]]>
خواطر :
ما الحياة الدنيا إلا أمواج في مد و جزر مستمر... أرحام تدفع و تراب يبلع...   (بلقسام حمدان العربي الإدريسي) . 

ازمات مصر .................. حوار بين مؤيد ومعارض

بواسطة: Mohamed Ezzat Mady  |  بتاريخ: 2014-09-13 ، الوقت: 08:52:42
  • تقييم المقالة:
  تعيش مصر حاله من التخبط والتى نستطيع ان نسميها ( قرف ) عام من الاوضاع الحاليه فى مصر ازمات فى الطاقه من نقص فى الوقود وانقطاع للكهرباء مع ارتفاع اسعارها المبالغ فيه و تحت وطأة هذه الظروف تخيلت حوار بين مؤيد ومعارض للحكم فى مصر :- المؤيد : تسلم الايادى . شوفت القائد عبد الفتاح السيسى فى خطابه النهارده راجل دوله بصحيح صارح الشعب بكل حاجه الراجل عملى وواقعى . المعارض : يا فرحتى هو انت جايبه علشان يصارحك بالازمات ولا علشان يحللك الازمات فين الحلول . المويد : سيادة القائد عنده حلول لكل ازمات مصر بقولك دا راجل دوله انت اساسا مغيب ومش فاهم حاجه . المعارض : ماشى ياعم انا مغيب ومش فاهم حاجه ايه هى رؤية القائد بتاعك ده فى حل مشكلة الكهربا مثلا . المؤيد : يابنى انت عاوز الراجل يضغط على زرار البلد تتعدل دى مليانه فساد و ثم مش هو قال هنركب " لمض " موفره و مسمعتش الاستاذ عمر اديب بيقول الى مش عاجبه قطع الكهربا يشتريله مولد . المعارض : "لمض" ما علينا يعنى الازمه هتتحل بالمض و عمر اديب دا كمان فيه ناس مش لاقيه رغيف العيش تجيب مولد منين دا بدل مينتقد الحكومه وسياستها . طيب قولى ايه هى خططته فى حل مشكلة البنزين و الطاقه الى اسعارها ارتفعت وبرضه مش لقينها المويد: بسيطه اركب عجل او وفر وامشى على رجلك انت لو بتسمع لسيادة القائد مش هتحس ان فيه مشكله . المعارض : طيب سيادتك ايه هى رؤيته فى حل مشكلة البطاله الى سيادتك واحد من ملاين العاطلين دول . المؤيد : بص اولا مش لازم نحمل الحكومه كل الذنب اصلا الشباب كسلان وانا بعترف انا واحد منهم و مش عاوزين يشتغلوا و عاوز الحكومه تعمل كل حاجه . و صحيح مشفتش الحل العبقرى بتاع سيادة المشير بتوفر عربيات خضار للشباب علشان يحل مشكلة البطاله . المعارض : ما شاء الله حلول عبقريه يا اخى الرئاسه دى بقت سهله اوى . طيب هى ايه رؤيته الاقتصاديه و خطته لمعالجه مشاكل الاقتصاد . المؤيد : لا دى بقى لعبة سيادة المشير انت ماشفتش صندوق تحيا مصر الى هيجمع فيه 100 مليار على جنب كده دا هيحل بيه مشاكل البلد كلها
و كمان مشفتش المشروع العظيم بتاع قناة السويس دا هيبقى نقله لمصر . المعارض : طيب واحده واحده بس عليا انت مقتنع ان فتح صندوق و جمع تبرعات من الناس دى رؤيه اقتصاديه مش بقلك الرئاسه بقت سهله اوى . و ثم مشروع قناة السويس دا بقى عظيم دلوقتى ومش خطر على الامن القومى . المؤيد : لا طبعا مش خطر دا جيش مصر العظيم هو الى هيعمله يعنى مش خطر الجيش فاهم كل حاجه مش بقلك مغيب . المعارض : طيب سؤال انت مقتنع بأداء الحكومه دى و بأداء السيسى لحد دلوقت المؤيد : يا عم الناس تعمل ايه البلد فى حالة حرب ضد الارهاب و كلنا لازم نقف جنب سيادة المشير فى حربه دى . المعارض : حرب اه هو كده الحكم العسكرى لازم يخلق فزاعه علشان يخوف الناس ما مبارك قالها قبل كده انا او الفوضى و دلوقت بيقولها رئيسك انا او الارهاب دماغ واحده . المؤيد : بقلك ايه انت اساسا مش فاهم الى بيحصل الجيش المصرى لو انهار خلاص احنا هنضيع . المعارض : بزمتك انت مقتنع بالكلام ده . المويد : طبعا مقتنع . إحمد ربك مش احسن ما نكون زى سوريا والعراق . محمد ماضى 13/09/2014
... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق