]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة بياع الروبابيكيا

بواسطة: ياسر شرف  |  بتاريخ: 2015-01-28 ، الوقت: 00:08:28
  • تقييم المقالة:

قصيدة بياع الروبابيكيا

=============

بياع فقير كده متجول وارزقى ونفسى اتحول مااعرفش حاجة قديمة اسمها بيكيا موجودة فى ورشنا وبيتنا انادى واسرح ليل ونهار امشى ورزقى على الستار هو الكريم هو الرزاق هو موزع الارزاق وصوتى يعلى بروبابيكيا فى اى حتة فى افريقيا حلل قديمة نحاس بيكيا وغسالات وخشب بيكيا مواسير رصاص وكيعان بيكيا كنب كراسى كتب بيكيا ويسمعونى فى كل مكان ويندهوا عليا السكان حاضر نعم ده يا ست سعاد هاتى الماسورة مع العداد ولو كتب عندك بالذات بينفعوا كتير فى الازمات واحب اقرأهم لساعات قبل ماابيعهم لعم فؤاد دى هواية كانت عندى زمان تعويض لفقرى وللحرمان ثقافة عامة وسياسة فنون وكورة وكياسة خليتنى اعرف الاحوال واكتشف بطبيعة الحال ان الحياة اصلها بيكيا فى كل حتة وافريقيا ونفوس ضعيفة وامارة والسرقة بيها يعنى شطارة وحرق قتل فى كل مكان واى فقير يصبح عدمان دى اى لقمة برزق حلال افضل وابرك للانسان حاضر نعم ياام حسان هاتى الحلل ويا السخان بمكسب قليل وبركته كتير اعود واحمد حمد كبير وفى نظرى دول يعنى ملاليم لكن حلال يعنى ملايين ويعنى برضه كده اتجوزت فى اوضة واحدة وقلت ورثت من بنت زى كده فقيرة غلبانة واسمها سميرة وجابت لى فايزة مع محمود ورزقهم ده مالوهش حدود بلقمة صغيرة وهنية بحمدنا تشبع مية وربك كريم يدى بالجود لكل شاكر بلا اى حدود واتعلموا وفى كليات وعايزينى ارتاح انا بالذات ورفضت وبشدة ارتاح ده انا اللى طول عمرى سواح انادى بيكيا كده جوال واشترى وابيع فى الحال وننكسف ده منها ليه دى البيكيا لفقير وكمان بيه فى حياتنا اشياء روبابيكيا ونهايتنا برضه روبابيكيا وعلمتنى سنين وايام فن التعامل مع السكان والعطف برضه على الحيوان وازاى اكون يعنى انسان يمكن تكون حاجة قديمة وشكلها يعنى جميلة ولو اعدنا تصنيعها ممكن تفيدنا ونبيعها .

مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق