]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

صلاح عالمى ،، بعيداً عن تشيلسى

بواسطة: Ahmed Ramzy Uwk  |  بتاريخ: 2015-02-16 ، الوقت: 03:41:54
  • تقييم المقالة:

محمد صلاح خرج من نادى متوسط فى مصر ( المقاولين ) لكن بمستوى فوق العالى ، سرعة و لياقة و فنيات ، كل حاجة موجودة فيه ، قدر يثبت نفسه رغم انه مش موجود فى قطبى الكورة المصرية ( الزمالك والأهلى ) كل الأندية دخلت معاه فى مفاوضات بس هو قرر الأحتراف خارج مصر


بداية صلاح فى عالم الأحتراف كانت فى نادى بازل اللى قدر يخطفه بـ 2.5 مليون يورو ،أثبت نفسه فى فترة قليلة جداً ، صلاح حقق مع بازل الدورى السويسرى ، ووصيف كأس سويسرا ، وعلى المستوى الشخصى فاز بجائزة أحسن لاعب فى سويسرا ( 78 مباراة أحرز فيهم 20 هدف ) ويجى موسم الأنتقالات ، كلام كتير صلاح فى ليفربول فى تشيلسى ، صلاح فى توتنهام فى البايرن ،، كلام هنا وهناك وما بينهم كلام الناس اللى بيقول انه المفروض يلعب فى الريال أو برشلونة وفالأخر تشيلسى يخطف نجم سويسرا بـ 11 مليون يورو فى واحدة من أهم صفقات ميركاتو الشتاء

( جوزيه موينيو ) السبيشل ون وده محتاج مقالة تانية عشان نتكلم عنه او ممكن كتاب كامل ، لكن دون ادنى شك اللعب تحت قيادة موينيو حاجة تانية ، الكل كان متوقع ان صلاح يعمل االى عمله مع بازل فى تشيلسى لكن الغريب أن صلاح حصل على أكثر من فرصة لكنه لا يحسن أستغلالها ، ايه اللى حصل ؟! فين محمد صلاح ؟! الدكة بقت مكانه لفترة كبيرة !! تشيلسى قرر أعارته لـنادى فيورتينا الأيطالى ، أحد أهم وأعرق الأندية الأيطالية ، فى أول مشاركاته مع ناديه الأيطالى يبدع صلاح مرة أخرى ويأخذ الناى من فيروز ويغنى للصباح الباكر ، ولم يجلس العصر مثلها بين جفنات العنب !! من وجهة نظرى أن محمد صلاح لاعب كبير وعالمى ولكن بطيئ التطور ، محمد صلاح عنده فنيات كبيرة ومهارات وسريع جداً ، لكن كل امكانياته بتطلع مع الفرق اللى بتخطف مش اللى دايماً بتهاجم محمد صلاح بيحب يلعب على المرتدة عشان هو سريع ، بشكل كبير المرتدة مع صلاح جون ،، تشيلسى نادى من أندية القمة اللى دايماً بتبادر بالهجوم والطريقة دى بتبقى عاوزة اللى يعرف يطور مهاراته مع سرعة البديهة زى كريستيانو وميسى وهازرد ، صلاح راجع بعد الأعارة لتشيلسى ولكنى اعتقد أن فيورتينا هيطلبه نهائى أخر الموسم

أنا من عشاق لعب محمد صلاح ، وصلاح لسة صغير فى السن لازم يحاول يطور من نفسه اكتر عشان يبقى من اللاعيبة اللى تقدر تكون ليها دور فى الأندية الكبيرة

على الصعيد المحلى بنشوف لاعب زى خالد قمر عامل شغل عالى فى اندية مغمورة لكن فى نادى زى الزمالك بيبقى صعب عليه اثبات نفسه ، لاعب زى عرفة السيد مقدرش يثبت نفسه فى الزمالك وبقى هداف الدورى مع نادى متوسط ، لاعب زى السيد حمدى غير قادر على اثبات نفسه فى الأهلى ولكنه لاعب كبير فى نادى متوسط لاعبون على مر التاريخ ، لم يستطيعوا اللعب مع الفرق الكبيرة لكنهم نجوم فى الأندية المتوسطة

أتمنى الى محمد صلاح التوفيق ، لاعب من أهم وأحسن من لمست الكورة أقدامهم فى تاريخ مصر .


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق