]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

يوميات حسين وفتحية حلقة العربية

بواسطة: ياسر شرف  |  بتاريخ: 2015-01-28 ، الوقت: 00:15:01
  • تقييم المقالة:

يوميات حسين وفتحية

حلقة العربية

==============

صباح الخير يا عم حسين يا ورد مفتح على الخدين صباح النور يا ست فتحية يا وردة الامة العربية صباح معروف بورد وصوف واكيد حتسألى على المصروف اكيد يا حسين ده يوم الاتنين بيجرى بسرعة ويخزى العين بيجرى كده فى الصبحية ليه هو راكب عربية ! موضوعنا هو العربية نفسى فى حتة عربية واركبها يعنى ليل ونهار والف بيها باستمرار زى زبيدة وحسنية وسعاد وزيزى العراقية عربية ممكن حتشيلك لازم ده ونش وحيجيلك ده الوزن تقيل زى البرميل برميل يا فكيك ده خسارة فيك انت اللى عجوز ومناخيرك كوز اقصد عربية عفشتها قوية تقدر تستحمل اطنان دولية ده كفاية عيونى يقفوا لها طابور و يعاكسونى ويقولوا يا جميل بنت العشرين بنت العشرين ولا بنات الجيل مالك يا حسين عقلك راح فين ده انا لسه صبية ومحتاجة عربية وايشمعنى جيرانا ممدوح وهنية انتى يا فتحية زهرة الامة العربية كفاية عليكى وواسعة شوية يا لهوى ده لسانك واصل لودانك ماتجيبها علشانى وكمان علشانك منين ياولية عقلك ملوخية مصروف ده يدوبك بيجيب طعمية الحل بسيط هاتها بتقسيط وانشالله قديمة وناخد تصويرة وكنبها منجد وركبها كبيرة ده انتى اللى ركبك كده كبيرة ومنجدة لعين الصيرة يا راجل انت مستقصدنى فى كل مرة تحرضنى لازم تقفل فى المواضيع وفى النهاية كله بيضيع حاضر عنيا يا فتحية فى مرة راح اجيب عربية امتى ويعنى كده ازاى ؟ ماتسأليش اصل انا نساى انتى مقامك كده اتوبيس لو تركبيه حيقول يا مغيث وانت مقامك توك توك باس لو تركبه حيقولوا بلاص بقى كده يعنى يا فتحية طيب مافيش اى عربية وكفاية عجلة عربية وتنفخيها فى النملية.

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق