]]>
خواطر :
الحياة الدنيا مثلها امرأة ، تراها من بعيد جمالا براقا لتكتشف أن كل شيء فيها مصطنع ... من رموش العين إلى احمرار الخدين والشفتين إلى طاقم الأسنان الناصع البياض...   (بلقسام حمدان العربي الإدريسي) . 

الى امرأة متحضرة

بواسطة: منتصر سلطان محمد  |  بتاريخ: 2011-11-30 ، الوقت: 19:09:15
  • تقييم المقالة:

 

  الى امراة متحضرة 
****
ولعى واحدة من التانية ..
و كبى البنزين ف رجولتى 
شدى الدخان على صدرك .. 
دا الهارب ..
من تحت الهدمة 
غاوى الحرية 
***
كاس و سجارة ف ايدك 
فكرتينى بواحد ..
ف بلدنا كان على طول سكران 
اصل بلدنا 
م المغرب بتنام 
و من قبل المغرب 
بتنام النسوان 
و طول الصبح 
اصحاب الحرمة .. 
اربع جدران 
و ان خبط بابها .. بترد 
بس لا يمكن ..
من ورا بابها تبان 
اما لو صدرها مرة اتعرى 
بتقطع شراينها ..
او تشرب سم فران 
ما اهو اصل الست ..
لو راح م الوش حياها 
تصبح فار جربان 
يصيدوها كلاب السكة ..
ويرموها فى اخر الليل 
يتلم عليها الدبان
اما هناك عندينا ..
ف بلدنا 
الست امان وحنان 
وحجات انت متعرفيهاش 
بالنسبة لك .. 
عدى عليها زمان 
بالنسبة لك تبقى تخلف ..
يعنى ياىى حاجة جنان 
زيك بالنسبة لنا ..
لما نشوفك لابسة .. العريان 
نتمسخر 
وبلدنا كلها تتلم 
و الكل يمصمص ويردد 
عجيب يا زمان 
الراجل مستور ف الهدمة ..
و الستات جسمها بان
ياه طولت عليكى 
سيبك من تخريفى .. 
فكى يا بطة 
خدى راحتك ف القعدة كمان 
الله يرحم سلطان ..
علمنى حجات ..
و اما كبرت ..
لا لقيتها 
ولا حتى لقيت 
سلطان  
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق