]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

قصيدة قارئة الفنجان

بواسطة: ياسر شرف  |  بتاريخ: 2014-09-20 ، الوقت: 21:54:38
  • تقييم المقالة:

قصيدة قارئة الفنجان

============

فى حارة بلدى وفيها دكان كان فيها ست اسمها احسان كانت بترغى ليل ونهار وكلامها كله حكم امثال تفتى فى كله وبالفنجان وتقول ده يعنى كنا وكان وتدى فى وصفة للمعلولة اعشاب تاخدها بكل سهولة ولو دى خفت مرة فى يوم تعمل لها دعاية بالكوم وتقول ده وصفة الست احسان بتشفى يعنى بالفنجان حكيمة بالفعل والاقوال وتعرف تدلك على الروقان ويجى لها ميمى وسوسو كمان وفاطمة ومحاسن وام شعبان وعطوة وعدوى والواد رمضان وابو ثريا ومحمود مرجان والشهرة تبقى اشكال والوان وتقول بتقرا من الفنجان لكنها ماتاخدش فلوس تعزم فى قهوة وتدى دروس وساعات بتقعد فى الفسحة تحكى وتفضل تتسلى وام عبده جاية تشورها تقعد وتحكى فى شئونها والبنت سوسو عايزة عريس يجى بسرعة يوم الخميس وام عايدة كمان بالذات غيرانة دايما من فتاكات وناظلى دونا عن كل الستات القطر عدى بسرعة وفات والبنت رابحة يانداشة دايبة وبتحب عكاشة قصص كتيرة وحكايات فى الفسحة دايما للستات وبيشورها فى كل حاجات والعقل زينة بلا مجاملات     ومرة سميرة بنت ابو محفوظ رجعت لها والكاس مكسور وقالت لها جوزى سابنى خلاص واتجوز فكيهة وكسر البلاص وقالت لها حكمة عظيمة فيها معانى وجميلة الست هى اللى تعشش وغرابها هو اللى يمشش وقالت لها انتى عبيطة دى نزوة حتروح فى الزيطة عشان عيالك كده سايسيه واستحملى وبكره تلاقيه دى الست هى اللى تعشش وغرابها هو اللى يمشش وسمعت سميرة كلام احسان و شهرين معاطى رجع بسلام وجابت لها من القهوة كتير هدية علشان التعمير وحواديت كتيرة من الامثال مرت على الست احسان ولما تقرا فى الفنجان تقول لسومة بنت حمدان قدامك نقطة او نقطتين يمكن يكونوا ساعتين اتنين او حتى يومين او شهرين او حتى يعنى كده سنتين ويجى اللى عليه العين ويخطبك ده فى يوم الاتنين ولو بيتحقق صدفة كمان تزيد فى شهرة مع الايام ولو فشل برضه الفنجان يعود اخونا كده زعلان وتقول ده كله بامر الله سبحانه ربى جل علاه الغيب ده علمه عند الله هو الوحيد نتمنى رضاه وتقوم تصلى للغفران وتقرا فى ايات من القران ولما تقرا من الفنجان تقول ده كله هزار فى هزار وتطلب فى رحمة واستغفار وتقول لو انتو بتحبونى اوعوا فى يوم تصدقونى الغيب ده علمه عند الله ولو فى مصادفة بامر الله هو خالقنا وحبيبنا وبايده هو مش بايدنا وعشان كده كانوا يحبوها ويقعدوا معاها ويسامروها فى عنيها خبرة الاجيال وذاكرتها حافظة للامثال ونصايحها خير ده فى كل مكان وعاشت وماتت مع فنجان اية وعبرة للانسان وده مافيش قراءة  للفنجان  

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق