]]>
خواطر :
الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

قصيدة بياع الفول

بواسطة: ياسر شرف  |  بتاريخ: 2014-08-08 ، الوقت: 22:53:19
  • تقييم المقالة:

قصيدة بياع الفول

===============

تتركز الكاميرا على حى شعبى من احياء القاهرة وهو حى السيدة زينب وبداية يوم شعبى فى حى شعبى حيث ياتى معظم طوائف الحى ليشتروا الطبق المفضل والاشهى والارخص لديهم وهو طبق الفول ليستفتحوا يومهم قبل ان يبداوا عملهم ولذا فهو محط انظار الجميع ومكان تجمعهم ولذا نجد ان عم حسين عجمية توراث هذه المهنة ابا عن جد ويعمل معه مساعديه "على سوسة" "ومحمود قدرة" وكل هذه القاب مشتقة من المهنة حيث ان عجمية تعنى ان فوله مطهى جيدا ويسهل فى الهضم وطعمه فى المذاق مثل العجمية ومحمود قدرة طبعا قدرة الفول وهو المختص بعمل السندوتشات وعلى سوسة وهو المختص بلف السندوتشات واعطائها للزبائن لذا كان من المهم تحديد الادوار ومعرفة شخصياتهم فى البداية وتركز الكاميرا على عدة جمل مكتوبة على عربة الفول مثل "ان خلص الفول انا مش مسئول"  "وفول عجمية لكل راجل وولية" وحبوب الفول ذكاء على طوال".... الخ  وياتى حسين عجمية مع اول تباشير الصباح لينصب نصبته مع مساعديه لاستقبال  الزبائن ويستفتح يومه بالجمل الشعرية التالية :

افرجها يارب يا فتاح عجمية عايز بقى يرتاح

على كل راجل وولية بياكلوا فول العجمية

تعالوا هلوا يا زباين كباب بزيته دوقوا وعاين

مطمور فى قدرة شعبية طعمه بغاشة وزبدية

يا زهرة الاكل الشعبى كله فوايد ومعبى

يا وردة الامة العربية وموحد الاوطان العربية

بزيت زتون حلو منقى طبق بطاقة ويلبى

وحار وحلو يا عجمية واحسن كمان من الملوخية

بختم وشهادة عالمية وجامعة الدول العربية

ببيض وزبدة وملح كمان لمون مخلل وبتنجان

ومنه برضه الطعمية يعنى الفلافل وطنية

ده فول بقشره ومصفى كمان لو تاكله مرة يعيش فى امان

عجمية يا فول وانا مش مسئول

يعنى اوكازيون للفول بلمون

وحم الستات للفول مقامات

اضرب لك فول وفحلين بلمون

يبنى العضلات ويشفى الستات

اكبسها بفوا ده لاخر اليوم

وان خلص الفول انا مش مسؤل

-         وتيجى الطلبة عايزة سندوتشات:

اتنين بالحار وتلاتة وصاية

واربعة بالبيض وبزيت الحلو

وبصل ومخلل ويا بتنجان

وبسرعة يا قدرة علشان مدارسهم

ولف فى ورقة الطلبية  يا سوسة

-         ويجى اهل الحى لاكل اطباق الفول على العربية ويطلبوا الطلبات:

يالا يا عجمية وبهمة قوية حنروح اشغالنا واطباقنا شهية

واحد مخصوص وببيض ولمون والسلطة قوام ومعاها كمون

واحد بالحار واتنين بالحلو وتلاتة بالبيض واتنين مخصوص

حاضر على نار والزيت الحار نزل طلبات لعبد الجبار

-         وتيجى له بنية واسمها شلبية وتقول له شوية من فول عجمية

وبابا بيقول لك اتوصى شوية وبلا ش نصوحية وبلاش حرامية

ويعدى محامى اسمه على سامى ويقول له شوية واشهد يا زمانى

ويساله عجمية عن يعنى قضية ويرد خسرنا والرك النية

ويجى الدكتور وعليه الدور ويطلب طلبية وياكل بسرور

وحكشة السباك وعباس اسلاك وميمى النجار يطلبوا فى فطار

وتزيد الزحمة وكانها لحمة وبسرعة يخلص عجمية القدرة

ويحط التانية مع سوسة وقدرة والكل سريع ومافيش ترجيع

ودى خالتى بهادر ياما ليها نوادر تحكى لعجمية عن سامى ونادر

خناقات يومية وعايزين طعمية وبسلامته ده جوزها عايز ملوخية

وكمان محتارة مع فيفى الجارة عايزاها تعزل كده بره الحارة

ومن القهوة كمان مطلوب طلبات مخصوص بالبيض والزيت الحار

لحمادة امام وعبده الفنان ومحمود منصور وعرابى كمان

اطباق عجمية اهى رايحة وجاية مليانة بالفول والدقة الحامية

وتخلص القدرة ويلموا العدة ويروح على طول بياع الفول

 

     مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578  

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق