]]>
خواطر :
شوهدت ذئاب على أطراف الوديان في فرائس تتحينُ ...مرت عليها البهائم وهي تتعجب... ردت الذئاب على البهائم ، لما العجبُ لولا الفرائسُ لما وُجدت الذئابُ...   (بلقسام حمدان العربي الإدريسي) . اختصار الكلام براعة لا يجيدها كل أحد، كما أن الإسهاب فيه فن لا يتقنه إلا القلة، والعبقري من يجمع بين الحُسنين   (محمد النائل) . الحياة فصول .. جلوسنا لدقائق , لا يعني إحتوائها تماما هي دقائق نتأملها ..لا غير.   (طيف امرأه) . 

قصيدة انا مافيش

بواسطة: ياسر شرف  |  بتاريخ: 2014-05-12 ، الوقت: 21:47:59
  • تقييم المقالة:
قصيدة انا مافيش ===========

اسمى مافيش ولقبى مافيش وربى خلقنى عشان اعيش

وكنت نطفة فى بيضة صفرا فقست منها عشان اعيش

اناجى ربى واسجد بحمدى هو خلقنى وانا مافيش

احلم بانى حمامة بريش واصحى واعرف انى مافيش

فى اى قارة ما تعرفنيش لانى برضه يعنى مافيش

يجى لى علة او مايجيش فى لحظة واحدة ابقى مافيش

لا تقول لى قوة اوحتى الجيش ده ربى اقوى وانا مافيش

تاخد عمولة او بقشيش وتقول ده عذرى عايز اعيش

هى الحياة مش لقمة عيش لكن الحقيقة انى مافيش

نعمه بحار بتفيض عمار تغمر حياتنا بالازدهار

كرمنى ربى بروح انسان وفضلنى برضه على الحيوان

اكل واشرب واكسب فلوس واحمد واشكر وايدى ابوس

غرور يصيبنى وشيطان راكبنى ووهمى قال لى مافيش غالبنى

اسرق وانصب واقتل وادمر وفى النهاية انا مافيش

وابكى فى دمعى وانزف فى دمى واقول يا ربى سيبنى اعيش

ده ملكه هو وخالقه كمان ولا دايم الا وجه الرحمن

لو فيا قوة حتزول بسرعة والعمر ثانية وبس جرعة

افتن واكذب واخون واعيش وفى النهاية انا مافيش

امشى فى شارع غيرى مايمشيش قال يعنى مالكه ده انا مافيش

شبيحة يعنى او بلطجية فاكرينها عافية وفتوجية

جواسيس وخونة ومتامرين ربك راصدهم ليوم الدين

ويقولوا برضه رجال اعمال يمصوا دم كتير عمال

فساد برشوة ومبتزين من سحت وعمولة برضه عايشين

نفوذ بسلطة وامر رئيس ده مش رجولة وفعل خسيس

ملك وحاشية كتير حواليه تظلم بظلمه وتحت عنيه

والجرى سرعة وجرى وحوش وغير نصيبك يوم ما تحوش

مسكين يسلم اموره ل الله يساعده دايما ويتولاه

لو دامت لغيرك ما كانت وصلتلك دى دنيا فانية تضحك على خيبتك

ده ماتش كورة بتلعب فيه تلعب وتخرج من حواليه

وهم دول المتفرجين مستنين وليوم الدين

وانا الفقير دايما ل الله منحنى كل اللى باتمناه

والقبر حفرة بشريحتين من نور ونار هما الاتنين

مذكور فى قبرى كنت باعيش واسمى ولقبى برضه مافيش

 

مع تحيات الفقير الى الله ياسر شرف- كبير محررين مترجمين بقطاع الاخبار- الاذاعة والتلفزيون YSHARAF37@GMAIL.COM- 01005285578  

 

 

 


« المقالة السابقة ... المقالة التالية »

» إضافة تعليق :

لكي تتمكن من التعليق يجب عليك تسجيل الدخول
البريد الالكتروني
كلمة السر  
او يمكنك الدخول والتعليق عن طريق فيسبوك او تويتر
 انشر التعليق على حائطي في فيسبوك او على صفحتي بتويتر
علق مع فيسبوك       الدخول عن طريق تويتر
او يمكنك التعليق بإستخادم اسم مستعار
اسمك المستعار:
آضف تعليق