]]>
خواطر :
(مقولة لجد والدي، رحمه الله ) : إذا كان لابد من أن تنهشني الكلاب ( أكرمكم الله)...الأجدر أن اسلم نفسي فريسة للأسود ...   (بلقسام حمدان العربي الإدريسي) . 

ازاى تبقى صيدلى مسيطر ؟؟؟ ( لماذا اكلت تشى تشى الشوكلاته ؟؟؟)

بواسطة: Nasir Elwatn  |  بتاريخ: 2014-06-19 ، الوقت: 23:46:51
  • تقييم المقالة:

                                         ازاى تبقى صيدلى مسيطر ؟؟؟
                       
                      لماذا اكلت تشى تشى شوكلاته الكيت كات ؟؟

نصحبك قارئنا العزيز فى ثانى رحلاتنا المكوكية فى علم الماركتنج بعد ان تعرفنا فى اولى تلك الرحلات عن ماهو الماركتنج ويعنى ايه وما هو هدف التسويق بشكل عام ؟؟
        

- سنبدا اليوم عزيزى فى الاجابة على سؤال من اهم الاسئلة فى علم الماركتنج لماذا اكلت تشى تشى شوكلاته الكيت كات ؟؟؟؟؟

 

- بالطبع هذا هو موضوع مقالنا اليوم فى فهم كيفية التسويق وما هى الطرق اللى بنعملها علشان نقدر نسوق منتجنا ايا كان ونطبقه على ارض الواقع .

- فى البداية وقبل بداية رحلتنا الجديدة تذكر جيدا ,
( لا تقبل اى كلمة من هذا الكلام على الاطلاق , اخضعه لعقلك فان قبل به كان بها وان لم يقبل , فناقش , جادل , اثبت  والاهم فى كلتا الحالتين ان تفكر , ان تعمل عقلك وهذا هو المطلوب )


- فى البداية عزيزى لك ان تعلم ان علم التسويق وتطبيقه يتضمن خمس مبادئ اساسية هم:
افهم , خطط , نفذ , تبنى, تكسب 

 


اذن ماذا يعنى هذا الكلام الذى سنتناوله بالتفصيل والتطبيق ,

1- افهم طبيعة السوق والمستهلكين الذى تقدم لهم السلعة .
2- خطط لتنفيذ استراتيجية تخدم العملاء .
3- نفذ برنامج تسويقى لنقل قيمة حقيقية  للعملاء .
4- تبنى علاقة ناجحة مع العملاء مما يحققلهم سعادتهم
5- تكسب قيمة متبادلة مع العملاء ومكسبك واللى انت عايزه من اموال .



والان دعونا نبا فى واحدة واحدة فلبندا بفهم طبيعة السوق والمستهلكين ولكن قبل ذلك دعونا نرى المثال الاتى :
        


اكيد سمعت عن شوكلاته كيت كات !!!! طب تفتكر ايه سبب انتشارها !!! طب تفتكر ليه تشى تشى كلتها وحبتها !!! تعالى نشوف :

- فى البداية لك ان تعلم عزيزى ان الشعب اليابانى يحتقر الاعلانات وكثير الشكوك فى الاعلانات والدعايا مؤمنا بفكرة ان السلعة الجيدة لا تعمل دعاية لنفسها ومع اختلافنا مع المبدا بس هو كده هما بيفكروا كده نعمل ايه

- كيت كات قريبة من كلمة يابانية اسمها كيتو –كاتسو او ما معناه ( اتمنى لك النجاح )


- فى السنة الاولى لكيت كات بدأت الفنادق في العاصمة طوكيو توزع شيكولاتة
كت كات مجانا على الالاف من الطلاب الذين ياتون للعاصمة طوكيو كى يدخلوااختبارات الالتحاق بالجامعات كقوالب حمراء صغيرة بوصفها قوالب سحرية صغيرة من المفترض ان تكون جالبة للحظ . 

ثم بدات تظهر الاعلانات ولكنها لم تظهر فى صورة اعلانات تلك التى يحتقرها الشعب اليابانى ولكنها ظهرت فى صورة اخرى ظهرت فى صورة قصص  صغيرة لطيفة عن مُدرسين وأمهات وطلاب مع قالب الحظ ولكن الامهات اليابانية اصبح يستقر ان تلك القوالب تجلب الحظ فعلا وبداوا فى ارسال اولادهن بعد شراء قالب الحظ فعلا !!!

اه بالمناسبة هه عرفت دلوقتى ليه تشى تشى اكلت شيكولاته كيت كات ؟؟؟

- اذن ماذا كان سيحدث عزيزى لو ان شركة كيت كات لم تفهم طبيعة اليابانيين وكانت قامت بحملة دعائية مبتذلة مثل اى منتج ما كان من المجتمع اليابانى الا ان يعطيها استمارة 6 لتذهب وتكون فى الباى باى .

( بالمناسبة هل تظن انها لم تقدم قيمة للمجتمع اذن حدثنى عن ان تذهب الى امتحانك وانت معك لتفائل والحظ ان كل شى يسيرتمام وزى الفل  اليست قيمة اثبتت نتائج طلاب اليابان التى ارتفعت بالفعل بشكل مذهل مدى روعة القيمة التى تم تقديمها )

وهذا بالظبط هو موضوعنا , فاول خطوة فى التسويق هو ( افهم طبيعة السوق والمستهلكين )

ولكن الاول ايه هو السوق ده ؟؟؟


السوق هو المكان اللى بيحتوى على قدر من الخدمات والسلع المتبادلة بين البائع والمستهلك .

ايه الكلام ده يعنى ؟؟

يعنى بمعنى اخر هو المكان الذى تجنى فيه اموالك ولكن فى مقابل ان تستبدله بقيمة حقيقية تقدمها للمستهلك بحيث انها عملية تبادل انت تعطى للمستهلك قيمة وهو سيدفع امواله عن طيب خاطر وهو منشكح لانه خدت قيمة تحققله وتلبى حاجة كانت ناقصاه بالفعل وليس مجرد سلعة وخلاص .

- لذلك يجب عليك عزيزى ان تركز على القيمة التى ستقدمهما للمستهلك وما الذى يستفيده من تلك السلعة واياك ان تهتم بالسلعة نفسها , فالسلعة نفسها ليست قيمة فى حد ذاتها ولكنن ما تقدمه للمستهلك هو القيمة الذى سيفعه ان يشتريها لاجله .

- بالطبع هذا يقودنا الى سؤال اخر طب تفتكر هقدر احدد القيمة اللى بتقول عليها دية ازاى ؟؟؟


بالطبع على حسب احتياجات المستهلك  ( هو هيكون عايز ايه ) وهنا احتياجات المستهلك يحددها 3 اشياء رئيسية :

need , want , demand
يعنى ايه الكلام ده ؟؟؟

need  ال

معناه الحاجة اللى متقدرش تعيش من غيرها زى الاكل ( تقدر متاكلش ..... هتموت )
حاجة اساسية مفيهاش هزار .



want ال
   : بمعنى الحاجة الاساسية ولكن على حسب ثقافة وطبيعة كل انسان , بمعنى مثلا عندما تجوع فى مصر فستذهب الى اقرب محل فول وطعمية بينما فى امريكا سيذهب الى اقرب مطعم كنتاكى .

demand ال

انك تكون معاك الفلوس انك تقدر تشترى الوانت  اللى انت عايزها ومعاك القوة الشرائية لذلك .

يعنى ببساطة يكون معاك فلوس تشترى الفول والطعمبة .

واليك هذا المثال :

احمد , محمد وفى عز الحر وبعد يوم عمل مرهق حقا كانوا واقعين  من الجوع لذا قرروا الذهاب الى مطعم عم شطة على اول الشارع ,

 

عند مجى الجرسون فاذذا احمد يطلب فراخ مع الارز البسمتى الشهير بينما يطلب محمد حمام محشى بالفريك ومكرونة بالبشاميل فمما كان من احمد الا ان مال على صديقه العزيز بقوله والعة فلوس يا معلم دول ب140 جنيه فاعتدل محمد فى مكانه قائلا احم احم هو طبق الكشرى بكام !!!!!! ,

بالظبط هذا ماحدث هو الفرق بين الثلاث مصطلحات
Need , want, demand
-    need  الثلاثة شعروا بالجوع وهذه تمثل ال
want –لما راحوا االمطعم وكل واحد طلب حاجة مختلفة دية ال
  -demand-لما طلع السعرغالى على محمد طلب حاجة تانية ودية
  (هو كان عايز يشترى وعنده الرغبة فى كده ولكن معهوش قوة شرائية للحاجة دية يعنى معهوش فلوس ) 

- اذن بعد ان تطلعنا الى احتياجات المستهلك , ماذا ستفعل انت لكى تقوم بتقديم قيمة تلبى احتياجاته ؟؟؟
بالطبع عزيزى سنقوم بتلبية تلك الاحتياجات عن طريق عرض السوق 

لحظة من فضلك ماذا سيجول فى خاطرك عند سماعك تلك الكلمة ؟؟؟

الاوفر ,, الفلوس ,,الخصومات

لا يا عزيزى فعرض السوق لا يقتصر ابدا على خصومات او فرز فعرض السوق بكل بساطة هو مجموعة من الانشطة والسلع التى تقوم بتلبية احتياجات المستهلك .

يعنى ايه ؟؟؟

بمعنى انك بتقدم من خلال العرض ده القيمة اللى بتوازن بين الثلاثة احتياجات الاساسية
need , want ,demand

( يعنى انت بتقدم فى العرض قيمة بتلبى Need هو محتاجها , عن طريق Want هو عايزها بتتناسب مع Demand متوفرة معاه )

اذن وبعد كل هذا ايه هو المطلوب بالظبط فى فهم السوق والمستهلكين ؟؟؟

كل المطلوب منك هو قبل ان تبدا بالتسويق او التفكير فى الاموال ان تسال اربعة اسئلة :

1- ايه الحاجة اللى عند المستهلك اللى انت هتقوم بتلبيتها ؟؟؟

2- ايه اللى هيفرق المنتج بتاعك وقيمته عن باقى المنافسين ؟؟؟

3- مين اللى هيبقى عنده want انه يشترى المنتج بتاعك ؟؟؟ وليه ؟؟؟

الان تكون قد فهمت السوق الذى تعمل به جيدا وفهمت طبيعة المستهلكين وماهى احتياجاتهم , ولكن دعنا نلقى نظرة اليك ف الصيدلية يا ترى ما هى حاجة المريض ؟؟؟

بالطبع حاجته صحته , ميقدرش يعيش من غيرها .
- عن طريق وانت اللى هوا الدوا او بالاخص العلاج

ولكن ما الذى سيفرق  بين صيدلية عن الاخرى ؟؟؟

فيما تفكر علمك وخبرتك فهذا ما سيجعلك تختلف عن اى منشاة لذا فطور نفسك باستمرار واياك ان تظن ان هذا مهما تكلف من اموال لن تعود عليك فكلما طورت نفسك كلما زاد علمك كلما استعت ان تلبى احتياجات المريض كلما كسبت اموالا فى نهاية المطاف .

- احرص على مريضك انه يخف لانك بكده تكون حققت ليه
need عن طريق want اللى هو ازاى يخف بالدوا ده وده هيكون اول خطوة فى مكسبك باذن الله .

- اخيرا بعد ان فهمت السوق جيدا وفهمت ماذا يريد المستهلكين لنا ان ننتقل الى الخطوة الثانية خطط , ولكن فى مقالنا القادم باذن الله .

-
افتكر دايما انت سلعتك علمك وخبرتك واسلوبك مكسبك ثقتهم قبل ما تكون فلوسك .
احنا عندنا رسالة , احنا بنقدم قيمة للمريض مش بنبيع دواء , قبل ما تنزل صيدليتك فكر ايه القيمة اللى انت رايح تقدمها للمريض النهاردة ...

د . محمد ابراهيم يوسف ( ناصر )

بالطبع تم الاستعانة ببعض المصادر الرائعة وجدير بالذكر ان مصادر كل مقال تختلف عن سابقيها الا فى مصادر معينة :

1- Principle of marketing 14th kottler
2- understand your market smart draw 2008
3- Principle of marketng higgle
4- مدونة شبايك


 



1- Principle of marketing 14th kottler
2- understand your market smart draw 2008
3- Principle of marketng higgle
4- مدونة شبايك


« المقالة السابقة

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق