]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

يوم حداد

بواسطة: مريم كرم  |  بتاريخ: 2015-02-18 ، الوقت: 18:21:52
  • تقييم المقالة:

يعنى أية كلمة شهيد

شريطة سودة وبوم حداد ؟؟

وشير و لايك لصورة الدم

اللى عكر مية البحر الحزين

يعنى أية كلمة شهيد ؟؟

تنديد هنا وصراخ هناك

ومظاهرة سخنة وصوت بيعلى بالهتاف

ورايات ترفرف تعلن الحزن لساعات

يعنى اية كلمة شهيد؟؟

حد  فكر يعنى أية أم اتكوت ؟؟

وواد بيحبى لسة بابا ميعرفوش ؟؟

ولا ف الهيصة اتلهينا ف التعازى ؟؟

ونسينا اول قلب مات

يعنى أية كلمة شهيد؟؟

تعويض بمبلغ محترم

لكل بيت ضهره انحنى

وقلب شاب عز الشباب

عيون بريئة اتعكرت

بدموع وحسرة أتلونت

يعنى أية كلمة شهيد؟؟

قلوب مسافرة للسما

وف ساعة الموت الرهيب متبسمة

روح خفيفة مهللة

ومن التراب اتحررت

تفرق ف أية

اموت على سرير الكسل

ولا اموت مدبوح بسيف ؟؟

الفرق كله مش هنا

الفرق لما الروح تروح للمشتهى

توصل سماها وتنتهى رحلة انين

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق