]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

اوبريت السيرك

بواسطة: ياسر شرف  |  بتاريخ: 2015-01-28 ، الوقت: 00:10:43
  • تقييم المقالة:

اوبريت السيرك

===========

تتركز الكاميرا على المنظر الخارجى للسيرك والاعلان عن الفقرات المتنوعة وافيشات لجذب الزبائن لمشاهدة الفقرات المتنوعة ومنظر الخيمة الكبيرة من الخارج ومرور الزبائن وردود افعالهم مابين متفرج ومشاهد ثم تدخل الكاميرا الى الداخل لترصد حياتهم الاجتماعية واليومية وتشير بصورة رمزية الى المجتمع ومدى تشابه مع السيرك فى كل الالعاب.وتتحرك الكاميرا الى الداخل وتتجه الى قسم فقرة ترويض الكلاب ويراسها عم شبارة ومعه مساعديه كتكت وكوكا ويدور الحوار التالي بينهم حول تدريب الفقرة واعدادها حيث ان لديهم عشرة كلاب باسماء مختلفة يتم تدريبهم على مختلف الالعاب مثل فقرة اللعب بالكرة وفقرة القفز من الاطارات المشتعلة والعاب اخرى عديدة ويقول شبارة بصفته قائد الفريق : لازم نجهز افضل عروضنا دى كلابنا مهرة ولاشئ يفوتنا

يالا يا كتكت انت وكوكا درب فى فهد وركس وزوبا

اعمل فريق ومعاهم كورة واللى يرقص يبقى الفورة

وكله يربح المليون لما يحاور ويجيب جون

عايزين لياقة بدنية مش اكل فول او طعمية

تركيز ودقة مع اخلاص احسن ما ييجوا يقولوا خلاص

لازم مانرفع اسم السيرك ولا يوم يقولوا علينا كاوريك

تدريب بدقة كده من نار ومكافأة ليهم ليل ونهار

كلابنا شاطرة وذكية واخلاصها معجون وطنية

وبيحسدونا عليها كتير ولازم نبخر عود وشعير

وبيطلبوها بالعبارات فى مصر وجميع القارات

واوعوا تنادوهم باسم كلاب دول اكل عيشنا واحسن باب

وكل واحد نجم كبير اسمه ده فوكس او حتى سمير

الاسم مش يعنى حيوان لكن السلوك ده مافيهش كلام

لا فساد خيانة وحقد كمان اخلاص وفاء وبحب زمان

احسن معاملة مع الحيوان ومعاه بتشعر بخير وسلام

وانت يا كتكت مع كوكا فكوا فى حلقة مربوطة

وايدوا نار كده فى الحلقات وعدوا منها سمير وسعاد

ده كل شئ فى بدايته صعيب لكن بيسهل بالتدريب

ثم تتجه الكاميرا الى موقع اخر وهو موقع تدريب الاسود ونجد ان مدرب الاسود اسمه الاستاذ محمود ويقول لاسوده الحوار التالى:

يالا يا اسود للصبر حدود تدريب محمود ونهد الطوب

وفى اعلى عمود نطلع ونعود ونعدى حدود

يالا يا ضرغام خطوة لقدام وتنط قوام ودى فقرة جنان

وانتى يا ياسمين مين قدك مين تدهشى ملايين والناس شايفين

بتعدى فى نار وربك ستار باليل ونهار

وانت يا منصور وسعيد وشكور راحو تقفوا طابور وتنطوا فى دور

الناس حاسدنا ولاشئ يقسمنا وبقدرة كبيرة المولى حارسنا

يالا يا غندور ده عليك الدور ما تخش بسرعة وتعدى الولعة

طب ليه بتزمجر وواقف متحجر ودى اول مرة تعصى وتتمرد

وهجمت عليا عاوز تجرحنى لولا الحراس منعوك من جرحى

وسألت ده ليه وايه الاسباب ؟! اتارى الغندور كان حالته هباب

كان ايه غيران من صاحبه عنان وبيحب بدور ومالاقاش فى جواب

وعنان مشهور وبتحبه بدور وده قلب بدور رفض الغندور

وبيحب عنان ويقول ده جسور .

وانا ذنبى ايه ؟!تهاجمنى ليه؟!

وحاولت اعاقبه ماقدرت افارقه ودموعه وندمه سالت على خده

وحضنته بشدة وحضنى وبوسته 

اصل الحيوان زى الانسان ده ساعات انسان وساعات حيوان

لكن المعروف ده جميل محفور عمره ماينساه ويندم على طول

ولميت الدور وجيبت له دى عروسة اسمها دى هيام تستاهل بوسة

دى حياة حيوان زى الانسان غيرة احيان وندم احيان

ويقولوا اسود من عين محسود وبخور دخان ده فى كل حدود.

ومصاريفنا كتير ونجيب فى حمير وده لحم بعير

لازم نكفيهم ونحابى عليهم ويارب احميهم وبارك لنا فيهم .

وتتجه الكاميرا الى فقرة اخرى وهى فقرة التراببز وهى من اخطر العاب السيرك التى تتطلب لياقة عالية جدا وهم مجموعة من لاعبى الجمباز ذوى الرشاقة الكبيرة وهم احسان وسعاد وعدوى وعياد ويقومون بالتدريب الشاق على القفز من الوضع طائرا ويدور فيما بينهمالحوار التالى:

يالا يا احسان خطوة لقدام ضهرك مفرود ونطى بطيران

ركزى على طول والخوف مفقود وبسرعة قوام اوصلى لسعاد

حركات جمباز على شقلباظ وليونة كمان والباقى رزاز

وسعاد قدامك راح تيجى مكانك بنطة وطيران وحركات من نار

ويجى عياد ويطير بعناد وياخد فى مكان احسان وسعاد

وعدوى المجنون بيطير بجنون يوصل مسرور ويجيب الجون

يعمل كذا لفة بشطارة وخفة والناس مبهورة من اصل وصورة

والخوف ده ماليهم والمولى حاميهم

ولو فى ده وقوع الخوف مرفوع

الشبكة تشيلهم وتحمى مشاكلهم

ودى مهنة خطيرة  ومتاعبها كتيرة لكن محبوبة وكمان مطلوبة

بتشد كتير اى مشاهدين عايزة فى لياقة وشجاعة غابة

لكن التكسير فى عظام لا عبين وارد وكتير من جيل ورا جيل

اصلها دى وراثة ومهنة حساسة

وكأنه انسان عامل طرازن من نطة يطير ويمسك مواسير

فى فروع اشجار واغصان دى نخيل والاسم لذيذ ولقبه ترابيز

الناس بتشوف وتعدى الخوف لكن دي نتيجة لسنين فى دقيقة

والغلطة بفورة مش زى الكورة تسعد ملايين فى حساب لاعبين .

وتتجه الكاميرا لفقرة تانية لذيذة ومحبوبة وهى فقرة القرد ميمون مع مدربه مأمون وتركز الكاميرا فيما قبل العرض والتدريب ومدى الحميمية والتفاهم بينهما وكأنهما صديقان وليس قرد ومدربه ويقول مأمون لميمون:

يالا يا ميمون حنجيب كم جون عايزين نتدرب والناس تتفرج

وتشوف وتصقف وتقول يا مثقف فقراتنا لذيذة جذابة عزيزة

حتنط تقشر فى سودانى مقشر تاكله وتدينى بالقشر فى عينى

فقرة فكاهية وضحكتها قوية واطفال بتهقهق من ضحك مشطشط

والموز ابو نقطة بيجيب مية نقطة تاكله يا فتوة ويديلك قوة

والقشر فى راسى اخضر ورصاصى وتسمع فى كلامى يا جميل علشانى

ماهى لقمة عيشنا والناس  بتيجى لنا

انت يا صديقى اهلى ورفيقى وكاتم اسرارى وحبيبى حقيقى

والناس بتقول باشبه ميمون ماله ميمون ولا عشرة تهون

اصل انا مأمون صاحب ميمون لقمتنا فى حركة ويكون فيها بركة

لو راح مأمون ده مافيش ميمون والعكس صحيح فى الشكل ولون

انا اصلى وحيد ولا ليا ونيس ميمون ده حياتى ابنى وحماتى

نعمل فقراتنا ونعيش فى حياتنا

مخلص وامين وحركته كتير وعاوز يتجوز قبل ما حيعنس

ومشاعره حساسة وعايز نسناسة من اصل وعيلة ومن شجرة كريمة

وندرت فى ليلته فستق وسودانى واللب بقشره وبندق حلوانى

والقايمة دى شجرة فى الركن العالى والمهر فراولة مع موز وسودانى

ونكون عيلة فى السيرك الغالى واهى تبقى وراثة بعدى فى اجيالى

ويفضل ميمون ابنى وراس مالى وحبيبى وخلى وكاتم اسرارى.

ثم تتجه الكاميرا الى فقرة اخرى وهى فقرة الساحر واسمه زاهر وهذه الفقرة ايضا من الفقرات الشيقة فى السيرك ويقبل عليها الكبار والصغار ونجد زاهر وهو يعد عدته وفقراته المتنوعة مع مساعديه حتى تبدو فى افضل صورها ويصدقها المتفرجون ويقول زاهر :

يالا ياجماعة الهمة شوية عايزين تحضير وبدون تطبيل

حطوا الصندوق مظبوط عالفاتحة من تحت الارض تخرج على فاتحة

علشان ما نقول انه مسحور ودخوله مفقود وخروجه مولود

والناس حتصقف بشدة وحتصدق ان الصندوق فيه ضلمة ونور

ونقول بغرور وبكل سرور انه مسحور

وانتى يا نورهان كوتشينة قوام والجوكر فين خليه قدام

وهاتى ايشاربات وحمام وصاجات تظهر تخفيها وعلى طول تشوفيها

وبخفة يد ما يلاحظ حد وتصقيف ده كتير وبدون تمثيل

ويفتكروا كمان انى فنان وده برضه صحيح وبخفة ريح

وبين ضلمة ونور بيكون تاثير

وكمان منشار ينشر صندوق وجواه انسان  من تحت لفوق

وصريخ الناس ده فى كل مكان ويطلع بسلام نفس الانسان

ويقولوا الساحر ده كتير قوى ماهر 

دى هى شطارة فى العاب بمهارة يعنى الزمارة تصبح دى خيارة

والبيضة البلدى تفقس سيارة وعباية حريمى تصبح طيارة

والناس تتجنن وتقول دى قدارة .

وتتجه الكاميرا الى فقرة اخرى من السيرك وهى فقرة البلياتشو ونجد سوكا وروكا هما المسئولان عن فقرة البلياتشو ويقول سوكا لروكا :

حضر ده كتير من الالوان ولون اشكال وبدون عنوان

وزة وبطة وقرد كمان كلب وقطة بماسك عيال

ودباديب حمرا اشكال والوان تبهج تفرح فى الاطفال

واغنية حلوة بلحن تمام واسمها زهرة من البستان

وكتكوت ابيض حلو فصيح جوه اليضة ينط يصيح

وقطار مجرى بسرعة ريح ده صوته يجلجل بشكل مريع

وسوسة النوسة حلوة عروسة ترقص رقصة وتاخد بوسة

وعم كرومبو عايز امبو يسافر سوريا وبرضه كوم امبو

وخالتى فاهيتا عاملة فى زيطة تلف اللفة وعاملة عبيطة

وباربى الحلوة تلحن غنوة وتنط النطة تبقى نشيطة

وفانوس وحوى حلو مدور يدور على رجله ويبقى منور

وتوك توك شلبى ماشى من جنبى تقف وتشاور تلاقيه عندى

وبرضه ميكانو ويالا تعالوا نشكل ارنب حلق فى ودانه

وبوليس نجدة بنور وسارينة ومعاه مدفع حلو وسيما

العاب حلوة للاطفال نلعب بيهم ليل ونهار

وراح نتخانق ونضرب بعض بقوطة وبامية ونسيب بعض

وتضحك تفرح الاطفال وهو هدفنا مع الشطار.

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق