]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

وليه ميكنش انا اللى غلط وهما اللى صح

بواسطة: محمد هندام  |  بتاريخ: 2014-08-24 ، الوقت: 08:22:52
  • تقييم المقالة:

                 

                                                                                                                                                                                        

 

 

 

 

 

  سالت نفسي : وليه ميكنش انا اللى غلط وهما اللى صح وفعلا دول ناس عاوزين تطبيق الشريعة والدعوة للدين والسلطة بالنسبالهم باب يمكنهم من دا ؟!!

 

ارجع لنفسي بسؤال : بس ازاى ناس بتكذب كل الاكاذيب دى وبتحلل الحرام وتحرم الحلال (الربا والمصاريف الادارية مثال ) ممكن تكون ناس بتاعت دعوة للدين او همها الشريعه مش المنصب من أجل التمكين وفقط ؟!! 

 

 ارجع واقول طب ما هو كل السياسين كذابين وبتوع كلام على الفاضى وراغبين فى السلطة !! 

 

 صحيح لكن فى النهاية كذب السياسين بيرجع عليهم هما بس انما كذب من يتمسح فى الدين بيشوه الدين نفسه فى عقول الكثيرين نتيجة الخلط بين الشخص وافعاله وافكاره وبين الدين يعنى جريمته أشنع وأقبح بكثير !   

 

طيب سيبك من الدين والتمسح فيه والتجارة بيه ولونها كارثة حقيقية لكن فى النهاية ممكن يكونوا سياسياً كويسين !! 

  سياسياً !!   

مممممم مش يمكن فعلا الجيش انلقب عليهم والسيسي ( اللى هما عينوه ) خاين وعميل للامريكان واليهود وصهيونى زى ما بيقولوا ؟!!   

ألاقى الاجابة بتخبطنى فى راسي وتقولى ازاى واكبر دولة بتدافع عنهم وتدعمهم فيها اكبر قاعدة عسكرية أمريكية فى الشرق الاوسط ، ازاى وامريكا قطعت المعونات على مصر من بعد عزلهم فى 7/3 ! ، ازاى والسيسي اتجاهه دلوقتى وتحالفه مع روسيا وامريكا اصبحت بالنسباله كانها شىء لم يكن بعد ما رفضت تساعد مصر باى وسيلة !! يعنى كل الشواهد بتؤكد تحالف امريكا معاهم مش ضدهم اذا كنا بنتكلم بشواهد مش باتهامات وكلام مرسل مفيش عليه أى دليل !! 

 

 وبعد الحسابات دى مع نفسي الاقينى فى النهاية أقول الحمد لله ان الواحد على الاقل بيفكر بعقله ويشوف هو واقف فين واسبابه ايه وشواهده وادلته المادية ايه عشان يكون مرتاح الضمير ولو اتسال قدام ربنا يبقى عارف يقول اسبابه بادلة لكن فى ناس سايبة عقلها لكل من هب ودب يلعب بيه ويخليه مجرد دمية بيحركها يمين وشمال ويرددوا الكلام بمنتهى الغباء والسذاجة بلا لحظة تفكير !!  

 

الحمد لله الذى عافانا   


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق