]]>
خواطر :
متعجرفة ، ساكنة جزيرة الأوهام ... حطت بها منذ زمان قافلة آتية من مدينة الظلام...الكائنة على أطرف جزر الخيال...   (بلقسام حمدان العربي الإدريسي) . 

بواقى ساندويتش

بواسطة: مريم كرم  |  بتاريخ: 2015-04-01 ، الوقت: 16:05:02
  • تقييم المقالة:

جوايا ليك مليون سؤال

والاجابة تايهة من بين السطور

والقلم طالع ونازل يرتعش

مش مطاوعنى السكوت

أزاى طريقك يغدرك

وانت خطاويك حافرة جواه 100 طريق 

هنا شربت سيجارة وطفيتها بخوف

وهنا بواقى ساندويتش

ليه مكملتوش؟

هنا ضحكت ...وهنا جريت تحجز مكان

لبنات عارفهم

وكتير جريت ومتلحقوش

ازاى رجعت لماما يومها

مش كنت لسة يدوب معاها ؟

ازاى رجعت ف نعش موت!!!

اسمحلى اقول ذوقك وحش

لبستها توب السواد

عيد بعد عيد

كان نفسها ف زفة بعروسة

وتنطيط عيالك فوق دماغها وقت نوم

كان نفسها تشكيك مراتك

اتأخرت ومنزلتليش العيال

بابا كان نفسه أوى يسند عليك

لما العجز يسرق عنيه

اللحظة كانت صعبة يعنى؟

ازاى خريف الموت يزورك

ولسة هيهل الربيع

طب قولى فاكر لسة اخر حد شوفته

طب لو كتبت وصيتك

كنت ناوى تكتب ايه؟

معرفش كانت ليك حبيبة وعدتها ؟؟

ولا ملحقتش تعيش

جايز لانك ابن موت

قفلت باب هواك عليك

سافر ونام

بس افتكر انك مخدتش

شنطة الاحلام معاك

 

 

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق