]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

حلقة خروف العيد يوميات حسين وفتحية

بواسطة: ياسر شرف  |  بتاريخ: 2014-09-28 ، الوقت: 22:06:14
  • تقييم المقالة:

حلقة خروف العيد

يوميات حسين وفتحية

=========================

صباح الخير يا عم حسين يا ورد مفتح على الخدين

 

صباح النور يا ست فتحية يا وردة الامة العربية

 

عايزين خروف ويكون طيب وكل سنة وانت طيب

 

خروف منين وانا اسمى حسين

 

سيد الرجال ومقامك عالى

 

سيبيك من المقام وكمان الخرفان

 

ياخويا دى مرة فى السنة خلى العيال تشوف الهنا

 

وندبح خروف حلو ومعلوف ونطبخ بلية من المصروف

 

والراس ناكلها مع الرجلين والكبدة تبقى لعم حسين

 

وريشه شوى يعنى كباب والفتة ريحتها بتجيب احباب

 

والفروة نفرشها على الباب عشان نغيظ بيها الاعداء

 

يعنى نعيد زى الناس وسيبك بقى ده من الوسواس

 

وسواس ايه ولية ايه  ده خروفنا عايز كم الف جنيه

 

ده انا لو دبحت حتى المصروف ما يجيب ده حتى ورك خروف

 

واديكى عارفة الشهرية يدوب تكفى الطعمية

 

ليه تحرجينى ياام العيال وانتى عارفة كل الاحوال

 

يا خويا ميل كده على اخوك او فهمى صاحبك او حتى فاروق

 

وفك ضيقة بالتقسيط وبعديها تاتا تكون عديت

 

ياولية ضانى يعنى دهون وانتى ده جسمك كله دهون

 

يعنى تاكلنى بدل الخروف وتقول مراتى فيها لحم وصوف

 

ياستى  عندى كوليسترول والدكتور منعنى من اى دهون

 

راحت عليك ده ياعم حسين وكفاية تبرير امتى وفين

 

خدى فى ايدك المصروف وحطيه فى رضة وخل وصوف

 

وادعى لربك يبقى خروف قادر ويعمل فينا معروف

 

حاعملها برضه انا مجنونة يمكن يجينا وبسهولة

 

حتجنينى يا فتحية  دى فلوس مافيش للطعمية

 

تقولى لى لحمة وب اللية  ابعدى عنى يا ولية

 

 

 

مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق