]]>
خواطر :
قالوا الصبرُ علاج للآلام... فزادت صبرُ السنين للجراح آلاما...   (بلقسام حمدان العربي الإدريسي) . 

اوبريت بير مسعود

بواسطة: ياسر شرف  |  بتاريخ: 2014-05-30 ، الوقت: 12:51:00
  • تقييم المقالة:

اوبريت بير مسعود

============

تركز الكاميرا على بير مسعود وموقعه ومعتقدات الناس فيه ثم تدخل على الزجال وهويقول: حلمت مرة ببير مسعود والسعد وعد للموعود فى اسكندرية يروحه الناس و يعتقدوا انه مفيد للناس يرموا امانى فى الرسالات و يتمنوا تحقق بالذات ويقولوا بير فى البحر مبروك يوصل امانى  بالمكتوب امواج فى نوة تطير على طول و الفعل يصبح كده مفعول فى قلعة يحوى كتير حكايات صندوق وأسود لامنيات انهار بحور بتسير بأمان تسجد تسبح للرحمن امواج وبحر وهوا بيطير يرسل فى شفرات بالمراسيل ويقولوا نبعث بوسطة تطير واكيد ده برضه السر فى بير صندوق بريد لسنين و سنين تحوى رسايل بالملاين حكايات وتتكرر كده على طول فى كل وقت وكل عصور كتاب تاريخ للانسانية فصوله مختلفة ثرية و يصوروا  البحر بشيخ مبروك عابد و زاهد  للموجود اعماقه توصل  سابع ارض ودعاه بيوصل للسما من الارض وامواجه تجرى بفعل الريح توصل رسايل بشكل سريع والبير صخور كده محفورة فى البحر موصول بسهولة أية و بدعة صنع الله سبحانه ربى جل علاه موروث وعادة منذ سنين الميه بركة للملاين تحمل بواخر و بضايع والحمل يبقى خفيف ساير و نفتح بداية فى رسالة من شابه حبت بأمانة و تقول حبيبى انت يا عبدالله من العيون يحرسك الله بكل نقطة فى مية بحر دموعى بتسيل حب و قهر نسيت كلامك و دموعك و حبى محفور فى ضلوعك و البحر يشهد على ذلك و امواجه بتقول برضه كذلك سافرت و نسيت احلامنا و ذكريات كل ايامنا استحلفك بدموع البحر ترجع فى يوم او حتى فى شهر اهلى بيضغطوا عليا البس فى دبلة فى ايديا راح اتخطب لعريس موجود و املى ده برضه ترجع و تعود لو فى دى عودة تبقى قريبة ولومافيش تبقى مصيبة النوة جاية على الابواب وانت بتاكل هناك فى كباب بابعت رسالة مع موج البحر ابعث لى شبكة وادفع مهر يااما تبقى راجل مظبوط يااما تبقى حقيقى هلفوت لارد منك ولا حتى جواب خليت حياتى سواد و هباب اسمع يا كابتن سمعت الرعد لازم ترد لومرة بجد صبرى قليل والحيرة دى كتير و انت عامل لى فيها خنزير جننتنى ياابن نفيسة وخليتنى ادق فى هريسة شكلك ملاوع او كداب توك توك يشيلك من عالباب ده عريسى حلو وبرقبتك وروح في داهية انت واهلك       ونفتح تاني بقي في رسالة من زوجة عاملة وشغالة واسمها سعاد بنت عطية وجوزها كان في السعودية وبتشتكي قلة جوابات ومصاريف عيالها في الجامعات وتقول يا سيد يا ابن بهانة الغيرة وحشة وقتالة تعبت بقي من جهد عيال لوحدي وانت هناك شغال ملاليم بتبعت كده في فلوس والبخل عندك توكة بدبوس والبحر شاهد علي بخلك والموج بيشتكى من شحك ابعت لي عمرة وحجة كمان احسن ما ادخل فيك الليمان حتي الجواب كده تستخر لافلوس ولبس كده مقصر خمس سنين ما فتحت الباب والعيشة صعبة وكله هباب والعمر يجري بسرعة كمان وشبابي راح وبدون عنوان حفظت بيتك وعيالك لو تفتكر احنا احبابك كفاية غربة وجمع فلوس وارجع مقامك ده محفوظ نفسى فى غوايش وعباية ودهب سعودى ودلاية يارب يا عالم بالحال يرجع ده سيد كده فى الحال ارجع بقى ياابن بهانة ده انا زوجة صالحة وتعبانة تعال شوف بقى فى عيالك الاهى يصلح احوالك دى المسئولية مابين زوجين شركة يشيلوها هما الاتنين احسن ما اصوت فى الدوار واخرج وابقى من الثوار واعتصم كده فى التحرير واقول حياتى فيها ظلم كتير        ونفتح ده تانى فى رسالة من ست سايبة فى امانة واسمها ريتا ويونانية وسايبة كلب لفتحية عاشت فى جالية يونانية واستوطنت فى اسكندرية حبت تسافر لولادها وغلبها شوقها لاحفادها لكن حبيبها وصديقها كان كلب يأنس وحدتها واسمه الحقيقى سبع الليل عشان بيسهر طول الليل وركس برضه ودوبرمان وفى ويحمى صاحبه الانسان وريتا بتحبه وترعاه وتبوس فى ديله وتتمنى رضاه لكن ظروفها القهرية تركته فى رعاية فتحية وسابت لها مبلغ من المال ترعاه بشدة وكل كمال وكمان رسالة لفتحية فيها ارشادات توضيحية اوصيكى برضه يافتحية بركس وحياته الطبيعية يصحى ويفطر كده على طول وجسمه يدهن بديتول وغذاه ده محفوظ كده معروف تحطه وبدون اى كسوف يخرج ويتفسح بعد الظهر ويفوق ويتريض بعد العصر وياخد شاور قبل ما ينام وشامبو مخصوص للحيوان وعشاه خفيف عشان الرجيم وعصير مخصص للتنويم وكل اسبوع يزوره الدكتور يكشف ويطمن على المستور وحسابة فى البنك ده معروف فتحية تقدر تاخد وتشوف يارب خلى حبيبى ركس يزيد ويبقى كده برفكس     ونفتح ده تانى فى رسالة من صياد وشبكه على هوانا صياد وباخرج برضه اصطاد ورزقى يطلع لما اصطاد فى المينا نخرج فى مراكب نركب فى بحر ونسافر وعشان كده باكتب فى جواب لمراتى واولادى الاحباب سيبنا الموانى المصرية ودخلنا فى مياه دولية والرزق واسع فى الاعماق سمك وبورى وقشر بياض لكن قلقنا من النوة والريح شديدة ما بتستنى بنصيد بشبكة وسنارة وبصبر وافر ومهارة وفجأة اسرونا القرصان وقيدونا ليل ونهار فاكرين القبة تحتها شيخ واحنا اخرنا كفر الشيخ وطالبونا برضه بفلوس الافات قلنا ياريت ده الفقر ميعاد وعرضنا ياخدوا من الاسماك بياض وبورى وقشر بياض وعذبونا شهور وايام واحنا بنشتكى لعم امام وفى النهاية سابونا نعود زى الوقار او كيلو قرموط ايش ياخد الريح من البلاط او اللمون ده من الخلاط لو كنتى بتدعى يا حسنية ماكنا دوخنا يا ولية وابوكى ماسك فى الدنيا يدينا نفحة وكولونيا وامك بتبخل وتحوش وحنورثها برضه ونكوش خلى العيال ياكلوا فى لحمة بلاها اسماك منتهية       ورسالة تانية من فلاح نفسه فى حياته يكون مرتاح فلاح واسمى عبد الستار وباشتغل ليل ويا نهار نفسى فى جاموسة وقيراطين واحطهم فى عنيا الاتنين وازرع واقلع فى ارض يا ناس والخير ده يطلع لكل الناس كفاية اجرة وكمان تراحيل واملك فى ارض مع التساهيل امل حياتى وباتمناه ولو يكون السعد وراه وعشان كده ده كتبت جواب يمكن ده يوصل للتواب ويكون ده عندى زريبة كمان فيها بهايم مش انسان واخطب حميدة بنت سنية وتكون عروسة المنوفية واجيب لها غويشة وكردان وكم ملاية يبقوا جنان وابوها يحل برضه اللى فى كيسه ويدينا حبة من قراطيسه وامها تطلع فى فلسطين او سوريا وعراق مش فارقين كلامها لوك لوك كده على طول ولسانها يضرب عرض وطول حرام عليكى يا سنية اللت والعجن ده قضية ويكون لى عزوة وولد كتير وحمير تسافر للبرازيل وكفاية فول مع طعمية نفسى فى بط بالملوخية وفراخ تبيض وحمام بيطير وجاموسة تحلب زبدة كتير وكباب يغير ريحة الدار وهواه يهفهف ليل ونهار والبس فى لاسة وجلابية زى عمدتنا ابو طاقية والمش يهرب من الدوار وفطير مشلتت يبقى عمار     وتتجول الكاميرا على كل المشاهد المذكورة لتبين عظمة الاسكندرية. ورسالة برضه من اسكندر وكليوباترا بتتغندر يونان رومان عملوا لها تاريخ لاسكندرية مهب الريح وياما كتبوا كتير رسالات وفى بحرها جعلوها ايات بطالمة يعنى تاريخ اغريق يونان ده شعب كبير وعريق أثار مقابر تركوها فى كوم الشقافة وعلى ابوها وكمان رومان تركوا لنا زمان مسرح سوارى بدون عنوان وفى عهد برضه دخول اسلام بنوا لنا قلعة فى قايتباى كوم الشقافة زنقة ستات وفى الازاريطة نجيب فى حاجات مدد يا مرسى ياابو العباس ومسجده ده مزار للناس من سيدى بشر للانفوشى وهواه بيضرب طربوشى كورنيش وبحرى يرد الروح جمال وخفة مطرح ماتروح والمكتبة تحفة منارة زاينة مكانها بقدارة والمينا مليانة مراكب تطلع وتدخل بالراكب وجمبرى وبورى على وقار تتغدى بيه وبدون انذار اسكندرية عروسة البحر مدخل ومينا من عصر لعصر كافيهات قهاوى على الكورنيش وناس بتجرى على لقمة عيش وميامى برضه وبير مسعود والمجد برضه لابد يعود
« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق