]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

عشانك يا مصر

بواسطة: منتصر سلطان محمد  |  بتاريخ: 2011-11-28 ، الوقت: 18:40:04
  • تقييم المقالة:

 

 
عشانك يا مصر 
***
م العشش 
م الحوارى و م القصور 
اطبا وسبكين 
طلبة وبتوع بخور 
ف الميدان 
الكل واقف طبور 
خفت م الجمع الغفير 
وافتكرت انى.. 
ف يوم النشور 
النشوة فوقتنى..
وعرفت ان النهاردة 
الطفل ف المهد 
لازم يثور 
عشانك يا مصر 
القنابل صبحت بخور 
حتى الرصاص الحى..
ما قدر يخرق طبور 
يا مصر شعبك صبور
مين يقدره ..؟
لو يوم يثور 
ف الميدان 
جرجس يداوى عبد الغفور 
الرب جمعهم..
الدين ما فرقهم 
قلوبهم غسلاها الملايكة 
م الحقد وم الغرور 
م العشش..
و الحوارى والقصور 
صعايدة وفلاحيين 
دخلوا الطبور 
سهرنا..
صلينا..
رقصنا..
صبح الميدان جنينة 
واحنا الزهور 
صبح كنيسة وجامع 
و احنا الطيور 
حاولوا يخدرونا بالكلام..
قولنا ثورتنا ثورة سلام 
قالوا ثورة جياع 
قولنا اسقاط النظام 
اللى معانا يدخل ف الطبور 
واللى مش معانا..
م الميدان يغور 
دا احنا جينا من شرقها..
ومن غربها 
م النجوع و م الكفور 
جينا علشان نثور 
ونغير نظام 
بنا بينا وبينه 
الاف الجسور 
فكان لازم نثور..
عشانك يا مصر        
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق