]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

آيات عرابي تكتب : ننزل ليه يوم 3 جويلية ...

بواسطة: عبد الحميد رميته  |  بتاريخ: 2014-07-02 ، الوقت: 00:43:58
  • تقييم المقالة:
آيات عرابي تكتب : تنزل ليه 3/7 ؟ :

في الحقيقة فكرت أكتب مقال عن الأوضاع المتردية في مصر بعد سنة من الانقلاب ، أو عن تزوير الانتخابات ، أو عن كل الجرايم اللي بتحصل ضد المصريين ، أو عن جرايم الابادة الجماعية والاغتصاب اللي بترتكبها إدارة الانقلاب في حق المصريين , ولكن لقيت إن مقال واحد لن يكفي كل الجرايم اللي ارتكبت من يوم 3/7 إلى الآن ، فقررت أكتب دعوة للنزول في الذكرى الأولى لأكبر نكسة في تاريخ مصر، واتخلى شوية عن اللغة الفصحى ، واكتب باللهجة المصرية الدارجة :
انزل
انزل عشان الأمن اللي ضيعه الانقلاب
انزل عشان أنت طالبت بانتخابات مبكرة والعسكر عملوا انقلاب
انزل عشان انت نزلت عشان أسعار البنزين والسولار والانقلاب رفع أسعارهم أصلاً
انزل عشان مفيش أمن والشرطة بقت فعلا قوات احتلال
انزل عشان الانقلاب رفع الدعم عن التموين
انزل عشان فيه 14 بنت اغتصبوا في المعتقلات وفيه بنت اغتصبت جوة مدرعة في الشارع
انزل عشان منعوا الصلاة على النبي عليه الصلاة والسلام
انزل عشان أغلقوا المساجد الكبيرة والزوايا
انزل عشان بيحرموا عليك حتى الدعاء على الظالمين
انزل عشان قائد الانقلاب بيركب عجلة بـ 45 ألف جنيه وبيقول للناس تقشفوا
انزل عشان مرتبك مش هيكفيك حتى تشحت
انزل عشان الكهربا بتقطع اكتر ما بتيجي
انزل عشان جابوا عسكري بالإعدادية يحكم مصر بانتخابات مزورة
انزل عشان أكبر هاشتاج في التاريخ مش عارف يقول كلمتين على بعض عاوز يحكم بلد في حجم مصر
انزل عشان العسكر بيسيطر على 60 % من اقتصاد مصر وحضرتك بتشحت
انزل عشان وزير الدفاع بياخد مرتب 3 مليون , وفيه ناس مش قادرة تلاقي وجبة عشا
انزل عشان الشرطة اللي كانت بتهرب بقمصان النوم بعد 25 يناير بتتحرش بالبنات وبتغتصبهم
انزل عشان الاراجوزات وعدوك يعالجوا الايدز وفايروس سي بالكفتة ورجعوا في كلامهم
انزل عشان الجيش اللي المفروض يحمي الناس بيحمي الطيران الإسرائيلي في إيلات وبيقتل المصريين في الشوارع
انزل عشان موضة تفجيرات الخمسينات رجعت تاني
انزل عشان منجم ذهب السكري اتباع كله وانت بتشحت
انزل عشان الانقلاب بيستورد غاز من اسرائيل بعد ما ضيع ثروة مصر من الغاز
انزل عشان وفد من المخابرات الحربية اللي المفروض تحميك قابل ضباط مخابرات اسرائيل عشان يسقطوا رئيسك في 2013 
انزل عشان مصر بتتباع وأنت أرخص حاجة فيها
انزل عشان مفيش مفيش مفيش
انزل عشان آلاف اتقتلوا وحقهم ما جاش
انزل عشان محلب بتاع الحزب الوطني رئيس وزارة
انزل عشان المصري ما يبقاش عبد في بلده
انزل عشان العسكر شوية شوية هيدفعوا المصريين ضريبة الرؤوس
انزل عشان الهاشتاج عاوز يعلن مصر اللي المسلمين أكتر من 90% من سكانها , دولة علمانية
وانت نازل فيه كذا حاجة مهمة أوي لازم تعرفها 
أولاً: لا الجيش ولا الشرطة ولا الإعلام بتاع الإنقلاب معاك لكن معاك اللي أكبر منهم رب العالمين نفسه.
3/7 ثانيا : مش يوم الحسم ولا نهاية المطاف , لكنه بس البداية لأن الجرايم اللي ارتكبوها تلبسهم كلهم البدلة الحمرا وهما بيدافعوا عن رقبتهم .
ثالثا : الانقلاب ساقط وواقع واللي بيؤيدوه قليلون وإلا كانوا دعوا الناس للنزول يوم 30\6 للاحتفال . الانقلاب محروم من أي دعم شعبي خصوصاً بعد رفع أسعار البنزين والسولار ورفع الدعم عن التموين يعني أنت بتنزل والإنقلاب في أضعف حالاته 
رابعاً : النظام دا أوهن وأتفه وأضعف من مجرد علامة رابعة بترفعها بيدك , وإن شاء الله السيسي ) ساقط ساقط , لأن الله لا يهدي كيد الخائنين.)
انزل ...

 

 المصدر: الجزيرة مباشر مصر

 
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق