]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

قصيدة مصباح علاء الدين

بواسطة: ياسر شرف  |  بتاريخ: 2014-07-16 ، الوقت: 13:34:02
  • تقييم المقالة:

قصيدة مصباح علاء الدين

=================

حلمت مرة بحلم غريب مصباح بزيت وبدون كبريت

قديم ومخروم من جنبين اسمه ولقبه علاء الدين

وفجأة نط من الجنبين مارد كبير وبيملا العين

وقال لى قوم انت يا فقير انا جيت حقيقى للتغيير

ايه المشاكل والازمات راح احلها وبدون صرخات

رديت وقلت انت بالذات ممكن تزود فى الازمات

ياما حلمنا بالتغيير والحلم يصبح وهم كبير

قام بص لى وقال لى يا فقير اسكت ومتتكلمش كتير

وقلت ماشى يا عفريت يمكن تكتر فى الكتاكيت

عايزين عدالة اجتماعية مش ناس فقيرة وغنية

وعايزين كمان الحرية مش بس قمع البشرية

عايزين حكومة معنية تحس وتشوف بعنيا

والكهربا تقطع باليل وتشوف حقيقى سواد الليل

والمية فيها كتير ازمات لو جت بتفتح بلاعات

والصحة يعنى تبقى سليم مستشفى تدخل تبقى مريض

وتعليم ده توام امية وغش كله فى ثانوية

والبلطجة هى العنوان تلاقيها برضه فى كل مكان

والاقتصاد بيقولوا تعبان يشفيه ده ربى الرحمن

واخطار كتيرة ومؤامرات جوه وبره ومظاهرات

اعداء قوية وعالمية هدفها تفتيت عربية

والاخ يقتل ليه فى اخوه ويشوف عدوه يقتل ابوه

هى الرجولة تكون انسان ولا الرجولة تقتل انسان

وفى غزة صرخة تهز الكون ونقول يرب اديهم العون

وفى العراق ماشيين تقسيم وسوريا وليبيا وفلسطين

داعش ونصره وكتائب وحق الشهيد دايما غايب

ممكن يتحدوا المسلمين ؟! ويحرروا قدس فلسطين؟!

وقلت ارتاح فى كلامى تعبت لوك لوك فى لسانى

وبص لى وبدون عنوان وقال لى مسكين يا انسان

ايه اللى ناقص يعنى كمان قلبى ده عندك وانا من الجان

وفجأة وشه جاب الوان وقال لى وانا برضه تعبان

وصغر بسرعة ونط كمان واصبح فى ثانية فى خبر كان

وقلت حتى ملوك الجان ما قدروا على ظلم الانسان

وصحيت على صرخة بتطير فينك حبيبنا صلاح الدين

يارب يا عالم بالحال اصلح لنا جميع الاحوال

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق