]]>
خواطر :
انساك ! ده كلام ؟... اهو ده اللي مش ممكن ابدا...   (بلقسام حمدان العربي الإدريسي) . 

قصيدة حلم جميل

بواسطة: ياسر شرف  |  بتاريخ: 2014-05-15 ، الوقت: 13:03:18
  • تقييم المقالة:

قصيدة حلم جميل

==============

حلمت مرة حلم جميل وكنت ماشى فى قصر النيل وكأنى مولود من قرن وفات وباشوفه برضه فى السينمات امشى فى شارع كله نظيف لامرور وزحمة ولا تجريف واركب اتوبيس والاقى مكان دقة ومتانة هى العنوان اوحتى تاكسى موديل العام توصل يسرعة وخير وسلام والنيل ييجرى على الكورنيش والناس بتسعى للقمة عيش والكنس دايم مع التغسيل والزينة حلوة فى الميادين فى مدينة حلوة ولامعة ساحرة ومضيئة وقاهرة اخلاق عظيمة لكل الناس ايثار ونخوة وكمان احساس الابن بيبوس ايد ابويه وبيحترم ده كبار حواليه والست تمشى بكل وقار لانظرة حتى ولاخدش لجار وشباب بياخذ فى المصروف على الازبكية بيجرى شغوف يقرا فى ثقافة كدة مرصوصة كتب علوم او اقصوصة وبدل ماياكل سندوتشات بيلتهم فى ثقافة بالذات حتى الصنايعى بقى مثقف يسمع قصائد ويتثقف كلثوم تغنى فى كل مكان احلى الاغانى والالحان والكل يسمع بالوجدان فى كل حفلة بخير وسلام عبد الوهاب وحليم وفريد فى كل لحظة لحن جديد صلاح جاهين والابنودى خلونى اعرف فى حدودى فرسان لكلمة واجمل شعراء وللمريض دول احلى شفاء عقاد وطه ونجيب محفوظ اصل اللقاء ده نصيب وحظوظ ريحانى سمعة يوسف وهبى نجوم ومحفورة فى قلبى عباقرة وفى كل المجالات ومصر ولادة فى سلالات وتصرفات هادية حميدة فى حياة بسيطة وسعيدة حتى المواسم والاعياد فى القاهرة وفى كل بلاد رمضان واضحى وكحك العيد الكل يتشارك ويبقى سعيد لو جارنا يطبخ أي طبيخ يتعب ويسعد في التوزيع واحنا نبادله بالاحاسيس وندعي له يكبر ويبقي رئيسٍِِ قبطي ومسلم مشتركين في اعياد كتيرة وفي روح الدين لاغيرة قاتلة ولا تقتيل الكل عايش عصر جميل عصر المحبة والرحمات عصر العباقرة والفلتات والارض مزروعة بالخير وبالمحبة والحب للغير يعني حياة وانسانية ولا عيش في غابة ووحشية واتمنيت في لحظة الحكم يطول واعيش في نفس العصر علي طول لكن صحيت برضه علي الكابوس في عصر مليان حقد وسوس لاحد طايق اخوه الانسان والغابة سادت كل مكان تقتيل وحرق وغل كمان والنرفزة بقت العنوان تشوف تحرش للفتيات نخوة ورجولة ماتت يا شباب ولا احترام حتي لكبير وثورة قامت في التحرير فوقوا واصحوا  يا مصريين ده كان قائدنا صلاح الدين كبير وجارك برضه يموت لاتحس بيه ولا حتى تفوت شطارة تكسر فى الاشارات وبالفتونة تركن فى حارات فاكرنها قوة وفرد فى صدر وان مافيش غيرهم عالحجر وللاسف صور لشباب اليوم بيهبطوا وعليهم اللوم حشيش وبانجو وترامادول وتخون فى دول وتكيد فى دول وليل ونهار قاعدين عالنت الحاد خيانة وزفت فى زفت ولقمة سهلة فى ايد اعداء بيحركوهم بكل دهاء شباب ومستقبل اوطان بيدمروهم ليل ونهار احنا اللى بنينا الاهرامات راح نستعيد كل الحضارات وعاداتنا برضه فى يوم حتعود وتقاليدنا زمان لازم حتسود هو التاريخ بيحكى ويقول كبوات امم تطلع وتزول لكن لابد الحق يعود ربك كرم دايما موجود ونعيد حضارة وادى النيل ونعيش معاهم حلم جميل 

  مع تحيات الفقير الى الله

ياسر شرف- كبير محررين مترجمين

بقطاع الاخبار- الاذاعة والتلفزيون

YSHARAF37@GMAIL.COM- 01005285578

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق