]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . 

قصيدة صديقى الفول

بواسطة: ياسر شرف  |  بتاريخ: 2014-07-03 ، الوقت: 08:48:22
  • تقييم المقالة:

قصيدة صديقى الفول

=============

صديق طفولة و شباب على طول اسمه ولقبه برضه الفول فتحت عينى فى احضانه وحبيت ده شجره و اغصانه وكان صديقى ليل ونهار اكله بزيت او حتى خيار وجسمى بيكبر من خيره انيس فى زنقة ماليش غيره رفيق لغيرى فى الدوار معيز وبقرة وحتى حمار ياكلوه بشهية وباستمرار واللى ينافسه يخش النار وكنت بااكله وانا محتار ايه البديل ده مالوهش غيار وصوتى يعنى لو يعلى زعيق من كتر اكله بيبقى نهيق والفن يعنى فى التجديد والاصل واحد بالتحديد نابت بصارة و طعمية تغير فى شكل بحرفيه الاب واحد والنسل كتير ابناء واحفاد للتغير خيره على الغنى والفقير ويحبه كل وادى النيل ولو فى مرة اكون مسئول اقول حبيبنا هو الفول والذكريات كده محفورة فى المعدة اصل وكمان صورة يسكن فى قلبى وامعائى ومتحوصل بشدة فى احشائى اسمع دبيبه فى فؤادى بزيت ودقة قبل ميلادى وهو راعى للفقراء وبيجيب ده نقرس للامراء ده فول ولحمة يعنى بروتين نفس الفصيلة بيملوا العين ادمنت اكله كده ادمان فى حضنه دايما باعيش فى امان تحليل لدمى يكشف ويقول الجسم يعنى ده عصير فول ولو فى مصيف حتى فى بلطيم اخده معايا هوالانتيم الفول بيجى فى غمضة عين واللحمة بس فلوسها منين وهنا الوفاء ويا الاخلاص الفول بيجى واللحمة خلاص الفول ده واقع اصله متاح واللحمة يفرجها الفتاح وهى بطلة فى احلامى اكلها مشوى فى منامى ولم اعدى على الجزار اشوف خيالها اولع نار ابعت لها كتير فى رسايل لا ترد على عقلى الحاير والفول بتدى له اشارة يطير ويدخل فى الحارة يبقى ده من حقى ابوسه واكله ده مطبوخ وبسوسه اصل الصديق بيكون ده قريب فى ضيق فى شدة بيكون لى حبيب الشكر ليه وكمان عرفان الفول ده لينا وللحيوان مهد الحضارة وامجادها يدوم ده نعمة لاحفادنا  

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

   

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق