]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

قصيدة الحمام

بواسطة: ياسر شرف  |  بتاريخ: 2014-11-13 ، الوقت: 14:26:00
  • تقييم المقالة:

قصيدة الحمام

========

هوايتى كانت برضه زمان اربى بط ويا حمام واعمل لهم غية اقفاص عشس حمام اشكال والوان ويعنى بالحب والتدريب اصبحنا زى حبيب وحبيب افهم لغاتهم واكلمهم ولا شئ يحول بينى وبينهم وفى كل عش عيلة صغيرة راجل وست وعيشة جميلة ويفقسوا فى حمام لصغار ويكبروا ويصيروا كبار فى دورة كاملة من ازمان تشبه حياتها حياة انسان نفس المشاكل والاحوال وكمان مشاعر بالعرفان احبهم ويحبونى وصغارهم يبقوا فى عيونى واصبحوا هم جيرانى وكمان حياتى ولسانى وكل عيلة ليها اسماء انادى عليهم اى نداء صفارة خاصة لكل فصيل ويفهموا وبيجوا طايرين ده عش سلوى ويا كريم وده عش مروة ويا سمير عايشين سوا احباب احباب لا يهم قوة ولا حتى كباب اساسه حب ومودة مفروش بريش ويا مخدة سبحانه ربى جل علاه بيسبحوا ده بحمد الله ازاى يطيروا كده بجناحات ولا يقعوا مرة ولاانتكاسات والام تدى صغارها حنان والاب يدى برضه امان ويعلموهم فن الطيران ويرفرفوا ده برمز سلام واحب اتابعهم فترات ويعلمونى حاجات وحاجات والصوت بتاعهم اسمه هدير كله معانى وفن كبير وبأفهمه وبدون تعبير وبيفهمونى بدون تغيير والحب يخلق يعنى كتير احاسيس جميلة بالتدريب زى مايعنى اسود وكتير تصير صديقة بالترويض ويطيروا عندى بعد العصر فى جولة حرة فى ربوع مصر ولازم يطيروا اسراب اسراب مع بعض دايما كده احباب وانده لهم بأعلام وصفير يجوا بسرعة يسابقوا الريح ويحكوا لى برضه عن اخبار ايه اللى يجرى ليل ونهار ويسألونى يعنى كتير ليه ناس تلوث نهر النيل ويرموا فى زبالة وقاذورات وعوادم مصانع ومخلفات وناس فقيرة وناس اشرار وناس حتدخل جنة ونار واقول دى حكمة فى خلق الله سبحانه ربى جل علاه حتى الطيور شايفة الانسان بيضر يعنى اخوه الانسان يارب يا عالم بالحال اصلح لنا جميع الاحوال.

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

     

 


   

   
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق