]]>
خواطر :
أيتها التكنولوجيا ، لما تصرين على غزونا...أفسدت عنا بساطة عقولنا و معيشتنا... كان الأجدر أن تبقين ما وراء البحارُ...   (بلقسام حمدان العربي الإدريسي) . لا تبخل على غيرك بالمشورة الحقيقية والصادقة رغم همك ، ولا تكن بخيلا فيما يرضي نفسك وغيرك مهما كان الثمن فالحياة متعة بين الجميع والإنسان جميل رغم همه   (إزدهار) . 

قصيدة الحج

بواسطة: ياسر شرف  |  بتاريخ: 2014-09-28 ، الوقت: 22:34:06
  • تقييم المقالة:

قصيدة الحج

==========

حلمت مرة بحج البيت وفرحت فرح كبير وبكيت

 

ولقيتنى فجاة مقسوم نصين روحى فى مكة وانا فى البيت

 

وخجلت من نفسى الامارة وقلت ابدلها بلوامة

 

وقلت ياربى انت دعيت وانا بامرك كده لبيت

 

وقلت اغسل فى ذنوبى واتوب واعرف فى حدودى

 

وقالت لى نفسى الامارة اصبر شوية وابنى عمارة

 

ورديت عليها اللوامة هو انت ضامن يا زبالة

 

لو مت فجاة بامر الله حتقول له ايه فى دى الحالة

 

كنت باحوش لولادى وبابنى برج لاحفادى

 

ولا حد يومها حينفعنى ولا مال وولد راح يشفع لى

 

وقلت بس وكفاية ربى حبيبى عندى كفاية

 

وسألت نفسى وانا محتار يقبلنى ربى الغفار

 

ولقيت ده صدرى بقى مفتوح وهاتف يقول لى حج وروح

 

وقلت توكالى على الرحمن هو العظيم هو الغفار

 

ولقيتنى بملابس الاحرام بادعى لربى فى كل اذان

 

وحلمت بالبيت المعمور وحواليه ملايكة وعطر ونور

 

وشعرت بالرحمة نفحات تنزل وتغفرلى كل مافات

 

وطلبت اكون كده فى رحابه عصفور يذقذق على بابه

 

ودموعى نزلت كده انهار تطلب فى رحمة واستغفار

 

ضيعت عمرى بدون انذار فى ذنوب ولغو وجنة ونار

 

لكنى نادم وفى قلبى عمار توبة نصوحة للستار

 

ده سترنى فى الدنيا وانا جبار يسترنى فى الاخرة وبدون نار

 

لبيك الله مالبيك ان السعد والمغفرة بين يديك

 

وروحى دى طارت قبلى كمان للكعبة بملابس الاحرام

 

وساعتها شوفت فى ضى ونور وحسيت بنشوة وهنا وسرور

 

وقلت ده هو منايا نفسى اموت على دى الحالة

 

وبرضه عند مقام ابراهيم صليت بسرعة ركعتين

 

وفضلت ادعى فى كل طواف لكل اهلى وباخلاص

 

وقلت افرح واسعد لما ابوس الحجر الاسعد

 

ودعيت ياعالم بالحال اصلح لنا جميع الاحوال

 

وحسيت كانى كده مولود وربى شاملنى بكرمه وجود

 

وشفانى من كل الامراض وادانى قوة وخير فياض

 

سبحانه ربى جل علاه فى ضيافته تنسى الدنيا معاه

 

وشربت من مية زمزم ودعيت بقلبى اكون احسن

 

ويكتبها ده لكل المشتاق فقير مريض وباحلى دعاء

 

وبين الصفا والمروة انا جريت وعلى تلالها دعيت وبكيت

 

العفو والرحمة ياغفار انت الكريم انت الستار

 

الكل لابس نفس لباس ولا فى حجاب ولا فى ترباس

 

وفى طريقنا برضه لمزدلفة شعرنا بالقوة وبالعافية

 

والحج هو وقفة عرفات وهناك دعينا بكل اهات

 

بدموع فرح والاستغفار تروى بحور وكمان انهار

 

وبعديها رمينا فى الجمرات فى عين الشيطان وبالعبرات

 

بطوب زلط وكمان حصوات فضلنا نرجم لاعتبارات

 

ورجعنا لطواف الوداع بعد المناسك باستمتاع

 

ويارب تكون كده مقبولة وحجة صالحة ومبرورة

 

ورجعنا لزيارة العدنانطه شفيعنا بالايمان

 

ودعينا نشرب من حوضه  شربه هنيئة من ايده

 

وصلينا برضه فى الروضه دى جنه عطرة بعذوبة

 

الروح تهفهف  فى رحابها وتبوس ستارها واعتابها

 

وبحب ربى وكمان ابوى صلينا فى المسجد النبوى

 

والنفس كانت مرتاحة وشكيت همومى بصراحة

 

وقلت دمعى على عيونى وخدوا فلوسى وسيبونى

 

انا نفسى افضل فى ضيافته وروحى بتحب سماحته

 

وقتلت نفسى الامارة وخليت فى نفسى اللوامة

 

ويارب توبة ونصوحة وحجة خالصة ومبرورة

 

 

 

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق