]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

قصيدة الخاطبة

بواسطة: ياسر شرف  |  بتاريخ: 2014-08-15 ، الوقت: 06:31:54
  • تقييم المقالة:

قصيدة الخاطبة

=========

ذكروها برضه فى الامثال وصوروها فى الافلام

بملاية لف وحلق كردان وسنة لولى وجوزين خلخال

فى عصر يعنى من الازمان كانت توفق راسين فى حلال وطلوعها يبقى زى هلال وتنصلح بيها الاحوال واسمها الست دلال بتجيب عرايس للعرسان بتخش كل بيوت الحارة وكل شقة وكل عمارة وعقلها زى الارشيف وكل شابة وليها تاريخ والبوم صور ده لكل عريس وزغاريد تطرقع كل خميس ولسانها يمدح فى العرسان وفى العروسة فى اى مكان ومهنة تجلب ليها فلوس وتفك نحس اى منحوس ويموتوا فيها الستات وبتجيب عرايس لكل البنات وقدومها يبقى فاتحة خير وتصيد بفن ايها طير وتطلبها برضه ام حسين اسم الله يعنى محروس من العين موظف حكومى كده مرموق وطول وسيما وفن وذوق وتعرض لها دى بنات فتاكات حلوين بياكلوا غزل بنات ويحددوا ده ميعاد وفى يوم تشوف تعاين قبل النوم ويدخلوا الخمسة البنات ويبداوا شغل الحموات تبوس تعاين ام حسين وتشوف اللى عليها العين شعر طبيعى ولا صناعى وقوام غزال او خشابى وتشوف وتقرص كل خدود ولا ليها سد او حتى حدود وترجع تقول تقرير لحسين وتختار له اللى عليها العين ويكافؤ برضه الست دلال ويكتبوا ده كتاب وحلال وزغرودة حلوة للعروسين وشربات فراولة للعيلتين ويخلفوا صبيان وبنات والعيشة تبقى تبات ونبات وتستمر الست دلال فى توفيق راسين وده برضه حلال ولا كانها كانت احلام وياريت ده يرجع زى زمان  

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق