]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

يوميات الفلاح الفصيح حلقة تجريف الاراضى

بواسطة: ياسر شرف  |  بتاريخ: 2014-10-29 ، الوقت: 22:53:07
  • تقييم المقالة:

يوميات الفلاح الفصيح

حلقة تجريف الاراضى

==========================

اسم الكريم حمدان شعبان صعيدى مجدع من قبلى
وشغله اجرى فى اى مكان يوماتى يسعى على رزقه
فى القطر راكب على قضبان قبلى وبحرى اهو بينزل يسعى يحوش بالكومة عشان ما يخطب هنومة وصحته جامدة عفية وعايز يودع عزوبية يزرع ويقلع ليل ونهار ويعود لاهله فى الدوار وامنيته يملك قيراطين ودوار وبقرة وجاموستين والرزق اصبح برضه قليل وكله بيبنى بدون تفكير بيجرفوا ده كتير فى الارض بعد ماكانت هى العرض والزرع قل ويا خضار واسعاره زادت وبقت نار حتى العلف ويا البرسيم خلطوه بحلبة بسعر كبير والبركة قلت باستمرار والناس بتدعى للستار وحمدان ده قرر بدون تفكير يلجأ بسرعة للتغيير ويشتغل بحرى بواب ويفضل فى خدمة على طول عالباب وهنومة تساعده فى عمارة بهمة ومهارة وشطارة وخلفوا فى صبيان وبنات وبقت حياتهم تبات ونبات لكن حنينه لجو الريف عمره مافارقه بشكل كبير واتمنى يرجع بقى فلاح بقية حياته عشان يرتاح ويشترى برضه القيراطين ويسيب ميراث لمحمدين لكنه قال فين الفلاح اللى تكاله على الفتاح سماد كيماوى بقوا غالين والدودة سارية شمال ويمين والكل يبحث عن تغيير بمهنة تانية تشد الحيل طيب حتاكلوا يعنى منين؟! والارض عرض دى راحت فين؟! والزبدة ساحت شمال ويمين واللحمة تصويرة فى العين حتى الطيور كسروا لها جناح وقاعدة بتشكى للفتاح وفراخ بتضرب ولابتبيض بالهرمونات تكبر بعبيط شوفوا لنا صرفة يا مسئولين! عايزين ما نرجع فلاحين ويارب بالزرع الاخضر يجعل طريقوا على طول اخضر وتعيشوا سعدا ومتهنين لما حتنصفوا الفلاحين. والناشفة ليكو تبقى طرية وتعيش الامة العربية.  

مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

   

 

   

   
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق