]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

تسمحيلى بكلمتين

بواسطة: مريم كرم  |  بتاريخ: 2015-03-22 ، الوقت: 12:36:21
  • تقييم المقالة:

تسمحيلى بكلمتين؟

وقبل اى كلام ببوسة للايدين

اسمحيلى استخبى جوة حضنك  م السنين

ساعات بيوحشنى انى ارجع عيلة

انعس ف حجرك لما يغلبنى الحنين

يكفينى بعد ساعات شقا

ضحكة عينيك ولو لمسة حنية تسند ضلوعى

دعوة م القلب تشاركنى فى الالم

ليكى فى من ملامحك حتى صوتى يشبهك

تسمحيلى احضنك

واحضن معاكى زكرياتى واشكرك

قلبى عاجز حتى حبى مش كفاية

والكلام ماسخ ف وصفك والغناوى

اسمحيلى اعتزر

مديون ومش عارف اوفى

بس انتى دايما تغلبينى بالرضا

استنى منك تزعلى ساعة م بغلط

القاكى جاية تطبطبى وتهنينى

تاخدنى منك دنيتى ومسئلش عنك

وانتى اللى تيجى تدورى

اتعب القى دمعتك هى الدوا

وساعات اسيبك وانشغل

وافضل ف عيتك لسة عيل

قلبك عليا ينشغل

لو وشى لونة ينخطف

قلبك عليا يترجف

وتكلفيتنى بألف حضن طعمة احلى م الدفا

تحلى ساعتها النومة جنبك

والكلام يغلب علية الفضفضة

الف بوسة للايدين الطيبة

الف بوسة للجبين والف وردة معطرة

 


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق