]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

( قالوا سيادنا زْمانْ ) شعر الزجل

بواسطة: تاجموعتي نورالدين  |  بتاريخ: 2014-09-16 ، الوقت: 06:43:20
  • تقييم المقالة:

                                    (  قالوا سيادنا زمان )

 

  بكلامهم رصْعوا لمثولْ .. فالمعاني  فهْمتْ   لعقولْ

 بلقْليلْ وصْلوا المطلوبْ .. والسامع عندو المرغوبْ

 

بْشِ حكْماتْ لقْحوا القُولْ .. وْهبْ لسانْ عرضْ وطولْ   

بالشاهدْ أكْدوا  المنسوبْ .. كيفْ انْطقْ سي  بلمجذوبْ

 

بدايتو ب السوقْ المحمومْ

                               سوقْ   النْسا   ذكْ    المَعلومْ

الدّاخلْ  ليهْ  يْظنْ  مغْرومْ 

                              الخارجْ هزْ منْ الهمْ  مشْمومْ

 

بكلامهم رصعوا لمثول .. فالمعاني   فهمت    لعقول

 بلقليل وصلوا المطلوب .. والسامع عندو المرغوب

 

بش حكمات لقحوا القول .. وهب لسان عرض وطول  

بالشاهد أكدوا  المنسوب .. كيف انطق سي  بلمجذوب

 

عيْبو  و كالو الحنّه حرْشهْ

                                  و لعروسهْ المسكينة عمشهْ

حفرة الزين هي غيرْ خبشهْ

                                  و لّي نقشتْ فيدّيها  الرعشهْ

 

 

بكلامهم رصعوا لمثول .. فالمعاني  فهمت     لعقول

 بلقليل وصلوا المطلوب .. والسامع عندو المرغوب

 

بش حكمات لقحوا القول .. وهب لسان عرض وطول  

بالشاهد أكدوا  المنسوب .. كيف انطق سي  بلمجذوب

 

وذاكْ  لّي  ما غسلْ  دارو

                                 قالْ  باغي   يغسلْ   جامعْ

خنزو  وْصلْ  حتى لْجارو

                                و زادْها  قْباحة فيها طابعْ

 

 

بكلامهم رصعوا لمثول .. فالمعاني  فهمت   لعقول

 بلقليل وصلوا المطلوب .. والسامع عندو المرغوب

 

بش حكمات لقحوا القول .. وهب لسان عرض وطول  

بالشاهد أكدوا  المنسوب .. كيف انطق سي بلمجذوب

 

لفياقْ  بكْري   بالذهبْ  مشري

                                  تغنم  عمارة  يا ليّ  دغْري

 و القرعة   كاسْها    شبري

                                 يْلى فاضْ لا تبقى  عزْري

 

 

بكلامهم رصعوا لمثول .. فالمعاني  فهمت   لعقول

 بلقليل وصلوا المطلوب .. والسامع عندو المرغوب

 

بش حكمات لقحوا القول .. وهب لسان عرض وطول  

بالشاهد أكدوا  المنسوب .. كيف انطق سي بلمجذوب

 

كالو أشنو خصكْ  يا العريانْ

                              كالو غير  خاتمْ  سْليمانْ  

وانت شنو خصكْ يا الحفيانْ

                             كالو غير خلْخالْ فلوذانْ

 

بكلامهم رصعوا لمثول .. فالمعاني  فهمت   لعقول

 بلقليل وصلوا المطلوب .. والسامع عندو المرغوب

 

بش حكمات لقحوا القول .. وهب لسان عرض وطول  

بالشاهد أكدوا  المنسوب .. كيف انطق سي بلمجذوب

 

بقلم : ذ تاجموعتي نورالدين . باب شعر الزجل المغربي من ديوان وحي القوافي


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق