]]>
خواطر :
اسقيني كاس من رحيق ذكرى وجودك ... لا تتركيه يجف ،كلما جف الكأس ازداد الحنينُ...و لا يطفي شعلة الفؤاد سوى كأس الحنين...   (بلقسام حمدان العربي الإدريسي) . 

لحظة وفاء

بواسطة: احمد المليجى  |  بتاريخ: 2011-12-13 ، الوقت: 00:02:02
  • تقييم المقالة:

 17/لحظة وفاء
ازاي نختار ؟
والقلب في حيرة والعقل في نار
بلدنا والا العار؟
كل مشكلة يبقي حلها باعتصام؟
دا يقول كنيسة ودا جامع ودا اخوان وداانصار؟
ونشتم في بعض  والبلد تنهار
ماعاد غير الاعتصام ينفك بيه الحصار
البلد بتنحرق والجماعة بتنفخ في النار
ولما تيجي الطوبة في المعطوبة نقول انتصار
حد يقول لي ياناس
دا جد والا هزار؟
 2
المشكلة مش في الاختيار
المشكلة ازاي نخلص ونفوق
قبل ما تغرق بينا المركب او ياخدنا التيار
حاجة واحدة بين اتنين نختارها
ومافي بعد كدا خيار
بلدنا والا العار ؟
البلد لسا جواها شرار
وكل واحد فينا شايل في قلبه جمرة نار
مش دا وقت لكل واحد يعمل شعار
ولا دا وقت نقول فيه دستور
ولاهو وقت نفرق فيه
بين عمر وعمار
لازم نخلق الاستقرار
لازم نعمل المجري
عشان نمشي المية
وساعتها نقول قرار......
3
بلدنا والا العار؟؟؟؟؟؟؟
الروح اللي تجري جوانا ليل ونهار
والا الموت وخراب الديار؟
النسمة الحلوة في الجو الحار
والاتاخد بالتار وننفخ كل يوم في النار
والورد والخضرة والاحرار
والا الحرقة في القلب والحصار؟
وليه نخلي النفس بين خوف ومرار؟
ليه نضرب الشرطة اللي سهرانه
تحرس العجايز والصغار؟
ليه نخرب الملاعب عشان مباراه
وكلام هزار في هزار؟
قولوا يا ناس ياعاقلة
ياللي عاملين ثوار
4
ليه نرضي بالعار
ليه كل واحد عامل له شعار
دي بلدنا الحلوة اللي عشقها الزوار
اللي شرب من نيلها الصبح
يرجع اخر النهار
هي مش كلمة اختيار
هي صناعة مصير مش قرار
كلنا لازم نختار
زي ما كلنا احرار لازم نتحمل
نتيجة الاختيار...
 

    5
هي فرصة مفيش منها فرار
لو عزمنا حديد
والصبر منا مجيد
 نقدر نقول من غير مانزيد
بلدنا الجنة والقلب ليها طيار
بلدنا الجنة جوا جمرة نار
بلدنا الفرحة وغيرها ما نختار
بلدنا الوردة اللي رواها الاحرار
بلدنا اللي طهرناها من لاشرار
ابدا غيرها ما نختار
ولايوم نجيب ليا العار
قولوا يا احرار
اخترنا بلدنا ولو في قلب النار
اخترناها الحكمة اللي فتحت بلاد
بين ليل ونهار
اخترناها العزة  والروح اللي فيها الاسرار
ابدا مانختارلبلدنا الذل
ابدا ولو كانت علينا صهدة ونار
 دي مش كلمة يقولوها صغار
دا عهد مفيش فيه هزار.....
          ..................
...............................................


شعر عربي


« المقالة السابقة ... المقالة التالية »
  • روهيت | 2011-12-13
    الدنيـآ مريرة غايتهآ انتصار الذات...وذكراها يزول بذكر الدار الاخرة والذات..
    شعر جميل جدآآ اخي احمد..واتمنى لكـ وجه مستقبل مشرق..
    واصل لآن كتاباتكـ لهآ معاني جميلة جدآ وسمة اكثر من روعه..تحياتي .(سجين الذكريات المره*..)..

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق