]]>
خواطر :
“كلا – كلا ! لا ظلام في الحياة وإنما هي أنظارنا الكليلة التي تعجز عن مرأى النور في أبهى مجاليه(مي زيادة )   (طيف امرأه) . 

قصيدة خضرة وخضير

بواسطة: ياسر شرف  |  بتاريخ: 2015-01-28 ، الوقت: 00:16:07
  • تقييم المقالة:

قصيدة خضرة وخضير

=============

خمس بنات اخوات حلوات وبكرية خضرة زينة البنات

وابوها فلاح كفر الزيات والام فرحة ست الستات

فقرا وعايشين كده بالكاد حامدين وراضين على كل ما فات

فى خوص صغير وبدون علامات وزريبة فيها شوية حيوانات

الاب يزرع كده قيراطين والام تحلب فى جاموستين

لبن بيطلع وجبنة قريش تروح تبيعهم عشان ما تعيش

وبنات يساعدوها فى الدار وخضرة بتغسل بإستمرار

والضهر جايبة غدا على حمار لابوها شقيان ليل ونهار

ويشوفها ده خضير ابن الجار تشعل فى قلبه جنة ونار

ويقول لأبوه المدعو عليش نفسى فى خضرة بعد الجيش

و يتفق مع ابوها على طول يخشوا يعنى بعد المحصول

ويتملى البيت كده زغاريد واخواتها تلبس كله جديد

وفى الحنة تتلم كل البنات تقرص فى ركبتها بالذات

ويرقصوا ويغنوا حاجات من فلكلور وحبشتكنات

ويقولوا :يارب تلبسى جلابية لعريس مخلص جهادية

وتاكلى فرخة وملوخية وتبقى الحياة حلوة هنية

وتكونى فرخة تبيض كتاكيت ويكونوا عزوة وقوة اكيد

وتكونى ارض بيزرعها تطرح فى خير للى زرعها

وتتمشوا برضه على الترعة فى شمس العصارى لما بتحلى

ده عريسنا ديك عرفه قناوى وعروستنا فرخة كده بدارى

الليلة حنة واسوانى وبكرة دخلة ومنياوى

ورشوا ملح مع الياسمين عرايسنا عالخير متعاهدين

وتكون دى خضرة كده لخضير ويبدأوا عيشة هما الاتنين

فى جهاد كفاح كده وفلاحة ورضا وقناعة بصراحة

وبطيبة وطبيعة اهل الريف تصير حياتهم من غير زيف

ويجيبوا اولاد يساعدوهم على المعيشة ويزيدوهم

وتمر دورة للانسان خضير وخضرة فى كل مكان

ويعيشوا فقرا ومبسوطين برضا وقناعة على طول حامدين

صورة ونموذج لفلاح مصرى لرمز طيبة وقناعة حصرى

 

            مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق