]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

السيسي خاين وخان مرسي !

بواسطة: محمد هندام  |  بتاريخ: 2014-08-25 ، الوقت: 10:35:15
  • تقييم المقالة:

 

 

 

 

 

صحيح فعلا السيسي خان مرسي لان السيسي هو اللى مسك لسانه وايديه وقاله اياك تشيل الحكومة اللى كل مصر قالتلك شيلها بما فيهم أهم مؤيدينك " حزب الوسط ، وحزب النور فى هذا الوقت " .

 

السيسي الخاين هو اللى منعه يعمل توافق على الدستور زى ما وعد الشعب قبل نجاحه فى الانتخابات وخلاه يقبل عمل الجمعية التأسيسية " الغير دستورية " ودستور أخر الليل المشئوم  .

 

السيسي هو اللى وسوس فى راسه وأكرهه على عمل إعلان دستورى يشل بيه جميع مؤسسات الدولة ويعلن فيه أنه ربهم الاعلى صاحب القرارات المحصنة الغير قابلة للطعن !!

 

السيسي هو خلاه يعين نائب عام ملاكى بدون رضا كل الهيئات القضائية ومجلس القضاء الاعلى رغم حساسية هذا المنصب وأهميته !!

 

السيسي خان مرسي لما يحاول يصالحه على المعارضة ويعزمهم على الغذاء مع بعض ( مؤيدين ومعارضين ) عشان البلد تهدى وتستقر وأمن البلد لا يتم تهديده فيلغى مرسي الغذاء ويلغى المصالحة عشان البلد تفضل دائما والعه !!

 

السيسي خان مرسي لما اداله فرصة اسبوع يصلح أخطاءه ويتفاهم مع المعارضة والشعب قبل البلد ما تروح فى داهية وتشتعل حرب أهلية فى مصر ( الأمن القومى وحمايته وظيفة الجيش وفقا للدستور حتى دستور الاخوان نفسه كان بيقول كدا عشان محدش يفتى ويقولى وهو ماله ) !!

 

السيسي خان مرسي ولاول مرة فى التاريخ البشري واحد يخون واحد يديله فرصة يومين بعد الاسبوع يقوله البلد بتضيع حاول تصلح الامور ومرسي يطلع ساعتين يقول فيهم كلمة شرعية 5000 مرة ويصارح الشعب بان كل مشاكل مصر تكمن فى الراجل ابو 20 جنيه وفودة وعاشور بتوع المنصورة !!

 

السيسي خان مرسي لما خلى مكتب الارشاد يحكم مصر من وراء الستار رغم ان المفروض فى رئيس هو اللى بيحكم والشعب اختاره هو مش مكتب الارشاد ( دا مش كلامى على فكرة ولا تأليف الاعلام الفاسد دا باعتراف جميع مستشارى الرئيس المستقيلين فى هذا الوقت ومنهم محمد فؤاد جاد الله وراجعوا نص الاستقالة بتاعته ) !!

 

السيسي خان مرسي لما قاله اكذب على الشعب كل شوية بكلام فارغ واضحك عليه ياراجل يا متدين يالى بتقولوا حافظ كتاب الله ( مشروع 100 يوم ، دكتور فى ناسا ، مشروع النهضة ، ودا رابط لبعض اكاذيبه بالصوت والصورة بتبين فيه خداعه للشعب وكذبه قبل الترشح وبعد الترشح واثناء فترة حكمه بما يعنى ان مرسي هو من نقض عهده ووعوده مع الشعب واخل بالعقد الاجتماعى الذى انتخبوه وفقا له مما يعطيهم الحق فى عزله  http://azezayamaser.blogspot.com/2013/03/blog-post.html ) 

 

وبعد كل دا مش عارف ازاى السيسي الخاين يستجيب لثورة الشعب وغضبه على كل هذه الاخطاء الفادحة وازاى لا يترك اليلد تضيع وتصبح سوريا أو عراق أخر !! ، تصدق فعلا السيسي دا طلع خاين وخان مرسي !! 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق