]]>
خواطر :
لا تبخل على غيرك بالمشورة الحقيقية والصادقة رغم همك ، ولا تكن بخيلا فيما يرضي نفسك وغيرك مهما كان الثمن فالحياة متعة بين الجميع والإنسان جميل رغم همه   (إزدهار) . أيتها التكنولوجيا ، لما تصرين على غزونا...أفسدت عنا بساطة عقولنا و معيشتنا... كان الأجدر أن تبقين ما وراء البحارُ...   (بلقسام حمدان العربي الإدريسي) . 

3 مشاهد برة الكدر

بواسطة: مريم كرم  |  بتاريخ: 2015-02-15 ، الوقت: 14:19:51
  • تقييم المقالة:

المشهد الاول

 يوم الخطوبة كان بيرقص من الفرح

                                      زى العيال

اتفقنا لون الشقة يبقى بينك

بس كان فى كلامة تنهيدة وجع

                                    مفهمتهاش

فى عيونة لمعوا دمعتين

سافر وكان بينا معاد

                                 فجاة

انطفت ضحكة وشوشنا

لما شفناع الشاشات

دمة مغرق بدلتة

وكل الى فاضل لية منة

                             دبلتة

وصورة خدنها سوا اجمل ما فيها ضحكتة

والمعاد بينا ماجاش كان السفر هوالمعاد

المشهد الثانى

اخر مكالمة مابيناكانت من يومين

صوتة كان اقرب كتير من كل مرة

بس فية نبرة وداع

سألنى يومها على القرايب

اكد عليا يوميها اصحيلة

                               العيال

طال الكلام بينا اوى

بس كان غالب علية

                         طعم السكات

وصانى ادعيلة فى صلاتى

ساعتها قالى متزعليش

الاجازة اتجألت يمكن اتأخر يومين

عدوا يومين ومفيش خبر

قولت جايز فى الطريق

اصلة كان غاوى يفأجنى بالحضور

شوية جرس الباب ضرب

                                  كانوا الجيران

قالولى فية اخبار تخوف

بيقولوا فية ضباط كتير متعورين

شفت الشريط مكتوب علية

                                  اسم الشهيد

ابنة الى عندة خمس سنين بص وسألنى

يعنى اية بابا شهيد؟

خجلت دموعى من السؤال

                                 ساعتها

وفى وجعى ابتسمت

بابا سبنا عشان تعيش وحدك صحيح

                                     بس مصر متنحنيش

واما بابا يوحشك اكتب جوابك للسماء

واسألها بابا سبنى لية ؟

المشهد الثالث

كان معودنى يطول فى الكلام

بس اخر مرة شفتة

                              مضمنيش

يدوب شاورلى من بعيد وقال سلام

مبسش راسى زى عادتة

مكنش بيحب الوداع

ويقولى دائما انتى غاوية تعيطى من غير سبب

راجع انا يا حبيبتى حتى لو هغيب

سايب فو اوضتى ورقة فيها

                                وصيتى

لوجابولك نعشى اوعى تعيطى

زغرطيلى يومها زغروطة الفرح

مش كنت ناوية ترقصى

زفتى بالزغاريط يوميها

دى العروسة صبية حلوة

روحى ودمى عشان عيونها

                                  يرخصوا

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق