]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

قصيدة بين جنة ونار

بواسطة: ياسر شرف  |  بتاريخ: 2014-08-21 ، الوقت: 22:40:59
  • تقييم المقالة:

قصيدة بين جنة ونار

============

باسأل فى نفسى ليل ونهار ده مصيرى جنة ولا فى نار وارجع واسأل الغفار يغفر لى وفى قلبى ده عمار ويتوب على الستار ويحمينى من شلة اشرار لكنه برضه هو شيطان يرجع يوسوس ليل ونهار وارتكب فى ذنوب واحتار !نفس المعاصى وباستمرار ؟! هل هى نفسى الامارة ؟! ولا شيطان وسواس تارة؟! فى صلاتى بأسهو بأستمرار ويجى لى هاجس كده واحتار واقتل واسرق ده انا انسان ومن طبعى برضه النسيان واغدر واكره ده انا فتان وحريقة تبقى فى كل مكان ويأجرونى فى أذية وأفرح بأخد النقدية وفلوسى يعنى حرام فى حرام دى تركة ورثة لكبار وصغار احج توبة نصوحة واغسل ذنوبى المفضوحة ويتوب على الستار ويحمينى من عذاب فى النار لكنى بأرجع بأستمرار لنفس الذنوب وبدون انذار السرقة داء زى الادمان والكذب موصوف للانسان والغيرة والقتل خيانة والكره والفتنة عمانا هو الشيطان منه لله اس البلاوى يا ولداه وكمان فى نفسى الامارة تقول لى اكذب بشطارة والوسوسة دايما على طول زى التوابل فى طبق الفول وفلوس بتكتر ليل ونهار وباغتنى زى المنشار واقول احج واغسل فى ذنوب لكن ده ربك رب قلوب اصرف فلوسى وما يغفرليش والصحة ضاعت ونظرى ما فيش وارجع فى ضعفى تانى لالله وسبحانه ربي ده جل علاه   واقول دى نفسى الامارة قالت لى اسرق بمهارة ووسوسة وفتنة ابليس نفسى اصحح نفسى اعيش وتروح بسرعة كل الاشياء لاتفيدنى ارض ولا حتى سماء واقول خدوا كل فلوسى وربى ده يغفر لى ذنوبى لا جاه ومال ولا حتى عيال بينفعوا لصلاح احوال وبسرعة قاموا غسلونى وفى الكفن راحو حطونى وفى حفرة ضلمة ورمونى لهمومى وحسابى سابونى وملايكة بتراجع اعمال وذنوب كتير بتهد جبال وصرخت صرخة تهز الكون الرحمة من عندك والعون وسالت نفسى وانا محتار ده مصيرى جنة ولا فى النار    

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق