]]>
خواطر :
شُوهدت البهائم على أبواب مملكة الذئابُ وهي تتنصتُ ... البهائم للذئابُ وهي تتساءل...أهو يوم دفع الحساب أم صراع غنائمُ...   (بلقسام حمدان العربي الإدريسي) . 

فارس .. ومتغمى ( تحية الى الطبيب البطل / أحمد حرارة )

بواسطة: ميشيل بولس يعقوب  |  بتاريخ: 2011-12-02 ، الوقت: 03:52:37
  • تقييم المقالة:

الى من لا يعلم من هو الطبيب البطل / احمد حرارة

هو المناضل المصرى الذى فقد احدى عينيه فى يوم 28/1/2011 دفاعا عن بلاده وعن الحرية ، والذى أحس ان عين واحدة لا تكفى ثمنا للحرية فقدم الاخرى عن طيب خاطر فى يوم 19/11/2011 وللأسف إتهمه البعض بالعمالة لأجندات خارجية لا يزال يقدم من أجل الحرية.

تحية الى كل من اشعر امامهم بالضألة.. الى من تهون عليهم حياتهم فى سبيل مبادئهم .

 

وبقيت فارس راكب فرسه ..ومتغمى

مش عارف مين ضدى .. ومين بيحمل همى

لكن .. فاكر اخر حاجة .. شفتها

فى ضى قنديل قديم .. شفتها

ست فى عينيها نظرة مكسورة .. لكن عيونها بهية

ست لابسة جلابية سوده من على كتفها مرخية

نايمة على شط البحر

فارده شعرها على الرمل

لمحت على وشها خصلة نازلة من شعرها

سندت رأسى على صدرها

حسيت .. حسيت فى حضنها.. كأنى بأعود

بأعود .. طفل مولود

بتحرر من غابة القيود

 .. صرخت ثورة

.. جريت فى وشها الدموية

                                 *************

وانا وصحابى

وانا وصحابى كنا ثلاثة .. رابعهم هوى

والثلاثة من الظلم .. ربيع عمرهم مر هوى

انا دفعت عين ..  والتانية

اما اصحابى بقيوا ..روح فى الهوا

ولا يهمك يا غالية ..

كلابك تعوى .. وإحنا رجالتك على الدرب نسير

عيالك تهدم .. وإحنا ولادك .. نبنى ونشيل

وقالوا عنى يا عشقى ..عميل

وانا عنك يا بلدى .. مليش بديل

ماهى يامه البطن قلابة ..

وكل عيله فيها المبصر .. وفيها البصير

وإن كنت يا ساجده .. يا ساكته .. فقدت البصر

نورى يا طاهرة لاهلى .. البصيرة والنظر

                            ***************

يا ارضى يا شامخة .. يا منصورة على مر الدهور

حتكلم وأصرخ .. ثورة .. ثورة على الظلم ..على طول

وصوتى.. حيوصل لكل العقول

لكل ولد وكل بنت عقلهم على احلامهم ..مقفول

لكل راجل وكل ست .. لكل طفل .. بيخوفوه بالغول

قوليلهم يا مصر ..

ان الحرية عندى فى الأصل .. شعور

أن الضلمة جويا .... تصبح نور

وإن الاصل فى المصرى ..... حر على طول

 

 

 

بقلم / ميشيل بولس

21/11/2011


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق