]]>
خواطر :
اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . 

قصيدة المجند المصرى الشهيد

بواسطة: ياسر شرف  |  بتاريخ: 2014-07-20 ، الوقت: 07:57:06
  • تقييم المقالة:

قصيدة المجند المصرى الشهيد

=================

انا المجند س ص ع من قبلي بحري ومصري اصيل

 

طلبوني اخدم كده في الجيش قلت ده وطني غيره ماليش

 

وكنت برضه يعني عريس زفوني فجأة وعمري رخيص

 

و كنت بازرع كده في الغيط حصدوني جندي وقلت ياريت

 

مسلم  بااصلى وعارف ربى اصوم واذكى واقر بذنبى

 

وقالوا لى تعمل زى جدود تقف وتحمى وطن وحدود

 

فرحت فرحة بتملا العينى ده انا المجندس س ص ع

 

وكان لى ارض خضرا عمار وزريبة جوه فى الدوار

 

وطيور وبط ويا حمام وبقر جاموس واسهر ما انام

 

وازرع فى ارضى كده بالفاس وحصادى يبقى حديث الناس

 

وقلت شرف الجهادية احسن وافضل ياسنية

 

وخلعت لبس الجلابية ولبست لبس الحربية

 

ده انا المجندس س ص ع من قبلى بحرى ومصرى اصيل

 

واخدت بدلة عسكرية وخوذة صفرا وبندقية

 

وقالوا لى شرفك تحمى حدود وفى كل محنة تكون موجود

 

وكنت صايم فى رمضان وزملائى برضه  قبل الفطار

 

اتوضيت وصليت فى ركعتين وكنت فاتح برضه العين

 

وفجاة ضربونا بالنار شباب ملثم رمز العار

 

والدم سال على الجانبين والشهدا ماتو يا ضى العين

 

وانا  ذنبى ايه حرقونى برصاص وحياتى ضاعت فجأة خلاص

 

واشلائى شاهد فى كل مكان دراعى وراسى لشهيد انسان

 

قتلونى برضه باسم الدين والفخر ليهم كمسلمين

 

سابوا العدو ده فى تل ابيب وقتلونى اخ وعم حبيب

 

وقالوا على القدس شهدا بالملايين وقتلونا احنا المسلمين

 

بيحققوا اهداف صهيون واحنا اللى ندفع كل الديون

 

ربك ده منتقم وجبار يحرق قلوبهم كده بالنار

 

انا روحى طايرة مع ملايكة فى جنة حلوة على الايكة

 

لكن ده امى عماها بكاء وقلب محروق ويا دعاء

 

وابويا مشلول حسرة نار على ابن رباه ليل ونهار

 

واختى دى كبرت قبل الاوان وسابوها برضه العرسان

 

واخويا حلف لا ياخد بالتار وساب فى ارضه ياكلها بوار

 

وشعب يبكى من مصريين ويدعوا عليهم دنيا ودين

 

هى الرجولة تكون انسان ولا الرجولة تقتل انسان

 

دى مصر طيبة واخوة وتاريخ حضارة ومروة

 

ومهما كان بلد الاسلام وعيونها حارسة ولابتنام

 

انا  عقلى تاه وكمان اختار مين العدو ومين الكفار

 

ده انا المجند س ص ع شهيد ومصرى واشكى لمين

 

 

 

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق