]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

اتق الله مش مجرد جُملة...

بواسطة: Islam Allam  |  بتاريخ: 2011-11-30 ، الوقت: 20:24:04
  • تقييم المقالة:

 

 

 

 اكيد ناس كتير سمعناهم وهم بيقولوا "اتقي الله حيثما كنت" او" من يتقي الله يجعل له مخرجا" بس حد فينا جرب ان يخلي الجملتين دول مبدأ يتعامل به في كل حاجة بيعملها في حياته ؟! انا اكتشفت لو خدت الجملتين دول مبدأ في حياتك هتساعدك في التغير للاحسن وبسهولة واسأل مجرب ولا تسأل طبيب، مثلا لو انا بتوضي لازم اتقي ربنا في وضوئي يكون صحيح وانا بصلي لازم اتقي الله في الصلاة عشان تكون صح وربنا بأذنه تعالي يقبلها ،و برده لازم اتقي ربنا وانا بلعب رياضة او انا باكل مثلا لان الرياضة والغذاء حاجة مرتبطة بصحتي ولازم احفظ عليها لان هتسأل في يوم علي صحتي فيما افنيتها ، لازم اتقي ربنا في علاقتي مع الناس يعنى مروحش اقول لانسانة محترمة انى معجب بيها وانا اساسا عاوز اتسلي واضيع وقت وخلاص ومش ابتسم في وش صاحبي عشان مصلحة وبعد ما يمشي اسب والعن فيه وانا بذاكر مثلا لازم ولابد اتقي ربنا مش اكون ماسك الكتاب في ايد والموبيل في ايد واكون بتشات(chat) واول محد يدخل عليا اخبي الموبيل طب انا كده ضيعت وقتي ولا عرفت اذاكر ولا حتي عرفت اتشات مع الناس ولما اجي مثلا العب لازم اتقي ربنا في لعبي و وقت طرفيهى -اكيد طبعا مش محتاجين توصية في الجزئية دي-  انا بوجه كلامي للناس اللي ديما شايفين اللعب والترفية تضيع وقت احب اقولهم ان نفسك عليها حق عليك في الترفية ، خلاصة اخر مثالين -المذكرة والترفية- ان تتقي ربنا في وقتك وتدي كل حاجة وقتها ... "اتقي ربنا"  قيسها بقي في كل حاجة بتعملها في حياتك تفتكر بقي لو اتقت ربنا هتكون حياتك ازاي جرب كده بكرة بس تتقي ربنا في كل اللي هتعمله 

وتعالي قولي النتيجه اللي وصلتلها.

 

 

                                                                               

                                                                                                         كتبه/ إسلام علام

                                                                                                          www.islamallam.com

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق