا لينا

انا بس عايزاكم تتخيلو معايا كده ثانيه ولو تخيل يا جماعه انت او انتي عرفت ان ربنا بيحبك.....رد فعلك هيكون ايه؟؟؟؟؟

الملك الخالق الرحمن الرحيم الله بيحبك

طيب اعرف ازاي ان ربنا بيحبني؟؟؟

تدبرو معايا كده خلق ربنا للانسان

فإذا سويته ونفخت فيه من روحي فقعوا له ساجدين ( 29 )

شايفين يا جماعه كلمه سويته شوفت احنا كلنا ازاي فاردين ظهرنا ومعدلين نطلع من الركوع ونقول ربنا ولك الحمد

ونفخت فيه من روحي ....في اكتر من كده حب
فقعو له ساجدين ....الكل يسجد ده اعظم مخلوقات الارض

فكرو شويه كده في تعامل ربنا معانا
الحسنه بعشرة والسيئه بواحد.......ليه.......بيحبنا

من تقرب إلى شبراً ، تقربت إليه ذراعاً ، وإن تقرب إلى ذراعاً ؛ تقربت إليه باعا وومن اتاني يمشي اتيته هروله)) امنت بالله ))

مين الي بيقول كده ده ربنا يا جماعه الــلــــــــــــــــــــــــــــــــــــــــــــه

احد العلماء بيقول

ليس العجب من عبد يتودد الى مولاه ولكن العجب كل العجب من ملك يتودد الى عبيده

حاجه تاني حب ربنا لينا مش بس في الدنيا لا ...وفي الاخرة كمان ....جزاء المؤمنين ....الجنه

فين الجنه....عنده عز وجل ....واعلى منازل الجنه سقفها هو عرش الرحمن..... يا الله
كل ده حب

جينا الدنيا بحب والمعامله كلها حب والجزاء برده حب

مش بس كده الله و الله و الله لو حد فينا مقرب لربنا عز وجل

عن أبي هريرة قال: قال رسول الله صلى الله عليه وسلم: إن الله تعالى قال: " من عادى لي وليًّا فقد آذنته بالحرب،

حرب كامله على اي حد يعادي ولي من اولياء الله بيحبهم

ومش بس كده

وعن أبي هريرة - رضي الله عنه - قال: قال رسول الله: إن الله تعالى قال: من عادى لي وليا، فقد آذنته بالحرب، وما تقرب إلى عبدي بشيء أحب إلي مما افترضته عليه، ولا يزال عبدي يتقرب إلي بالنوافل حتى أحبه، فإذا أحببته، كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، ولئن سألني لأعطينه، ولئن استعاذني لأعيذنه رواه البخاري. الله على حب ربنا لينا تذوبو شوقا ليه يا جماعه ولا لا؟؟؟؟؟ *************

بر الوالدين.....   ياما سمعنا ان اهم حاجه بر الوالدين وان رضا الاب والام من رضا ربنا والايه المعروفه(وقضى ربك الا تعبد الا اياه وبالوالدين احسانا)....تعرفو ليه الموضوع كبير وعظيم اوي كده

لان الله سبحانه وتعالى غرز في قلب الابوين حب كبييييييييييييييييير وفطري لابناءهم علشان كده توعد عز وجل للي هيجرح اب او ام في الفطرة العظيمه دي بالعذاب الشديد

ودود سبحانه عظيم رحييييييييييييييييييييييم

حاجه تانيه في حب الوالدين كتير مننا وانا منكم نظن ان بر الوالدين بيتمثل في طاعتهما وعدم اغضابهم وتنفيذ اوامرهم بالعاميه كده

حاضر ونعم ومعترضش واسمع الكلام ومرزعش الباب و..... ......

ولكن الحقيقه ده مفهوم ضيق لان كل الي فات مطلوب طبعا بس مش بس كده .....بصو معايا على الحديث ده

عن عبد الله بن عمرو قال جاء رجل إلى رسول الله صلى الله عليه وسلم فقال جئت أبايعك على الهجرة وتركت أبوي يبكيان

واحد جي يقول للرسول صلى الله عليه وسلم يقولو انا سبت الدنيا ابويا وامي لدرجه انهم عمالين يعيطو وجيت علشان اهاجر معاك

الرسول يقولو ايه .....جدع....لا والله مش هو ده الاسلام

طيب بمفهومنا احنا لبر الوالدين يقولو روح صالحم بسرعه.............ولا دي كمان

يقول صلى الله عليه وسلم...فقال ارجع عليهما فأضحكهما كما أبكيتهما

يعني مش بس تصالحهم لا انت مطالب انك تضحكهم يعني بر الوالدين مش بس عدم اغضابهم لا وكمان اسعادهم

كتير ممنا بيتكسف يقول لمامته او بابا ه كلام زي ....انا بحبك اوي.....انتى اغلى حاجه عندي في الدنيا.....يهزر معاهم بادب طبعا .....يفسحهم خروجه مخصوص هو ومامته او هو وباباه

في كلمة صعبه اوي بتتقال في الموقف ده الا وهي......اعمل كده دلوقتي فبل مايجي وقت تندم اشد الندم لما يضيعو منك
*********   حب العائله كتير مننا في زمانا ده مفتقد حاجه عظيمه وكبيرة جدا هي حب العيله وده في الشباب اكتر لانهم غالبا بيفضلو تجمع صحابهم عن تجمعات العيله بجد مفتقدين طعم العزوة طعم اللمه طعم الامان عيلتي اقاربي رحمي هي دي.... رحمي ربنا سماها صله الرحم انتو عارفين السعاده والاطمئنان الى في تجمعات العيله دي سببها ايه سببها ان والدك ووالدتك وعمك وعمتك وولادهم وولاد ولدهم كهم اصل واحد من حته واحدة الا وهي رحم جدتك علشان كدة لما بيتجمع كل دول اكن كل واحد رجع لاصله
لا اله الا الله ***********   الرجل والمراءه بس لحد هنا وستوب مكنا ماشيين كويس لا طبعا وده كمان حب مباح ومطلوب ولو كان عيب او حرام مكنش ربنا شرع لنا الزواج الي عيب والحرام هو الفكرة المرسومه في عقول الناس عن الحب المنشر في الافلام والمسلسلات والاغاني هو ده العيب والحرام لما السيدة عائشه رضي الله عنها تقول ((فضلت على نساء الرسول بعشر ولا فخر: كنت أحب نسائه إليه وشوفو الحديث ده جاء رجل إلى النبي صلى الله عليه وسلم فقال يا رسول عندنا يتيمة قد خطبها رجلان موسر ومعسر وهي تهوى المعسر ونحن نهوى الموسر فقال رسول الله صلى الله عليه وسلم لم ير للمتحابين مثل النكاح من هنا نقول ان الحب والمشاعر الفطريه الى ربنا خلقهالنا حلال ميه في الميه والي يحرمها او يقتلها يبقى ضد الفطرة البشريه
ولكن الحذر ربنا جعل طريق واحد لا غير للمشاعر دي وهو الزواج وغير كده فهو ده الحرام لكن المفهوم السائد بتاع ان الحب بيموت بالزواج وان الزواج مسؤليه وبس ....للاسف مفهوم خاطئ مليون في الميه ************   الاولاد   طبعا حب الاولاد غريزة داخل كل ام واب يعني مش محتاج كلام لا بردو محتاج كلام .......لان كتيييير اوي من الاباء حبهم لاولادهم عظيم وكبير الا انه عمره ما حسسه بكده وده اعتقاد منه ان الحب والحنان يطلع الاولاد مدللين مثلا او انه يفقد اسلوب اغمار الحب على الاولاد مش بيعرف يعبر عن حبه الا ماديا زي الهدايا وميحرموش من اي حاجه هو عايزها لكن الولد دايما بيبقى عايز حضن طبطه مهما كبر بيه العمر وزي محنا عايزين اولادنا يحن علينا في الكبر لازم نحن عليهم في صغرهم دلوقتي انا بشوف الامهات .....زاكر علشان احبك ....اعمل كذة علشان احبك بلاش يا جماعة الحب المشروط لازم تحسسو الولد انا بحبك ايا كانت الظروف وعلشان ميزعلنيش هو بيذاكر او او او سلاح الحب احلى كتير من سلاح العقوبه ***********



 

طيب حب ربنا حب العائله حب الزوجين حب الاولاد فاضل حاجه اخيرة   حب الناس   مش عارفه ليه بقيت حاسه ان الناس في الشارع مستنيه لبعض على غلطه تجي تسلم على حد تلاقيه بيسلم من طراطيف ايده ووسشه نفس الارياكشن مفيش حتى ابتسامه ويسلام لة عايز حاجه تلاقيه ابتسامة نفاق واضحه زي الشمس زي بتاعت المضيفات بتوع الطيارة كده وهي مش طايقه نفسها واول لما يلتفت وشه يرجع طبيعي تاني مع ان سعات الي السلام بيعملو مفيش اي كلام يقدر يعملو متقولش اصل ده منافق اصل ده بتاع مصالح خود نيه كده وابدا انت جربهاا كده اسبوع اسبوع واحد سلامك كولو حميميه وسعاده كده والله يا جماعه هتلاقو الوضع مختلف انا عن نفسي مجرباها بنت اتعرفت عليها عن طريق صحبه مشتركه بتحصل كتيييييير وعادي لكن البنت دي من ساعتها ماتشوفنيش في حته الى ولازم تيجي وتسلم عليا كما لو كنت صحبتها المقربه فعلا انا حبتها جدااا وعليت في نظري اوي مع ان الكلام ما بينا لا يتعدى ازيك عامله ايه وبس بعد كل الرغي والصداع ده شوفتو اد ايه احنا ظلمنا الحب


 

الحب سلاح اقوى في التاثير من حاجات تانيه كتيييير تعرف تطيع ربنا علشان بتحبه مش بس خوفا من جهنم حلوة اوي يا جماعه قولو كده معايا يارب انا مش هعمل الذنب الفلاني علشان بحبك ومش بحب انك تكون زعلان مني هختم كلامي بجمله واحده ياريييت الكل يقراها كتير ويفكر فيهااا ((أوحى الله إلى داود: يا داود لو يعلم المدبرون عن شوقي لعودتهم، ورغبتي في توبتهم، لذابوا شوقا إليَّ، يا داود هذه رغبتي في المدبرين عني، فكيف محبتي في المقبلين علي؟)).
أَلَمْ يَأْنِ لِلَّذِينَ آَمَنُوا أَنْ تَخْشَعَ قُلُوبُهُمْ لِذِكْرِ اللَّهِ

لا اله الا الله محمد رسول الله


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق