]]>
خواطر :
رغم إني أخاف من الغرق ، عقدة تلازمني منذ الصغر...أتمنى الغرق في بحر ذكرى هواك...   (بلقسام حمدان العربي الإدريسي) . 

قصيدة بنت اسمها نوسة

بواسطة: ياسر شرف  |  بتاريخ: 2014-06-12 ، الوقت: 13:55:26
  • تقييم المقالة:

قصيدة بنت اسمها نوسة

===============

خلصت برضه الثانوية ودخلت يعنى الكلية واحلام كتيرة بتحلى لى وتدوب وتدخل فى كيانى وظهر لى فارس الكلية فى رابعة يتقرب ليا اسيب دروسى ومحاضراتى واقعد معاه فى الكافيتريا وكلامه حلو وخيالى يسرح بعقلى ووجدانى لكن عيوبه دى فنية حياته ابراج فلكية تحليل فى برجى ده هوائى او حتى نارى او مائى ويزيد تشاؤم وتفاؤل والمعنى يبقى عندى تساؤل وبقيت فى لحظة مع التوهان اسرح وافكر ده بامعان امى بتطلب ملوخية اجيب لها فى جزمة هدية وابويا يطلب منى الشاى اجيب له طرحة وكمان شال واختى اللى عاوزة فى بلوزة اجيب لها خيار مع موزة واخويا يطلب فى القهوة اشربها وانزل على سهوة وخالتى عايزة شنطة حريمى اجيب لها بلح ابريمى ويسالونى ليه التغيير اقول لهم مذاكرة وهى عندى كتير وكل مااروح الكلية اقعد معاه فى الكافيتريا نسرح كتير فى المستقبل وافكار كتيرة بنستقبل كله خيال وافكار احلام لكن الحقيقة كلا م فى كلام نقعد ونشرب فى المشاريب ويقول لى ادفعى فرجه قريب وفى الغدا يزلط ويزيح بانيه وحلو ويستريح وبرجى يطلب بتفاؤل خطوبة ويقول متشاؤم ويحكى لى كتير كده فى الافلام ومناورات وكمان احلام لو كل حلم من الاحلام يبقى فى واقع كده يا سلام وقررت افاجأه بكتب كتاب لقيته فص فى ملح وداب اكل فراخى واسماكى وامالى بقت انتكاساتى وحسيت بان حياتى عذاب وكنت عايشة كده فى سراب هى المراهقة فى عمر زهور بتكون ظلام وبتصبح نور وعدت يعنى لطبيعتى تركيز وفعل هو وسيلتى وجالى بعد كده ده عريس برقبته واسمه يعنى خميس لكل بنت فى المحروسة نصيحة من اختكو نوسة لوك لوك ده يعنى كتير فى كلام وقصور بتتبنى فى الاحلام لو جد يبقى دخول من باب لا فتح شيش ولا من شباك يارب ارزق كل البنات بعريس يخبط كده عالباب  

مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق