]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة صرخة غزة

بواسطة: ياسر شرف  |  بتاريخ: 2014-07-10 ، الوقت: 16:24:56
  • تقييم المقالة:

قصيدة صرخة غزة

===============

انا اسمى غزة ويعنى قطاع مجروح ومليان بالاوجاع

باصرخ دى صرخة تهز الكون واقول يا رب ادينى العون

نفسى اقطع فى هدومى ومن التراب راح تشيلونى

 تراب ده شهدا بالالافات ودماء شيوخ ومحجبات

اطفال وعجزة ومشلولين حريم بتدعى ليوم الدين

تدمير وقتل بالصواريخ لمريض وكهل وكل جريح

هى الرجولة تكون انسان ولا الرجولة تقتل انسان

ابنى البرئ لسه مولود بقذيفة حرقوا عيونه السود

وامى دى عاجزة رجل وايد قصفوها حتى فى يوم العيد

وابويا كهل واسمه سعيد حرقوه واصبح برضه شهيد

واختى نسفوها وهى عروسة وملايكة هما اللى زفوها

واخويا المريض وده هو ضرير قتلوه بمدفع على السرير

وعمى وخالى وجيرانى بيحرقوهم قدامى

حتى المدارس نسفوها كشاكيل شنط دول حرقوها

وجثث تلامذة جوه الحوش ودماء تسيل وتزيل الخوف

بحر البقر وفى دير ياسين مذابح كتيرة كمان شاهدين

والمستشفيات برضه اصابوها والمرضى ماتوا وتركوها

ويقولوا فيها فدائيين داهية تاخدهم ليوم الدين

ولو ده كلب يعنى حيوان فى اوروبا كان اوفى اليابان

وقع فى حفرة فى اى مكان تجرى تروح له حقوق حيوان

لكن الحيوان او حتى الانسان منحوس ومهضوم حقه كمان

فى غزة او يعنى لبنان وسوريا وفى برضه السودان

والارض صارت كتلة نار تدمير وحرق وكله دمار

بيدمروا يعنى فلسطين ويمحوا ذكرى صلاح الدين

فين الرجولة فى اى مكان وحقوق اصيلة للانسان

والزرع ماله والحيوان محروق ومرمى فى كل مكان

فينك يا امم يا متحدة عالظلم والعدوان متحدة

وجمعيات حقوق للانسان تيجى من اوروبا وكل مكان

يكفيها فسحة والتصوير وفجأة تهرب كده وتطير

وتدين ده اطلاق الصواريخ من غزة بشدة وشكل صريح

فينك ياجامعة عربية بقرارات ادانة مستكفية

داعش ونصرة وكتائب والحق مسلوب ده وغائب

عايزين امارة اسلامية وبيحموا الامارة الصهيونية

وبيقتلوا بعض باسم الدين ويدمروا برضه المسلمين

وياما قالوها كتير وكتير عالقدس شهداء بالملايين

لو اتحدتوا زي فى حطين راح يجى منكو صلاح الدين

ويقولوا صواريخ حمساوية ولا مرة بتصيب فى الميه

توصل حقيقي لتل ابيب ده زى بمب وبرضه تخيب

وشعب ده اعزل كده مسكين يدفع تمن وليوم الدين

باصرخ دى صرخة تهز الكون واقول يا رب ادينى العون

 

 

 

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق