]]>
خواطر :
ماخطرتش على بالك يوم تسأل عنى ... وعنيه مجافيها النوم يا مسهرنى...   (بلقسام حمدان العربي الإدريسي) . 

الأراجوز

بواسطة: محمد عبدالله طاهر  |  بتاريخ: 2014-12-09 ، الوقت: 15:00:53
  • تقييم المقالة:

                  الأراجوز

الدُنيا تلاهي يا عَم يا خال سيرك ملاهي وقولنا وقال

منين هتيجي راحة البال ولينا فيها الف سؤال

مُذيع بدُف وطبلة ورِق وأراجوز بيرقص ذي الذئب

مُذيعة بتغني هىءومىء حَبة تزِن وحَبة ترِق

ناس بتمُوت وناس بتقِب وناس بتقتِل ذَي الدِب

ناس بتحِب وناس بِتذِل والرِجل تدِب مَطرح ما تحِب

دخلت السيرك اشوف فيه ايه لقيت القرد عامل بيه

خبط الخبطة ونَط لفوق ابن الإيه وعامِل ذوق

دخلت ملاهي ركبت بُساط وبيوت عفاريت مليانة حارات

إشي عفريت علي كام وطواط واصوات بتزيط وهات يا صوات

ما قلوب الناس بقت مطاط وعماله تخبط في مطبات

مشيت قُدام بيت المرايات وحكالي جُحا كُل الحكايات قولت له يا جُحا مُش دي خُرافات قال لي  يا عَالِم أهي روايات

شوفت الوش بئه وشين والدُنياكُلها حِكايات

دخلت السيرك تاني اشوف لقيت بلياتشو قاتله الخوف

اصل الناس بئُم شايفين وهتشه ونتشه بئه مكشوف

فضِلت ابُص شمال ويمين لقيت الفيل عليه راكبين

وناب الفيل متعلق فيه قردوتعالب علي تعابين

والأراجوز شغال تهييس ببربتوس وحركات بتغيظ

ولما فجأة يجيله بوليس ويُخش السجن يقولو عزيز

الدُنيا تلاهي يا خلق يا ناس قصص حكاوي علي وسواس

الحق فيها بقى اعجاز وشيطانها لابس كُل الناس

دخلت السيرك شوفت الأراجوز وشوفت الدُنيا في صورة كلوز

الحُب فيها بقى منبوذ والصدق صورة لراجل عجوز

الدُنيا تلاهي يا عَم يا خَال سيرك ملاهي وقولنا وقال

ومنين هتيجي راحة البال والكُل ماشي فيها شمال

 


... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق