]]>
خواطر :
يا فؤادي ، لما هددتني بالهجر و لم يبقى لي سواك في الأنس...كيف حال المضجع في غياب الرفيق المبجلُ...   (بلقسام حمدان العربي الإدريسي) . 

يوميات حسين وفتحية حلقة التكييف

بواسطة: ياسر شرف  |  بتاريخ: 2015-01-28 ، الوقت: 00:22:29
  • تقييم المقالة:

يوميات حسين وفتحية

حلقة التكييف

================

صباح الخير يا عم حسين يا ورد مفتح على الخدين صباح النور ياست فتحية يا وردة الامة العربية صباحنا نادى ب رز وزبادى وطيور تشقشق لخير بلادى بعد التحية والحركات فتحية عاوزه ايه بالذات ابدا يا سبعى ده المصروف هاته بسرعة اعمل معروف حاضر يا ستى بتقولى هات ده انتى حقيقى زينة الستات دى تريقة واعمل لك ايه مصروف بيخلص جنيه فى جنيه خلاص يا ستى انا دمى خفيف هزار معاكى كباب برغيف الريحة فاحت من عالباب فكرتنى ذكراه ده عذاب الفول ده برضه احلى كباب تاريخى فيه مكتوب فى كتاب حتقولى فول مع طعمية كفاية نقرس يا عنيا الحمد واجب على اى حال الصحة احسن من اى مال صحيح وعندك حق اكيد عايزين مانشترى بقى فى التكييف فى الحر يدى فى طراوة وفى البرد يقلب لحرارة ده معجزة وجيرانا جابوه زيزى وعبده وفتحى واخوه وممكن تجيبه بالتقسيط واللى يسيبه يبقى عبيط انا نفسي تكييف لجيوبى يدي فى طاقة لفلوسي يزيد قيمتها بحرارة ويديها قوة جبارة لو تعرفى ده اجيبه منين فورا حجيبه يوم الاتنين ادى اللى ناخده من عندك من تريقة وخفة فى دمك ياراجل انت بتفرسنى وناوى ده برضه تموتنى ايشمعنى يعنى سعاد وعبير وماجدة وعديلة بنت سمير تفتكرى يعنى يبقى حلال تغير فى طبيعة كده بالمال لازم ده اكسب من عرقى ويبقى وسام كده على خدى وفى فكرة حلوة يا فتحية تحطى فول على طعمية تبقى الحياة حلوة هنية وتاكلى منهم يعنى رغيف يدوكى احسن من التكييف ولو تخسى بشكل ظريف راح تركبى فى بساط الريح يالهوى دايما بتحسدنى على قوامى وبتكيدنى ده انت راسك كده قارعة ولا شعرة فيها ولا بركة دلوقت بس بتعايرينى شعرى يروح قوى ويجينى من يوم ما برضه اتجوزتك باشد فيه يوم ماعرفتك ده قصر ديل وبدون تحريف لازم حتشترى التكييف ياولية انتى اتجننتى منين اجيبه يا مصيبتى ما قولت لك كده بالتقسيط واللى يسيبه يبقى عبيط اخاف عليكى من الفريون يخلى وشك طبق اليوم وانا مالى بيه استاذ فريون خليه فى حاله طوال اليوم والمروحة اللى شاريها اديها شالوت وارميها هواها بيزيد فى حرارة وبنتخنق كده فى الحارة طيب سيبينى يا فتحية لا اديكى لكمة بحنية والناس تلف من حواليا وتكييف يفرقع فى عنيا.

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق