]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

قصيدة الفقر

بواسطة: ياسر شرف  |  بتاريخ: 2014-08-20 ، الوقت: 15:40:14
  • تقييم المقالة:

قصيدة الفقر

==========

يا فقر عاتى وكمان جبار وقريفنا دايما ليل ونهار انت سبب كل الازمات وصانع لنا المشكلات ابليس يعاونك ويحبك والفقرا تلعن وتسبك تحب دايما الحرافيش وفلوس معاهم برضه مافيش ده فقر جهل ويا شيطان اعداء تحارب فى الاوطان ثلاثى يزرع كده مسمار حصاده قتل ويا دمار وموطنه العشوائيات يخلق يفجر فى الازمات شباب وعاطل قاطع شحن والفقر عنده خفيف الدم على القهاوى ليل ونهار بين حلم جنة ويصبح نار شقة وعروسة  وشغل كمان والفقر ساكن فى الدكان وبنات عوانس فى كل مكان وشباب فقير اشكال والوان وده ارزقى العم عليش كل اللى هامه لقمة عيش وعيلتين فى اوضة متر فى متر والفقر ساكن اكبر متر ومطوة وعطوة وجدوا الحل فى البلطجة والسرقة يا عم وبيأجروهم فى مظاهرات ويستخدموهم لاعتبارات ونقول حرام ده الرزق كتير يقول ده عندك وانا فقير وسنجة وسافوريا  طريق ادمان بيبيعوا بانجو للنسيان واولاد شوارع فى كل مكان فقرا وعاشوا بدون عنوان وام عبده مريضة كمان عايزه دى اوضة ودوا ودكان والبنت نوسة عايزة عريس ينشلها من الفقر يوم الخميس وفى المحافظة وفى الوزارات بيرتشوا ويبنوا عمارات ويبرروا بالفقر اكيد لو راح فى داهية ده يبقى العيد ده الفقر هو فقر نفوس مش فقر جاه ولا حتى فلوس وفى فقير ده غناه فى رضاه حامد وشاكر ده حتى ب اه وفاسد بيسرق كحل العين لابحر يكفى ولا يملا العين ولو ده كان يعنى انسان كنت قتلته وارتاح البال زى ما قالوها فى الامثال لكن الغنا فى صلاح احوال فقير ودايما كده ل الله هوالغنا اللى بنتمناه  

                      مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق